അ​റ​ബ്​ ഹെ​ൽ​ത്തി​ന്​ ദു​ബൈ​യി​ൽ പ്രൗ​ഢ തു​ട​ക്കം

ദു​ബൈ: ആ​രോ​ഗ്യ സം​ര​ക്ഷ​ണ​രം​ഗ​ത്ത്​ അ​തി​നൂ​ത​ന​മാ​യ സാ​​ങ്കേ​തി​ക​വി​ദ്യ​ക​ൾ പ​രി​ച​യ​പ്പെ​ടു​ത്തു​ന്ന അ​റ​ബ്​ ഹെ​ൽ​ത്ത്​ എ​കി​സി​ബി​ഷ​ന്‍റെ 49ാമ​ത്​ എ​ഡി​ഷ​ന്​ ദു​ബൈ​യി​ൽ പ്രൗ​ഢ​മാ​യ തു​ട​ക്കം. വേ​ൾ​ഡ്​ ട്രേ​ഡ്​ സെ​ന്‍റ​റി​ൽ ആ​രം​ഭി​ച്ച എ​ക്സി​ബി​ഷ​ൻ യു.​എ.​ഇ ഉ​പ​പ്ര​ധാ​ന​മ​ന്ത്രി​യും ധ​ന​കാ​ര്യ മ​ന്ത്രി​യും ദു​ബൈ ഒ​ന്നാം ഉ​പ​ഭ​ര​ണാ​ധി​കാ​രി​യു​മാ​യ ശൈ​ഖ്​ മ​ക്​​തൂം ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം ഉ​ദ്​​ഘാ​ട​നം ചെ​യ്തു.

മി​ഡി​ൽ ഈ​സ്റ്റ്, മെ​ന മേ​ഖ​ല​യി​ലെ ഏ​റ്റ​വും വ​ലി​യ ആ​രോ​ഗ്യ സം​ര​ക്ഷ​ണ പ്ര​ദ​ർ​ശ​ന​മാ​ണ്​ അ​റ​ബ്​ ഹെ​ൽ​ത്ത്​ എ​ന്ന്​ അ​ദ്ദേ​ഹം വി​ശേ​ഷി​പ്പി​ച്ചു.

യു.​എ.​ഇ വൈ​സ് പ്ര​സി​ഡ​ന്‍റും പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ് ബി​ൻ റാ​ശി​ദ് ആ​ൽ മ​ക്തൂ​മി​ന്‍റെ ദീ​ർ​ഘ​വീ​ക്ഷ​ണ​ത്തോ​ടെ​യു​ള്ള മാ​ർ​ഗ​നി​ർ​ദേ​ശ​ത്തി​ന് കീ​ഴി​ലാ​ണ് ദു​ബൈ​യി​ലെ ആ​രോ​ഗ്യ സം​ര​ക്ഷ​ണ​മേ​ഖ​ല സ​ജ്ജ​മാ​യ​ത്.

മി​ക​ച്ച അ​ടി​സ്ഥാ​ന​സൗ​ക​ര്യ​ങ്ങ​ൾ പ്ര​ദാ​നം ചെ​യ്യു​ന്ന​തി​ലൂ​ടെ​യും ഏ​റ്റ​വും പു​തി​യ സാ​ങ്കേ​തി​ക​വി​ദ്യ​ക​ൾ അ​വ​ത​രി​പ്പി​ച്ചും വി​ദ​ഗ്​​ധ​രാ​യ പ്ര​തി​ഭ​ക​ളെ ആ​ക​ർ​ഷി​ക്കു​ന്ന​തി​ലൂ​ടെ​യും ആ​രോ​ഗ്യ മേ​ഖ​ല കൂ​ടു​ത​ൽ ശ​ക്​​തി പ്രാ​പി​ക്കു​ക​യാ​ണ്.

ശ​ക്​​ത​മാ​യ പൊ​തു, സ്വ​കാ​ര്യ പ​ങ്കാ​ളി​ത്ത​ത്തി​ലൂ​ടെ ഏ​റ്റ​വും മി​ക​ച്ച രോ​ഗീ​കേ​ന്ദ്രീ​കൃ​ത​മാ​യ ആ​രോ​ഗ്യ സം​ര​ക്ഷ​ണം ന​ൽ​കു​ന്ന​തി​ലാ​ണ്​ ദു​ബൈ ശ്ര​ദ്ധ കേ​ന്ദ്രീ​ക​രി​ക്കു​ന്ന​ത്. ആ​ഗോ​ള​ത​ല​ത്തി​ൽ ഏ​റ്റ​വും മി​ക​ച്ച ആ​രോ​ഗ്യ സം​ര​ക്ഷ കേ​ന്ദ്ര​ങ്ങ​ളി​ൽ ഒ​ന്നാ​യി ദു​ബൈ​യു​ടെ സ്ഥാ​നം കൂ​ടു​ത​ൽ ശ​ക്​​തി​പ്പെ​ടു​ത്തു​ന്ന​തി​നു​ള്ള ന​ട​പ​ടി​ക​ൾ തു​ട​രു​മെ​ന്നും അ​ദ്ദേ​ഹം പ​റ​ഞ്ഞു.

ഫെ​ബ്രു​വ​രി ഒ​ന്നു​വ​രെ ന​ട​ക്കു​ന്ന എ​ക്സി​ബി​ഷ​നി​ൽ 40ല​ധി​കം രാ​ജ്യാ​ന്ത​ര പ​വി​ലി​യ​നു​ക​ളി​ലാ​യി 3,400 പ്ര​ദ​ർ​ശ​ക​രാ​ണ്​​ പ​​ങ്കെ​ടു​ക്കു​ന്ന​ത്. 180 രാ​ജ്യ​ങ്ങ​ൾ മേ​ള​യി​ൽ പ്ര​ദ​ർ​ശ​ന​ത്തി​നെ​ത്തു​ന്നു​ണ്ട്.