മ​മ്മി​ക​ൾ​ക്കു​ള്ളി​ൽ ഫ​റോ​വ​യു​റ​ങ്ങു​ന്നു

ക്രി​സ്​​തു​വി​ന്​ 2000ത്തോ​ളം വ​ർ​ഷ​ങ്ങ​ൾ​ക്കു​മു​മ്പ്​ നി​ർ​മി​ക്ക​പ്പെ​ട്ട ​െകെ​റോ ന​ഗ​രം ദൃ​ശ്യ​മാ​യി തു​ട​ങ്ങു​ക​യാ​ണ്. പാ​ത മു​ഴു​വ​നും വാ​ഹ​ന​ങ്ങ​ൾ നി​റ​ഞ്ഞി​രി​ക്കു​ന്നു. നേ​ര​ത്തേ ബു​ക്ക് ചെ​യ്ത ഹോ​ട്ട​ലി​​െൻറ അ​ടു​ത്തു​ള്ള തെ​രു​വി​ൽ ഡ്രൈ​വ​ർ ഇ​റ​ക്കി. അ​ങ്ങ​നെ പൗ​രാ​ണി​ക ​െകെ​റോ​വി​ലേ​ക്ക് കാ​ലെ​ടു​ത്തു​വെ​ക്കു​ക​യാ​ണ്. ചു​റ്റും പ​ഴ​യ കെ​ട്ടി​ട​ങ്ങ​ൾ മാ​ത്രം, എ​ങ്ങും ജ​ന​ങ്ങ​ളു​ടെ​യും വാ​ഹ​ന​ങ്ങ​ളു​ടെ​യും ബ​ഹ​ള​ങ്ങ​ൾ.

ന​ട​ന്ന് ഒ​രു പ​ഴ​യ കെ​ട്ടി​ട​ത്തി​നു മു​ന്നി​ലെ​ത്തി. സൂ​ക്ഷി​ച്ചു നോ​ക്കി​യ​പ്പോ​ൾ ചെ​റി​യൊ​രു ബോ​ർ​ഡ് ക​ണ്ടു. ഓ​ൺ​ലൈ​ൻ വ​ഴി ബു​ക്ക് ചെ​യ്ത ഹോ​ട്ട​ൽ ക​ണ്ടു, പ​ഴ​കി ദ്ര​വി​ച്ച ഏ​ഴു​നി​ല കെ​ട്ടി​ടം! ലി​ഫ്റ്റ് സം​വി​ധാ​നം ഒ​ന്നു​മി​ല്ലാ​ത്ത അ​തി​പു​രാ​ത​ന സ​മു​ച്ച​യം. മു​ന്നോ​ട്ടു​വെ​ച്ച കാ​ല് പി​റ​കോ​ട്ടു​വെ​ച്ചു. വേ​ഗം നെ​റ്റി​ൽ പ​ര​തി അ​ടു​ത്തു​ള്ള മ​റ്റൊ​രു ഹോ​ട്ട​ലി​ൽ മു​റി സം​ഘ​ടി​പ്പി​ച്ചു. ഹോ​ട്ട​ൽ റി​സ​പ്ഷ​നി​സ്​​റ്റ്​ വി​ശ​ദ​മാ​യി ത​ന്നെ കാ​ര്യ​ങ്ങ​ൾ വി​ശ​ദീ​ക​രി​ച്ചു. പ്ര​ഥ​മ ല​ക്ഷ്യ​സ്ഥാ​നം ​െകെ​റോ മ്യൂ​സി​യ​ത്തി​ലേ​ക്ക്.

