Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightU.A.Echevron_rightമുഖ്യമന്ത്രീ, പ്രവാസി...

മുഖ്യമന്ത്രീ, പ്രവാസി അതിഥി തൊഴിലാളികളോട്​ അൽപമെങ്കിലും ദയ കാണിക്കൂ

text_fields
bookmark_border
മുഖ്യമന്ത്രീ, പ്രവാസി അതിഥി തൊഴിലാളികളോട്​ അൽപമെങ്കിലും ദയ കാണിക്കൂ
cancel

ദുബൈ: ഒരു ഇത്തിരിക്കുഞ്ഞൻ വൈറസ്​ മനുഷ്യരെ അപ്രതീക്ഷിതമായി ദുരിതത്തിലാഴ്​ത്തിയപ്പോൾ ലോകമെമ്പാടുമുള്ള പ്രവാസികൾക്ക്​ ഒരു ആശ്വാസമുണ്ടായിരുന്നു- ഒന്ന്​ നാടെത്തിക്കിട്ടിയാൽ മതി.

നമ്മുടെ കാര്യങ്ങൾ നോക്കാൻ, ചേർത്തുപിടിക്കാൻ സർക്കാർ കൂടെയുണ്ടാവും എന്നൊരു വി​ശ്വാസം. പ്രവാസിയുടെ വിയർപ്പി​​​െൻറ ബലത്തിലാണ്​ കഞ്ഞി കുടിച്ചു പോന്നതെന്ന്​ മറക്കരുത്​ എന്ന്​ വാർത്താ സമ്മേളനത്തിൽ പ്രഖ്യാപിച്ച മുഖ്യമന്ത്രിക്കു വേണ്ടി പടച്ചതമ്പുരാനോട്​ പ്രാർഥിച്ച നേരം പ്രവാസികൾക്ക്​ പാർട്ടിയോ ജാതിയോ മതമോ ഉണ്ടായിരുന്നില്ല. മലയാളി എന്നു മാത്രമായിരുന്നു അവരുടെ മേൽവിലാസം. 

വിമാനങ്ങൾ പറന്നു തുടങ്ങിയപ്പോൾ അവരുടെ മോഹങ്ങൾക്കും ചിറകുവെച്ചു. ജോലി നഷ്​ടപ്പെട്ട്​ മാസങ്ങളായി മുറിയിലിരിക്കുന്നവർക്കും ജോലി അന്വേഷിച്ച്​ വന്ന്​ മടങ്ങിപ്പോകാൻ ഉൗഴം കാത്തു നിന്നവർക്കും താങ്ങാൻ കഴിയുന്നതായിര​ുന്നില്ല ടിക്കറ്റ്​ നിരക്ക്​.

ബാക്കിയിരുന്ന ദിർഹമുകൾ തൂത്തുകൂട്ടിയും തന്നെപ്പോലുള്ള അർധ പട്ടിണിക്കാരിൽ നിന്ന്​ സ്വരൂപിച്ചും ടിക്കറ്റെടുത്താണ്​ പലരും മടങ്ങാനൊരുങ്ങുന്നത്​. അതിനു പോലും നിവൃത്തിയില്ലാത്തവർക്ക്​ സാമൂഹിക-ജീവകാരുണ്യ സംഘടനകൾ സംഘടിപ്പിച്ചു നൽകി ടിക്കറ്റാണ്​ നാട്ടിലേക്ക്​ വഴി തുറന്നത്​.

കയറിപ്പോന്നോളൂ, നാട്ടിൽ എത്തിയാൽ ഞങ്ങൾ നോക്കിക്കൊള്ളാം എന്ന ഒരു വാക്ക്​ ​അപ്പോഴും അവർക്ക്​ കരുത്തായിരുന്നു. ആദ്യ വിമാനങ്ങളിൽ നാട്ടിൽ വന്നിറങ്ങിയവർക്ക്​ ഒരുക്കിക്കൊടുത്ത  ക്വാറൻറീൻ സൗകര്യങ്ങളെക്കുറിച്ചറിഞ്ഞ്​ ആ മനുഷ്യർ സമാധാനപ്പെട്ടിരുന്നു.

എന്നാൽ, ഇനി മുതൽ ക്വാറൻറീനിൽ നിൽക്കുന്നവർ, അവർ പാവങ്ങളാണെങ്കിൽ പോലും പണം നൽകണമെന്ന മുഖ്യമന്ത്രിയുടെ വർത്തമാനം കേട്ട്​ തരിച്ചിരിക്കുകയാണവർ. 

പ്രിയപ്പെട്ട മുഖ്യമന്ത്രീ, താങ്കൾ കുറച്ചു ദിവസം മൂൻപ്​ നടത്തിയ വാർത്താ സമ്മേളനങ്ങളുടെ വീഡി​േയാ സമയമെടുത്ത്​ ഒന്ന്​ വീണ്ടും കണ്ടുനോക്കണം. ഗൾഫ്​ രാജ്യങ്ങളിലെ സർക്കാറുകളും സർക്കാരിതര സംഘടനകളും നൽകി വരുന്ന അരിയും കൂബൂസും കഴിച്ച്​ ജീവൻ നിലനിർത്തിപ്പോരുന്ന മനുഷ്യരോടാണ്​ താങ്കൾ പണം വാങ്ങാൻ ഒരുങ്ങുന്നത്​ എന്ന്​ മനസിലാക്കണം.

വിദേശ രാജ്യങ്ങളിലെ സർക്കാറുകൾ ഞങ്ങളെപ്പോലുള്ള അതിഥി തൊഴിലാളികളോട്​ കാണിക്കുന്ന ദയാവായ്​പി​​​െൻറ നൂറിലൊരംശമെങ്കിലും എല്ലാം നഷ്​ടപ്പെട്ട്​ നാട്ടിലേക്ക്​ മടങ്ങിയെത്തുന്ന സാധുക്കളോട്​ കാണിക്കണം-നൂറു കോടി പുണ്യമുണ്ടാവും.

Show Full Article
TAGS:covid 19 nri gulf news malayalam news 
Next Story