ഭീകരാക്രമണത്തിൽ മരിച്ച സൈനികരുടെ കുടുംബങ്ങൾക്ക്​​ കോടി രൂപ സംഭാവന

അബൂദബി: പുൽവാമയിലെ ഭീകരാക്രമണത്തിൽ കൊല്ലപ്പെട്ട സൈനികരുടെ കുംടുംബങ്ങൾക്ക്​ സാമ്പത്തിക സഹായവുമായി ബിസിനസ് ​ പ്രമുഖരായ ഇന്ത്യൻ സഹോദരങ്ങൾ. യു.എ.ഇ ആസ്​ഥാനമായി പ്രവർത്തിക്കുന്ന റിയൽ എസ്​റ്റേറ്റ്​ കമ്പനിയായ ജെമിനി ഗ്രൂപ ്പി​​െൻറ വൈസ്​ ചെയർമാൻ സുധാകർ റാവു, മാനേജിങ്​ ഡയറക്​ടർ പ്രഭാകർ റാവു എന്നിവരാണ്​ കുടുംബങ്ങൾക്ക്​ അഞ്ച്​ ലക്ഷം ദിർഹം (ഒരു കോടി രൂപ) വീതിച്ച്​ നൽകുക.

ജെമിനി ഹോപ്​ ഫൗണ്ടേഷൻ മുഖേനയാണ്​ തുക വിതരണം ചെയ്യുക. ഇന്ത്യയിൽ രജിസ്​റ്റർ ചെയ്​ത സർക്കാറിതര സംഘടനയാണ്​ ജെമിനി ഹോപ്​ ഫൗണ്ടേഷൻ. ആക്രമണം നമ്മുടെ മനഃസാക്ഷിയെ നടുക്കിയെന്നും ഇത്തരം ഭീരുത്വപരമായ പ്രവർത്തനങ്ങൾക്കെതിരെ ഒന്നിച്ചുനിൽക്കാൻ പ്രചോദിപ്പിക്കുന്നുവെന്നും സുധകാര റാവു പറഞ്ഞു.