ടി​ക്ക​റ്റ് കൗ​ണ്ട​റി​ന് ഇ​രു​വ​ശ​വും ഗൈ​ഡു​ക​ളെ കൊ​ണ്ട് നി​റ​ഞ്ഞി​രു​ന്നു. അ​വ​രു​ടെ സേ​വ​നം തേ​ടാ​തെ ടി​ക്ക​റ്റു​മാ​യി ഞ​ങ്ങ​ൾ നൂ​റ്റാ​ണ്ടു​ക​ൾ​ക്ക് പി​റ​കെ​യു​ള്ള ലോ​ക​ത്തേ​ക്ക്​ പ്ര​വേ​ശി​ച്ചു. ഈ​ജി​പ്ഷ്യ​ൻ സാ​മ്രാ​ജ്യം അ​ട​ക്കി​ഭ​രി​ച്ചി​രു​ന്ന രാ​ജാ​ക്ക​ന്മാ​രു​ടെ ഭൗ​തി​ക​ദേ​ഹ​ങ്ങ​ൾ അ​ട​ക്കം ചെ​യ്ത മ​മ്മി​ക​ളും ആ​ട​യാ​ഭ​ര​ണ​ങ്ങ​ളും ക​ണ്ട് ഞ​ങ്ങ​ൾ മാ​യാ പ്ര​പ​ഞ്ച​ത്തി​ലൂ​ടെ സ​ഞ്ച​രി​ക്കു​ക​യാ​ണ്. എ​​െൻറ ക​ണ്ണു​ക​ൾ പ​ര​തി​യ​ത് ആ ​കോ​ടീ​ശ്വ​ര​നെ​യാ​യി​രു​ന്നു. ച​ത്താ​ലും ച​മ​ഞ്ഞു​കി​ട​ക്കും എ​ന്ന പ​ഴ​ഞ്ചൊ​ല്ല് അ​ർ​ഥ​മാ​ക്കു​ന്ന ‘തു​ത്ത​ൻ​ഖാ​മ​ൻ’ എ​ന്ന രാ​ജാ​വ് അ​ണി​ഞ്ഞി​രു​ന്ന ആ​ട​യാ​ഭ​ര​ണ​ങ്ങ​ൾ കാ​ണാ​നു​ള്ള തി​ടു​ക്ക​മാ​യി​രു​ന്നു. ഒ​രു ചി​ല്ലു​കൂ​ട്ടി​ൽ ഭ​ദ്ര​മാ​യി സൂ​ക്ഷി​ച്ചു​വെ​ച്ച അ​ദ്ദേ​ഹ​ത്തി​​െൻറ ര​ത്ന​ങ്ങ​ളും മു​ത്തു​ക​ളും പ​തി​ച്ച മു​ഖാ​വ​ര​ണ കി​രീ​ട​വും പ​ട​ച്ച​ട്ട​ക​ളും മ​റ്റ് ആ​ഭ​ര​ണ​ങ്ങ​ളും ഒ​രു വി​സ്മ​യം പോ​ലെ ഞ​ങ്ങ​ൾ നോ​ക്കി​നി​ന്നു. സ​മ​യം പോ​യ​ത​റി​ഞ്ഞി​ല്ല. പി​ന്നീ​ട്​ മ​മ്മി​ക​ളു​ടെ മ്യു​സി​യ​ത്തി​ലേ​ക്ക്. ഫി​ർ​ഔ​ൻ എ​ന്ന ഫ​റോ​വ​യു​ടെ ഭൗ​തി​ക​ദേ​ഹം ഉ​ൾ​പ്പെ​ടെ 22 മ​മ്മി​ക​ൾ സൂ​ക്ഷി​ച്ച ചേം​ബ​റി​ലേ​ക്ക്. കാ​മ​റ, വി​ഡി​യോ എ​ന്നി​വ​യെ​ല്ലാം നി​രോ​ധി​ച്ചു​കൊ​ണ്ടു​ള്ള നോ​ട്ടീ​സും കാ​ണാ​നി​ട​യാ​യി. എ​ങ്കി​ലും സു​ര​ക്ഷാ ഉ​ദ്യോ​ഗ​സ്ഥ​രു​ടെ ക​ണ്ണു​വെ​ട്ടി​ച്ച് ത​നി മ​ല​യാ​ളി സ്വ​ഭാ​വം ഞ​ങ്ങ​ള​വി​ടെ കാ​ണി​ച്ചു. അ​തും ക​ഴി​ഞ്ഞു വീ​ണ്ടും ചെ​റി​യ മ​മ്മി​ക​ളും മൃ​ഗ​ങ്ങ​ളു​ടെ മ​മ്മി​ക​ളും ഉ​ൾ​പ്പെ​ടു​ന്ന ഒ​രു ചെ​റി​യ ചേം​ബ​റി​ലേ​ക്ക്.
മ്യു​സി​യ​ത്തി​​െൻറ അ​രി​കി​ലൂ​ടെ ഇൗ ​ച​രി​ത്ര​ങ്ങ​ൾ​ക്കെ​ല്ലാം സാ​ക്ഷി​യാ​യ നൈ​ൽ ന​ദി ഒ​ഴു​കു​ന്നു. അ​ങ്ങ​ക​ലെ ​െകെ​റോ ട​വ​ർ കാ​ണാം. വ​ഴി​യ​രി​കി​ൽ ക​ണ്ട ദു​ബൈ എ​ന്ന് നാ​മ​ക​ര​ണം ചെ​യ്ത ആ​ഡം​ബ​ര ക്രൂ​യി​സ് ക​പ്പ​ലി​ൽ ഞ​ങ്ങ​ളു​ടെ ക​ണ്ണു​ട​ക്കി. നേ​രെ അ​ക​ത്തേ​ക്ക് ക​ട​ന്നു വി​വ​ര​ങ്ങ​ൾ ചോ​ദി​ച്ച​റി​ഞ്ഞു. രാ​ത്രി എ​ട്ടി​ന്​ യാ​ത്ര തു​ട​ങ്ങി പ​ത്തി​ന്​ അ​വ​സാ​നി​ക്കു​ന്ന ക്രൂ​യി​സ് യാ​ത്ര​ക്ക് ബു​ക്ക്‌ ചെ​യ്ത് നേ​രെ ത​ഹ്റീ​ർ സ്‌​ക്വ​യ​റി​ലേ​ക്ക് ന​ട​ന്നു.

ത​ഹ്​​രീ​ർ സ്ക്വ​യ​റും നൈ​ൽ സ​ഞ്ചാ​ര​വും
ത​ഹ്‌​രീ​ർ ച​ത്വ​ര​ത്തി​ന്​ ന​ടു​വി​ലാ​ണ് ഇ​പ്പോ​ൾ നി​ൽ​ക്കു​ന്ന​ത്. മു​ല്ല​പ്പൂ വി​പ്ല​വ കാ​ല​ത്ത്​ കാ​തു​ക​ളി​ൽ ഒ​രു​പാ​ട് മു​ഴ​ങ്ങി​യി​രു​ന്നു ഈ ​നാ​മം! വി​പ്ല​വ മു​ദ്ര​വാ​ക്യ​ങ്ങ​ൾ കേ​ട്ടു കു​ലു​ങ്ങി​യ പു​രാ​ത​ന കെ​ട്ടി​ട​ങ്ങ​ൾ ചു​റ്റു​മു​ണ്ട്. വി​പ്ല​വ​കാ​രി​ക​ൾ തീ​വെ​ച്ച ഈ​ജി​പ്ഷ്യ​ൻ മു​ൻ ഏ​കാ​ധി​പ​തി ഹു​സ്നി മു​ബാ​റ​ക്കി​​െൻറ പാ​ർ​ട്ടി ആ​സ്ഥാ​ന​ത്തി​​െൻറ ബാ​ക്കി ഭാ​ഗം അ​വി​ടെ കാ​ണു​ന്നു​ണ്ട്. മൈ​താ​നം അ​പ്പോ​ഴേ​ക്കും യു​വ​ജ​ന​ങ്ങ​ളു​ടെ സം​ഗ​മ​കേ​ന്ദ്ര​മാ​യി മാ​റി​ക്ക​ഴി​ഞ്ഞി​രു​ന്നു. ച​ത്വ​ര​ത്തി​ന്​ അ​രി​കു പ​റ്റി ഞ​ങ്ങ​ൾ ന​ട​ന്നു​പോ​കു​ന്ന​തി​നി​ടെ ഒ​രു ഗൈ​ഡ് ​ൈക​യി​ൽ ക​യ​റി​പ്പി​ടി​ച്ചു.

