പ്രോം​റ്റ്​ എ​ൻ​ജി​നി​യ​റി​ങ്​ ചാ​മ്പ്യ​ൻ​ഷി​പ്​: മി​ക​വ്​ തെ​ളി​യി​ച്ച്​ ഇ​ന്ത്യ​ക്കാ​ർ

ദു​ബൈ: ഗ്ലോ​ബ​ൽ പ്രോം​റ്റ്​​ എ​ൻ​ജി​നി​യ​റി​ങ്​ ചാ​മ്പ്യ​ൻ​ഷി​പ്പി​ൽ മി​ക​വ്​ തെ​ളി​യി​ച്ച്​ ഇ​ന്ത്യ​ക്കാ​ർ. നി​ർ​മി​ത ബു​ദ്ധി മേ​ഖ​ല​യി​ലെ ക​ഴി​വ്​ തെ​ളി​യി​ക്കാ​നു​ള്ള ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ നി​ന്നു​ള്ള​വ​ർ പ​​ങ്കെ​ടു​ത്ത മ​ത്സ​ര​ത്തി​ലാ​ണ്​ മൂ​ന്നി​ൽ ര​ണ്ട്​ അ​വാ​ർ​ഡു​ക​ളും ഇ​ന്ത്യ​ക്കാ​ർ സ്വ​ന്ത​മാ​ക്കി​യ​ത്.

കോ​ഡി​ങ്, ലി​റ്റ​റേ​ച്ച​ർ, ആ​ർ​ട്ട് എ​ന്നി​ങ്ങ​നെ മൂ​ന്നു ഭാ​ഗ​ങ്ങ​ളി​ലാ​യി 10 ല​ക്ഷം ദി​ർ​ഹം സ​മ്മാ​ന​ത്തു​ക​യു​ള്ള മ​ത്സ​ര​മാ​യി​രു​ന്നു ന​ട​ന്ന​ത്. ഇ​തി​ൽ കോ​ഡി​ങ്​ കാ​റ്റ​ഗ​റി​യി​ൽ ഇ​ന്ത്യ​ക്കാ​ര​നാ​യ അ​ജ​യ്​ സി​റി​ലും ലി​റ്റ​റേ​ച്ച​ർ വി​ഭാ​ഗ​ത്തി​ൽ ആ​ദി​ത്യ നാ​യ​രും വി​ജ​യി​ക​ളാ​യി.

അ​ജ​യ്​ സി​റി​ൽ കോ​ഴി​ക്കോ​ട്​ ഐ.​ഐ.​എം പൂ​ർ​വ വി​ദ്യാ​ർ​ഥി​യാ​ണ്. ദു​ബൈ കി​രീ​ടാ​വ​കാ​ശി​യും എ​ക്​​സി​ക്യൂ​ട്ടി​വ്​ കൗ​ൺ​സി​ൽ ചെ​യ​ർ​മാ​നു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മി​ൽ നി​ന്നാ​ണ്​ ഇ​വ​ർ അ​വാ​ർ​ഡു​ക​ൾ ഏ​റ്റു​വാ​ങ്ങി​യ​ത്.

100 രാ​ജ്യ​ങ്ങ​ളി​ൽ നി​ന്ന്​ ആ​യി​ര​ക്ക​ണ​ക്കി​ന്​ പേ​രാ​ണ്​ മ​ത്സ​ര​ത്തി​ൽ പ​​ങ്കെ​ടു​ത്ത​ത്. പ്രോം​റ്റ്​ എ​ൻ​ജി​നീ​യ​റി​ങ്ങി​ലെ ലോ​ക​ത്തെ ഏ​റ്റ​വും മി​ക​ച്ച പ്ര​തി​ഭ​ക​ളു​ടെ പ്ര​ക​ട​ന​ത്തി​നാ​ണ്​ മ​ത്സ​രം സാ​ക്ഷ്യം വ​ഹി​ച്ച​തെ​ന്ന്​ ശൈ​ഖ്​ ഹം​ദാ​ൻ ച​ട​ങ്ങി​ൽ പ​റ​ഞ്ഞു.