യാത്രാവിമാനങ്ങൾക്ക്​ തടസ്സം സൃഷ്​ടിക്കൽ: ഖത്തറിനെതിരെ യു.എ.ഇ പരാതി നൽകി

അബൂദബി: യു.എ.ഇ യാത്രാവിമാനങ്ങൾക്ക്​ തടസ്സം സൃഷ്​ടിക്കുന്നത്​ തുടരുന്ന സാഹചര്യത്തിൽ യു.എ.ഇ ഖത്തറിനെതിരെ അന്താരാഷ്​ട്ര സിവിൽ വ്യോമയാന സംഘടനക്ക്​ (​െഎ.സി.എ.ഒ) ഒൗദ്യോഗികമായി പരാതി നൽകി. ചിക്കാഗോ കൺവെൻഷൻ ആർട്ടിക്ക്​ൾ നമ്പർ 54 പ്രകാരം വിശദമായ പരാതിയാണ്​ ഫയൽ ചെയ്​തിരിക്കുന്നതെന്ന്​ യു.എ.ഇ പൊതു സിവിൽ വ്യോമയാന അതോറിറ്റി (ജി.സി.എ.എ) ഡയറക്​ടർ ജനറൽ സൈഫ്​ മുഹമ്മദ്​ ആൽ സുവൈദി പറഞ്ഞു. യു.എ.ഇ യാത്രാവിമാനങ്ങൾക്ക്​ നേരെയുള്ള ഖത്തറി​​​െൻറ അക്രമാസക്​തമായ നടപടികൾ അന്താരാഷ്​ട്ര ഉടമ്പടികളു​െട ബോധപൂർവമുള്ള ലംഘനമായും സിവിൽ വ്യോമയാന മേഖലക്ക്​ ഭീഷണിയായുമാണ്​ പരി​ഗണിക്കപ്പൈടേണ്ടത്​. 

ഇത്തരം പ്രകോപനങ്ങൾ ന്യായീകരണമില്ലാത്തതും യാത്രക്കാരുടെയും വിമാന ജീവനക്കാരുടെയും സുരക്ഷക്ക്​ വലിയ ഭീഷണിയുമാണ്​. പരാതിയിൽ അന്വേഷണം നടത്തേണ്ട തീയതി െഎ.സി.എ.ഒ പിന്നീട്​ തീരുമാനിക്കുമെന്ന്​ സൈഫ്​ മുഹമ്മദ്​ ആൽ സുവൈദി വ്യക്​തമാക്കി.കഴിഞ്ഞയാഴ്​ച രണ്ട്​ യു.എ.ഇ യാത്രാവിമാനങ്ങളു​െട നേർക്കാണ്​ ഖത്തർ യുദ്ധവിമാനങ്ങൾ അപകടകരമായ നിലയിൽ വന്നത്​. ഇതിലൊരു വിമാനത്തി​​​െൻറ 200 മീറ്ററോളം അടുത്തെത്തിയിരുന്നു ഖത്തർ യുദ്ധ വിമാനം. യാത്രാവിമാനത്തി​െല പൈലറ്റി​​​െൻറ അവസ​രോചിത നീക്കം കാരണമാണ്​ അപകടമൊഴിവായത്​. ജനുവരിയിലും രണ്ട്​ യു.എ.ഇ യാത്രാവിമാനങ്ങൾക്ക്​ ഖത്തർ തടസ്സം സൃഷ്​ടിച്ചിരുന്നു.