നാ​ളേ​ക്കു​ള്ള ഒ​രു​പാ​ട് ടൂ​ർ പാ​ക്കേ​ജു​ക​ൾ അ​ദ്ദേ​ഹം നി​ര​ത്തി. പി​ര​മി​ഡ് ട്രി​പ്​ ഉ​ൾ​പ്പെ​ടെ​യു​ള്ള പാ​ക്കേ​ജ് വി​ല​പേ​ശി ഉ​റ​പ്പി​ച്ചു. സ​മ​യം എ​ട്ടു മ​ണി​യാ​വു​ന്നു- ക്രൂ​യി​സ് ബോ​ട്ട് ല​ക്ഷ്യ​മാ​ക്കി നീ​ങ്ങി. കൃ​ത്യ സ​മ​യ​ത്തു​ത​ന്നെ ബോ​ട്ട് നീ​ങ്ങി​ത്തു​ട​ങ്ങി. ആ​ദ്യം ഇൗ​ജി​പ്​​ഷ്യ​ൻ ഭ​ക്ഷ​ണ​ങ്ങ​ളു​ടെ ക​ല​വ​റ​യാ​ണ് തു​റ​ന്നു​ത​ന്ന​ത്. മൂ​ക്ക​റ്റം അ​ക​ത്താ​ക്കി ഏ​മ്പ​ക്കം വി​ട്ടി​രി​ക്കു​മ്പോ​ഴാ​ണ് ക​ലാ​പ​രി​പാ​ടി​ക​ൾ ആ​രം​ഭി​ച്ച​ത്. ബെ​ല്ലി ഡാ​ൻ​സും അ​റ​ബി ഗാ​ന​ങ്ങ​ളും മു​ത​ൽ പാ​വാ​ട ചു​റ്റി വ​ട്ടം ക​റ​ങ്ങു​ന്ന ത​ന്നൂ​റ ഡാ​ൻ​സ്​ വ​രെ. പ​ത്തു​മ​ണി ആ​കു​മ്പോ​ഴേ​ക്കും ക​യ​റി​യ സ്ഥ​ല​ത്ത് ത​ന്നെ തി​രി​ച്ചെ​ത്തി​ച്ചു. നൈ​ലി​ന്​ ശു​ഭ​രാ​ത്രി നേ​ർ​ന്ന്​ ഞ​ങ്ങ​ൾ റൂ​മി​ലേ​ക്ക്.

പി​ര​മി​ഡി​നു​മു​ന്നി​ൽ സ്വ​യം മ​റ​ന്ന്​
അ​ടു​ത്ത ദി​വ​സം നേ​ര​ത്തേ​ത​ന്നെ ഉ​ണ​ർ​ന്നു. കാ​ര​ണ​മു​ണ്ട്, ഇ​ന്ന് പി​ര​മി​ഡു​ക​ൾ തേ​ടി ഗി​സ പ​ട്ട​ണ​ത്തി​ലേ​ക്കു​ള്ള യാ​ത്ര​യാ​ണ്. ഹോ​ട്ട​ലി​ൽ​നി​ന്ന്​ സൗ​ജ​ന്യ​മാ​യി കി​ട്ടു​ന്ന ബ്രെ​ഡ്‌ -ജാം ​പ്രാ​ത​ലും അ​ക​ത്താ​ക്കി ഏ​ഴു​മ​ണി​ക്ക് ത​ന്നെ പു​റ​ത്തി​റ​ങ്ങി. മു​ന്നി​ലെ റോ​ഡി​ൽ ഗൈ​ഡ്​ നി​യോ​ഗി​ച്ച ഡ്രൈ​വ​ർ കാ​ത്തു​നി​ൽ​പ്പു​ണ്ടാ​യി​രു​ന്നു. ഈ​ജി​പ്​​തു​കാ​ർ പെ​ട്ടെ​ന്ന് ദേ​ഷ്യം​പി​ടി​ക്കു​ന്ന ആ​ളു​ക​ളാ​ണെ​ന്ന് ഞ​ങ്ങ​ൾ​ക്കൊ​രു മു​ൻ​ധാ​ര​ണ​യു​ണ്ടാ​യി​രു​ന്നു. അ​തി​നെ​യെ​ല്ലാം തി​രു​ത്തി​ക്കു​റി​ച്ചു അ​ഹ​മ്മ​ദ് എ​ന്ന ഇൗ ​ചെ​റു​പ്പ​ക്കാ​ര​ൻ.

തി​ര​ക്കേ​റി​യ ​െകെ​റോ ന​ഗ​ര​ത്തി​ൽ ഡ്രൈ​വി​ങ് എ​ന്ന​തൊ​രു അ​സാ​മാ​ന്യ പ്ര​ക​ട​നം ത​ന്നെ​യാ​ണ്. ല​ക്കും ല​ഗാ​നു​മി​ല്ലാ​തെ ട്രാ​ഫി​ക് നി​യ​മ​ങ്ങ​ൾ പാ​ലി​ക്കാ​തെ​യു​ള്ള യാ​ത്ര. നൈ​ൽ ന​ദി പി​ന്നി​ട്ട്​ ഏ​ക​ദേ​ശം അ​ര മ​ണി​ക്കൂ​ർ സ​ഞ്ച​രി​ച്ച​പ്പോ​ൾ പി​ര​മി​ഡി​​െൻറ ത​ല​യെ​ടു​പ്പ് കാ​ണാ​ൻ തു​ട​ങ്ങി. ഗി​സ ന​ഗ​ര​ത്തി​​െൻറ അ​വ​ശേ​ഷി​പ്പു​ക​ളി​ലൂ​ടെ നീ​ങ്ങി. ഒ​രു​പാ​ട് ത​ക​ർ​ന്ന വീ​ടു​ക​ൾ, റോ​ഡു​ക​ൾ....​ഞ​ങ്ങ​ളു​ടെ കാ​റി​നു​പി​റ​കെ ഓ​ടു​ന്ന കു​റെ ഗൈ​ഡു​ക​ൾ.. അ​വ​സാ​നം ഒ​രു ക​ട​യു​ടെ മു​ന്നി​ൽ കൊ​ണ്ടു​പോ​യി നി​ർ​ത്തി. ഇ​നി ഇ​വി​ടെ​നി​ന്ന് നി​ങ്ങ​ൾ ടി​ക്ക​റ്റ് എ​ടു​ക്ക​ണം, നി​ങ്ങ​ളു​ടെ ചോ​യ്സ് ആ​ണ് നി​ങ്ങ​ൾ​ക്ക് വേ​ണ​മെ​ങ്കി​ൽ കു​തി​ര​പ്പു​റ​ത്തോ ഒ​ട്ട​ക​പ്പു​റ​ത്തോ സ​ഞ്ച​രി​ക്കാം. അ​തി​നു​ള്ള ഒ​രു ടൂ​ർ ഏ​ജ​ൻ​സി​യി​ലാ​ണ് ഞ​ങ്ങ​ൾ എ​ത്തി​യി​രി​ക്കു​ന്ന​ത്. ഏ​താ​യാ​ലും ഒ​രു കു​തി​ര​യും ഒ​രു ഒ​ട്ട​ക​വും ഉ​ൾ​പ്പെ​ടു​ന്ന പാ​ക്കേ​ജ് ആ​ണ് ഞ​ങ്ങ​ൾ തെ​ര​ഞ്ഞെ​ടു​ത്ത​ത്. പി​ര​മി​ഡ് കാ​ണാ​നു​ള്ള ടി​ക്ക​റ്റും അ​തി​ലു​ൾ​പ്പെ​ട്ടി​ട്ടു​ണ്ടാ​യി​രു​ന്നു.

ഗി​സ തെ​രു​വോ​ര​ങ്ങ​ളും പി​ന്നി​ട്ട് മ​രു​ഭൂ​മി​യി​ലേ​ക്ക് പ്ര​വേ​ശി​ച്ചു. ഇ​പ്പോ​ൾ ദൂ​രെ​നി​ന്നു​ത​ന്നെ പി​ര​മി​ഡു​ക​ൾ കാ​ണാം... ഒ​രു ഫു​ൾ വ്യൂ ​ഫോ​ട്ടോ എ​ടു​ക്കാ​ൻ വേ​ണ്ടി​യാ​ണ് ഈ ​യാ​ത്ര. ഒ​രു വി​സ്മ​യ​കാ​ഴ്ച പോ​ലെ ഞ​ങ്ങ​ളു​ടെ മു​ന്നി​ൽ ഒ​മ്പ​തു പി​ര​മി​ഡു​ക​ൾ!! പ​റ​യാ​ൻ വാ​ക്കു​ക​ളി​ല്ല, വ​ർ​ണി​ക്കാ​ൻ അ​ക്ഷ​ര​ങ്ങ​ളു​മി​ല്ല എ​ന്ന​വ​സ്ഥ​യാ​യി. ഏ​തോ ഒ​രു ട്രാ​വ​ലോ​ഗി​ൽ, ഒ​രു പി​ര​മി​ഡി​ന​ക​ത്തേ​ക്ക് ക​യ​റാ​മെ​ന്ന് വാ​യി​ച്ച​റി​ഞ്ഞി​ട്ടു​ണ്ടാ​യി​രു​ന്നു. അ​തി​നു മു​തി​ർ​ന്ന​പ്പോ​ൾ മു​ഹ​മ്മ​ദ് നി​രു​ത്സാ​ഹ​പ്പെ​ടു​ത്തി. കാ​ര​ണം, ചെ​റി​യ വി​ട​വി​ലൂ​ടെ അ​ക​ത്തേ​ക്ക് ഊ​ഴ്ന്ന് ഇ​റ​ങ്ങ​ണ​മെ​ന്നും ദു​ഷ്ക​ര​മാ​യ ജോ​ലി​യാ​ണെ​ന്നും പ​റ​ഞ്ഞ്​ അ​ത് ത​ട​ഞ്ഞു. അ​തി​നോ​ട് ചേ​ർ​ന്നു​ള്ള വാ​ലി ക്ഷേ​ത്ര​ത്തി​ന​ക​ത്തേ​ക്ക് പ്ര​വേ​ശി​ച്ചു. ക്ഷേ​ത്ര​മെ​ന്ന പേ​രു​ണ്ടെ​ങ്കി​ലും തു​റ​സ്സാ​യ കു​റെ ഒ​ഴി​ഞ്ഞ മു​റി​ക​ളാ​ണ് കാ​ണാ​ൻ ക​ഴി​ഞ്ഞ​ത്. പു​റ​ത്തി​റ​ങ്ങി​യ​പ്പോ​ഴാ​ണ് ഭീ​മാ​കാ​ര​മാ​യ പ്ര​തി​മ​യാ​യ ‘ഗ്രേ​റ്റ് സ്‌​പി​ങ്സ്’ ക​ണ്ട​ത്. ചു​ണ്ണാ​മ്പ് ക​ല്ലി​ൽ കൊ​ത്തി​യു​ണ്ടാ​ക്കി​യ സിം​ഹ​ത്തി​​െൻറ ഉ​ട​ലും സ്ത്രീ​യു​ടെ മു​ഖ​വും ചേ​ർ​ന്ന ലോ​ക​ത്തി​ലെ വ​ലി​യ പു​രാ​ത​ന പ്ര​തി​മ. ഇ​തി​നോ​ട് മു​ഖം ചേ​ർ​ത്തു​വെ​ച്ച്​ ഒ​രു ചും​ബ​ന ഫോ​ട്ടോ​യു​മെ​ടു​ത്ത്​ ഒ​രി​ക്ക​ൽ​കൂ​ടി പി​ര​മി​ഡി​ന്​ വ​ലം​വെ​ച്ച് തി​രി​കെ ഇ​റ​ങ്ങി .

അ​വി​ടെ​യു​മു​ണ്ട്​ ദു​ബൈ​യു​ടെ സ​ഹാ​യ ഹ​സ്​​തം
കാ​ർ കു​റ​ച്ചു ദൂ​രം പി​ന്നി​ട്ട്​ ഒ​രു മ്യൂ​സി​യം ബി​ൽ​ഡി​ങ്ങി​ന്​ മു​ന്നി​ൽ കൊ​ണ്ടു​പോ​യി നി​ർ​ത്തി. പാ​പ്പി​റ​സ് മ്യൂ​സി​യം! ഇ​ന്നു​പ​യോ​ഗി​ക്കു​ന്ന പേ​പ്പ​ർ, ഈ ​പാ​പ്പി​റ​സ് എ​ന്ന​തി​ൽ​നി​ന്ന് രൂ​പം കൊ​ണ്ട​താ​ണ്. ഞാ​ങ്ങ​ണ മ​ര​ത്തി​​െൻറ ത​ണ്ടു​ക​ൾ വെ​ള്ള​ത്തി​ലി​ട്ട് ദി​വ​സ​ങ്ങ​ൾ​ക്ക് ശേ​ഷം പാ​ളി പോ​ലെ​യാ​ക്കി അ​തെ​ടു​ത്ത് ഉ​ണ​ക്കി​യെ​ടു​ത്ത് ദി​വ​സ​ങ്ങ​ളോ​ളം കാ​ത്തി​രു​ന്നാ​ണ് പേ​പ്പ​ർ രൂ​പ​ത്തി​ലേ​ക്ക് എ​ത്തു​ന്ന​ത്. അ​തെ​ല്ലാം ന​ട​ന്നു​ക​ണ്ട് അ​വി​ടെ​നി​ന്ന് ഒ​രു പേ​പ്പ​ർ പ്ലോ​ട്ടും വാ​ങ്ങി തി​രി​കെ കാ​റി​ൽ ക​യ​റി.

ഇ​നി ഞ​ങ്ങ​ളു​ടെ ല​ക്ഷ്യ​സ്ഥാ​നം ഇ​സ്​​ലാ​മി​ക് ​െകെ​റോ. ഈ ​ന​ഗ​ര​ത്തി​​െൻറ പ്ര​ധാ​ന​പ്പെ​ട്ട ര​ണ്ടു ഭാ​ഗ​മാ​ണ് ഇ​സ്​​ലാ​മി​ക് ​െകെ​റോ​യും കോ​പ്റ്റി​ക് ​െകെ​റോ​യും. പു​രാ​ത​ന ഇ​സ്​​ലാ​മി​ക സം​സ്കാ​ര​ങ്ങ​ൾ ഉ​ൾ​ക്കൊ​ള്ളു​ന്ന കെ​ട്ടി​ട​സ​മു​ച്ച​യ മേ​ഖ​ല​യെ ഇ​സ്​​ലാ​മി​ക് ​െകെ​റോ എ​ന്നും ക്രി​സ്തീ​യ സം​സ്കാ​ര​ങ്ങ​ൾ ഉ​ൾ​ക്കൊ​ള്ളു​ന്ന മേ​ഖ​ല​യെ കോ​പ്റ്റി​ക് ​െകെ​റോ എ​ന്നു​മാ​ണ് വേ​ർ​തി​രി​ക്കു​ന്ന​ത്.

100 ഈ​ജി​പ്ഷ്യ​ൻ പൗ​ണ്ടി​ന്​ ടി​ക്ക​റ്റെ​ടു​ത്ത്​ അ​ക​ത്തേ​ക്ക് ക​ട​ന്നു. ഗേ​റ്റി​ലെ ടി​ക്ക​റ്റ് നോ​ക്കു​ന്ന പെ​ൺ​കു​ട്ടി​ക്ക് ഞ​ങ്ങ​ൾ ഇ​ന്ത്യ​ക്കാ​രാ​ണെ​ന്നു പ​റ​ഞ്ഞ​പ്പോ​ൾ വ​ലി​യ ആ​ദ​ര​വ്! ബോ​ളി​വു​ഡ്​ സി​നി​മ​ക​ളെ പ​റ്റി വാ​തോ​രാ​തെ സം​സാ​രി​ച്ചു. ഞ​ങ്ങ​ൾ സി​റ്റാ​ഡ​ൽ എ​ന്ന പേ​രു​ള്ള കെ​ട്ടി​ട​ത്തി​ലേ​ക്ക് കാ​ലെ​ടു​ത്തു​വെ​ച്ചു. ഇ​സ്​​ലാ​മി​​െൻറ സു​വ​ർ​ണ കാ​ല​ഘ​ട്ട​ങ്ങ​ളി​ൽ ഒ​ന്നാ​യ സ​ലാ​ഹു​ദ്ദീ​ൻ അ​യ്യൂ​ബി​യു​ടെ ഭ​ര​ണ സി​രാ​കേ​ന്ദ്ര​മാ​യി​രു​ന്നു ഇ​വി​ടം. എ​ങ്ങും ആ​ധു​നി​ക ശൈ​ലി​യി​ലു​ള്ള കെ​ട്ടി​ട​ങ്ങ​ളും പ​ള്ളി​ക​ളും. 1800ക​ളി​ൽ അ​വി​ട​ത്തെ ഗ​വ​ർ​ണ​ർ ആ​യി​രു​ന്ന മു​ഹ​മ്മ​ദ​ലി പാ​ഷ പ​ണി​ത മു​ഹ​മ്മ​ദ് അ​ലി മ​സ്ജി​ദും അ​ടു​ത്തു​ത​ന്നെ​യു​ണ്ട്. ന​ട​ന്നു ചെ​ന്നെ​ത്തി​യ​ത് വി​ശാ​ല​മാ​യ മാ​ളി​ക​പ്പു​ര​യി​ലാ​ണ്. അ​വി​ടെ​നി​ന്ന് നോ​ക്കി​യാ​ൽ ഇ​സ്​​ലാ​മി​ക് ​െകെ​റോ ന​ഗ​രം മു​ഴു​വ​നാ​യി​ട്ട് ആ​സ്വ​ദി​ക്കാ​ൻ ക​ഴി​യും. ആ​കെ മ​ഞ്ഞ​നി​റ​ത്തി​ലാ​ണ് കെ​ട്ടി​ട​ങ്ങ​ളു​ടെ വ​ശ്യ​ത അ​നു​ഭ​വ​പ്പെ​ട്ട​ത്. വ്യോ​മ​സേ​ന മ്യൂ​സി​യ​ത്തി​നു​പു​റ​ത്ത് ഒ​രു​പാ​ട് പ​ഴ​യ ആ​യു​ധ​ങ്ങ​ൾ പ്ര​ദ​ർ​ശി​പ്പി​ച്ചി​ട്ടു​ണ്ടാ​യി​രു​ന്നു.

ഇ​നി ഞ​ങ്ങ​ൾ​ക്ക് പോ​കേ​ണ്ട​ത് ഇ​മാം ശാ​ഫി​യു​ടെ ഖ​ബ​റി​ടം സ്ഥി​തി​ചെ​യ്യു​ന്ന ഇ​ട​ത്തേ​ക്കാ​ണ്. പ​ക്ഷേ, ഗൈ​ഡി​ന്​ അ​ങ്ങോ​ട്ടു​ള്ള വ​ഴി അ​റി​യി​ല്ല. ഏ​താ​യാ​ലും ഗൂ​ഗി​ൾ മാ​പ്പ് ഓ​ൺ ചെ​യ്തു ഞ​ങ്ങ​ൾ കു​തി​ച്ചു. എ​ത്തി​പ്പെ​ട്ട​ത് ആ​ളൊ​ഴി​ഞ്ഞ അ​നേ​കം പൊ​ളി​ഞ്ഞു​വീ​ഴാ​റാ​യ വീ​ടു​ക​ൾ മാ​ത്ര​മു​ള്ള ഒ​രു സ്ഥ​ല​ത്ത്. ഭാ​ഗ്യ​ത്തി​ന് ഒ​രു അ​പ്പൂ​പ്പ​ൻ വേ​ച്ചു​വേ​ച്ചു ന​ട​ന്നു​വ​രു​ന്നു​ണ്ടാ​യി​രു​ന്നു. ഗൈ​ഡ് ഓ​ടി​ച്ചെ​ന്നു കാ​ര്യം തി​ര​ക്കി​യ​പ്പോ​ഴാ​ണ് ഞ​ങ്ങ​ളെ ഗൂ​ഗി​ൾ പ​റ്റി​ച്ച​ത് മ​ന​സ്സി​ലാ​യ​ത്. പി​ന്നെ അ​പ്പൂ​പ്പ​ൻ പ​റ​ഞ്ഞ വ​ഴി​യി​ലൂ​ടെ ഇ​ട​ത്തോ​ട്ടും വ​ല​ത്തോ​ട്ടും പോ​യി അ​വ​സാ​നം ‘ടോ​മ്പ്​ ഓ​ഫ്​ ശാ​ഫി’ എ​ന്ന ബോ​ർ​ഡ് വെ​ച്ച കെ​ട്ടി​ട​ത്തി​ന​ടു​ത്ത് എ​ത്തി. പു​ന​രു​ദ്ധാ​ര​ണ പ്ര​വൃ​ത്തി കാ​ര​ണം ഭാ​ഗി​ക​മാ​യി അ​ട​ച്ചി​ട്ടു​ണ്ട്.

അ​ടു​ത്ത ല​ക്ഷ്യം ഖാ​ൻ എ​ൽ ഖ​ലീ​ലി എ​ന്ന വ്യാ​പാ​ര​കേ​ന്ദ്ര​മാ​ണ്. പ​ക്ഷെ, വി​ശ​പ്പി​​െൻറ വി​ളി​യാ​ളം കേ​ൾ​ക്കു​ന്നു​ണ്ട്. ഒ​രു ഈ​ജി​പ്ഷ്യ​ൻ വി​ഭ​വം ക​ഴി​ക്കാ​ൻ മ​ന​സ്സി​ൽ ആ​ഗ്ര​ഹം തോ​ന്നി. അ​ഹ​മ്മ​ദി​നോ​ട്‌ ത​ന്നെ ചോ​ദി​ച്ച​റി​ഞ്ഞു. അ​വ​നി​ഷ്​​ട​പ്പെ​ട്ട വി​ഭ​വം ല​ഭി​ക്കു​ന്ന ഒ​രു റ​സ്​​റ്റാ​റ​ൻ​റി​നു മു​ന്നി​ൽ കാ​ർ നി​ർ​ത്തി. അ​രി കൊ​ണ്ടു​ണ്ടാ​ക്കി​യ ചോ​റി​ലേ​ക്ക് പ​ല​വി​ധ ബീ​ൻ​സും മ​റ്റു വ്യ​ഞ്ജ​ന​ങ്ങ​ളും ചേ​ർ​ത്തു​ണ്ടാ​ക്കി​യ ‘കൊ​ഷാ​രി’ എ​ന്നൊ​രു വി​ഭ​വ​മാ​ണ് ക​ഴി​ച്ച​ത്. വ​ലി​യ രു​ചി​യൊ​ന്നും തോ​ന്നി​യി​ല്ലെ​ങ്കി​ലും വ​യ​ർ നി​റ​ഞ്ഞു. ഖാ​ൻ അ​ൽ ഖ​ലീ​ൽ ല​ക്ഷ്യ​മാ​ക്കി നീ​ങ്ങു​േ​മ്പാ​ൾ റോ​ഡ് സൈ​ഡി​ൽ വ​ലി​യൊ​രു കെ​ട്ടി​ടം കാ​ണാ​നി​ട​യാ​യി. ലോ​ക​ത്തി​ലെ വി​ഖ്യാ​ത സ​ർ​വ​ക​ലാ​ശാ​ല​ക​ളി​ൽ ഒ​ന്നാ​യ അ​ൽ അ​സ്ഹ​ർ യൂ​നി​വേ​ഴ്‌​സി​റ്റി ആ​യി​രു​ന്നു.

‘ഖാ​ൻ അ​ൽ ക​ലീ​ലി’ 14ാം നൂ​റ്റാ​ണ്ടി​ൽ നി​ർ​മി​ച്ച കോ​ട്ട​കൊ​ണ്ട് ചു​റ്റ​പ്പെ​ട്ട ഒ​രു വ്യാ​പാ​ര കേ​ന്ദ്ര​മാ​ണ്​! ഉ​പ്പു​തൊ​ട്ട് ക​ർ​പ്പൂ​രം വ​രെ അ​വി​ടെ ല​ഭി​ക്കു​മെ​ന്നാ​ണ് അ​റി​വ്. ഞ​ങ്ങ​ൾ ക​ണ്ട ഏ​രി​യ​യി​ൽ മു​ഴു​വ​നും സ്ത്രീ​ക​ളാ​യി​രു​ന്നു ക​ച്ച​വ​ട​ക്കാ​രും ഉ​പ​ഭോ​ക്താ​ക്ക​ളും. ക​ണ്മു​ന്നി​ൽ ക​ണ്ട ക​രി​മ്പു ജ്യു​സ് വി​ൽ​ക്കു​ന്ന ക​ട​യി​ൽ ന​ല്ല തി​ര​ക്ക് കാ​ണു​ന്നു. ഞ​ങ്ങ​ളും അ​ക​ത്തേ​ക്ക് ക​യ​റി ജ്യു​സ് കു​ടി​ച്ചു. വെ​റും ഒ​രു പൗ​ണ്ടി​ന് വ​യ​റു​നി​റ​യെ ശു​ദ്ധ​മാ​യ ക​രി​മ്പി​ൻ ജ്യു​സ്! തെ​രു​വി​നോ​ട് ചേ​ർ​ന്ന് ത​ന്നെ​യാ​ണ് ​െകെ​റോ​യി​ലെ പ്ര​സി​ദ്ധ​മാ​യ സ​യ്യി​ദ് അ​ൽ ഹു​സൈ​ൻ മ​സ്ജി​ദ്. 1100 ക​ളി​ൽ നി​ർ​മി​ച്ച​താ​ണെ​ന്ന് രേ​ഖ​ക​ളി​ൽ കാ​ണു​ന്നു. പ്ര​വാ​ച​ക പൗ​ത്ര​ൻ ഹു​സൈ​ൻ​​െൻറ ഖ​ബ​റി​ടം അ​വി​ടെ​യാ​െ​ണ​ന്ന​താ​ണ് ആ ​മ​സ്ജി​ദി​നെ കൂ​ടു​ത​ൽ പ്ര​ശ​സ്ത​മാ​ക്കു​ന്ന​ത്. ഖു​ർ​ആ​ൻ പാ​രാ​യ​ണം കൊ​ണ്ടും പ്ര​വാ​ച​ക​കീ​ർ​ത്ത​നം കൊ​ണ്ടും മു​ഖ​രി​തം ആ​യി​രു​ന്നു അ​വി​ടം!!

നേ​രം ന​ന്നേ ഇ​രു​ട്ടി​യി​രി​ക്കു​ന്നു. വി​ശ്വ​വ​നി​ത​യാ​യ ന​ഫീ​സ​ത്തു​ൽ മി​സ്​​റി​യ​യു​ടെ ഖ​ബ​റി​ടം കൂ​ടി ക​ണ്ടാ​ലേ ഇ​സ്​​ലാ​മി​ക് ​െകെ​റോ സ​ന്ദ​ർ​ശ​നം പൂ​ർ​ത്തി​യാ​കു​വെ​ന്ന് ബോ​ധ്യ​മു​ള്ള​തി​നാ​ൽ ഉ​ബ​ർ ടാ​ക്സി പി​ടി​ച്ച്​ ആ ​പ​ള്ളി ല​ക്ഷ്യ​മാ​ക്കി നീ​ങ്ങി. സി​റ്റാ​ഡ​ൽ ഏ​രി​യ​യു​ടെ അ​ടു​ത്തു​കൂ​ടി​യാ​ണ് പോ​കു​ന്ന​ത്. വ​ർ​ണ​ത്തി​ൽ കു​ളി​ച്ചു​കി​ട​ക്കു​ന്ന ആ ​കെ​ട്ടി​ടം പ​ക​ൽ ക​ണ്ട​തി​നേ​ക്കാ​ളും കൂ​ടു​ത​ൽ ഭം​ഗി​യു​ണ്ട്. സ​യ്യി​ദ ന​ഫീ​സ പ​ള്ളി​ക്ക​ക​ത്ത്​ അ​ധി​കം തി​ര​ക്കു​ണ്ടാ​യി​രു​ന്നി​ല്ല. പ്രാ​ർ​ഥ​ന​യി​ലാ​ണ് അ​വി​ടെ​യു​ള്ള​വ​ര​ധി​ക​വും. അ​തി​നി​ട​യി​ൽ ഒ​രാ​ൾ എ​നി​ക്ക് പേ​ര​ക്ക ന​ൽ​കി.

ത​ഹ്​​രീ​ർ ച​ത്വ​ര​ത്തി​ലേ​ക്കു​ള്ള ബ​സി​ൽ അ​വി​ടെ ക​ണ്ട സ്വ​ദേ​ശി​യു​ടെ സ​ഹാ​യ​ത്തോ​ടെ ക​യ​റി​പ്പ​റ്റി. ക​വ​ല​ക​ളും ഊ​ടു​വ​ഴി​ക​ളും പി​ന്നി​ട്ട്​ ത​ഹ്‌​രീ​ർ ച​ത്വ​ര​ത്തി​ന​ടു​ത്ത് ബ​സ് ക​ണ്ട​ക്ട​ർ ഇ​റ​ക്കി​വി​ട്ടു. സ​മ​യം 11 മ​ണി ക​ഴി​ഞ്ഞു​കാ​ണും. പ​ക്ഷേ, ന​ഗ​രം ഉ​ണ​ർ​ന്നു​ത​ന്നെ​യി​രി​ക്കു​ന്നു. ഭ​ക്ഷ​ണ​ശാ​ല​ക​ളാ​ണ് കൂ​ടു​ത​ൽ സ​ജീ​വം. മെ​ല്ലെ വ​ഴി​യോ​രം പി​ടി​ച്ച്​ റൂ​മി​ലേ​ക്ക്‌ ന​ട​ന്നു.

ഉ​ണ​ർ​ന്ന​ത് ​െകെ​റോ​വി​ലെ അ​വ​സാ​ന​ത്തെ ദി​വ​സം എ​ന്ന ഓ​ർ​മ്മ​പ്പെ​ടു​ത്ത​ലോ​ടെ​യാ​ണ്. ​െകെ​റോ​യു​ടെ മ​റ്റൊ​രു മു​ഖ​മാ​യ കോ​പ്റ്റി​ക് ​െകെ​റോ​യാ​ണ് ല​ക്ഷ്യം. മെ​ട്രോ ട്രെ​യി​ൻ സ്​​റ്റേ​ഷ​നി​ൽ​നി​ന്ന്​ ഒ​രു പൗ​ണ്ടി​ന്​ ടി​ക്ക​റ്റെ​ടു​ത്ത്​ ‘മാ​ർ ഗി​ർ​ഗി​സ്’ സ്​​റ്റേ​ഷ​നി​ലി​റ​ങ്ങി. ആ​ദ്യം ക​ണ്ട​ത് രാ​ജ്യ​ത്തെ ആ​ദ്യ മു​സ്​​ലിം പ​ള്ളി​യാ​യ അം​റു​ബി​നു​ൽ ആ​സ് മ​സ്ജി​ദ് ആ​ണ്. എ.​ഡി 650ൽ ​നി​ർ​മി​ച്ച പ​ള്ളി പു​രാ​ത​ന ത​നി​മ​യി​ൽ​ത​ന്നെ​യാ​ണ് നി​ല​കൊ​ള്ളു​ന്ന​ത്. അ​ക​ത്തു വി​ദ്യാ​ർ​ഥി​ക​ൾ പ​ഠി​ക്കാ​ൻ ഉ​പ​യോ​ഗി​ക്കു​ന്ന ഇ​രി​പ്പി​ട​ങ്ങ​ളും കാ​ണാ​മാ​യി​രു​ന്നു.

അ​തി​ന​ടു​ത്തു​ത​ന്നെ​യാ​ണ് ബെ​ൻ ഇ​സ്ര സി​ന​ഗോ​ഗ്. ആ​ദ്യ​മാ​യാ​ണ് ഒ​രു ജൂ​ത​ദേ​വാ​ല​യ​ത്തി​ലേ​ക്ക് പ്ര​വേ​ശി​ക്കു​ന്ന​ത്. അ​ധി​ക​മാ​രും പ്രാ​ർ​ഥി​ക്കാ​ൻ എ​ത്തി​യി​ട്ടി​ല്ല. ഒ​രു വ​ലി​യ ഗ്ര​ന്​​ഥം ന​ടു​വി​ലാ​യി കാ​ണാ​ൻ ക​ഴി​ഞ്ഞു. ‘വി​ശു​ദ്ധ തോ​റ’​യാ​ണെ​ന്ന് ഒ​രു സ്​​ത്രീ പ​റ​ഞ്ഞു. അ​തി​നോ​ട് അ​രി​കെ​ത​ന്നെ ക്രി​സ്തീ​യ ദേ​വാ​ല​യ​ങ്ങ​ളു​ടെ​യും സെ​മി​ത്തേ​രി​ക​ളു​ടെ​യും നി​ര​യും.

ഹാ​ങ്ങി​ങ് ച​ർ​ച്ച് ആ​യി​രു​ന്നു അ​ടു​ത്ത ല​ക്ഷ്യം! കു​റ​ച്ച് പ​ടി​ക​ൾ ക​യ​റി വേ​ണം ച​ർ​ച്ചി​ലെ​ത്താ​ൻ. ദൂ​രെ​നി​ന്ന് നോ​ക്കി​യാ​ൽ തൂ​ങ്ങി​ക്കി​ട​ക്കു​ന്ന​താ​യി തോ​ന്നി​ക്കും. അ​തി​നാ​ലാ​ണ് ഇ​തി​നു ഹാ​ങ്ങി​ങ് ച​ർ​ച്ച്‌ എ​ന്ന പേ​ര് വ​ന്ന​ത്. തി​രി​ച്ചി​റ​ങ്ങി ക​യ​റി​യ​ത് സ​െൻറ് ഗ്രീ​ക്ക് ച​ർ​ച്ചി​ലേ​ക്കാ​ണ്. അ​വി​ടെ​യും അ​റ​ബി​യി​ലു​ള്ള പ്രാ​ർ​ഥ​ന​ക​ൾ ന​ട​ക്കു​ന്നു​ണ്ട്. ഏ​ക​ദേ​ശം ഉ​ച്ച​യോ​ട​ടു​ക്കു​ന്നു. മ​സ്​​ജി​ദും സി​ന​ഗോ​ഗും ച​ർ​ച്ചും ഒ​രേ വ​ഴി​യി​ൽ നി​ല​കൊ​ള്ളു​ക​യും അ​വി​ട​ത്തെ വി​ശ്വാ​സി​ക​ൾ മു​ഴു​വ​ൻ പ​ര​സ്​​പ​രം സ്​​നേ​ഹ​ത്തോ​ടെ വ​ർ​ത്തി​ക്കു​ക​യും ചെ​യ്യു​ന്ന സ​ഹി​ഷ്​​ണു​ത​യു​ടെ ലോ​കം സാ​ധ്യ​മാ​വ​െ​ട്ട എ​ന്ന്​ പ​ട​ച്ച​ത​മ്പു​രാ​നോ​ട്​ പ്രാ​ർ​ഥി​ച്ച്, നൈ​ലി​നോ​ട്​ സ​ലാം പ​റ​ഞ്ഞ്​ ഞ​ങ്ങ​ൾ തി​രി​കെ ന​ട​ന്നു.