പ്രൊ കേരള ലീഗ്​: ഇന്ന്​ 16 മൽസരങ്ങൾ, ഫൈനൽ നാളെ

ദുബൈ: ഇൻഡോർ ക്രിക്കറ്റി​​െൻറ ആവേശവുമായി നടക്കുന്ന പ്രൊ കേരള ലീഗിൽ ഇന്ന്​ 16 മൽസരങ്ങൾ നടക്കും. കേരളത്തിലെ മുഴുവൻ ജില്ലകളെയും പ്രതിനിധീകരിച്ച്​ 14 ടീമുകളാണ്​ മൽസരത്തിൽ പ​െങ്കടുക്കുന്നത്​. ഇവർ രണ്ട്​ ഗ്രൂപ്പുകളായി തിരിഞ്ഞ്​​ അൽ ഖൂസ്​ യുണൈറ്റഡ്​ പ്രോ സ്​പോർട്​സിലെ മൂന്ന്​ കോർട്ടുകളിൽ​ മൽസരിക്കും. ഉച്ച കഴിഞ്ഞ്​ മൂന്നിന്​ തുടങ്ങുന്ന മൽസരം രാത്രി ഒമ്പത്​ വരെ നീളും. ശനിയാഴ്​ചയാണ്​ ​ഫൈനൽ മൽസരങ്ങൾ. രണ്ടും മൂന്നും നമ്പർ കോർട്ടുകളിൽ ​ഒരേസമയം നടക്കുന്ന ക്വാർട്ടർഫൈനലുകൾ വൈകിട്ട്​ ആറിന്​ ആരംഭിക്കും. ഇതിൽ വിജയിക്കുന്നവർ എട്ട്​ മണിക്ക്​ സെമി ഫൈനലിൽ മാറ്റുരക്കും. രാത്രി 8.45 ന്​ വനിതകളുടെ ഫൈനൽ മൽസരവും 9.15 ന്​ പുരുഷൻമാരുടെ ഫൈനലും നടക്കും. എട്ട്​ ഒാവർ വീതമാണ്​ മൽസരം.  യു.എ.ഇയിലെ പ്രവാസികളിൽ നിന്ന്​ തെരഞ്ഞെടുക്കപ്പെട്ടവരാണ്​ ഒാരോ ടീമിലെയും അംഗങ്ങൾ. സെലക്ഷൻ ട്രയൽസിൽ കഴിവ്​ തെളിയിച്ച 1000 പേരിൽ നിന്ന്​ 168 പേരെ വിവിധ ടീമുടമകൾ ലേലത്തിലൂടെ സ്വന്തമാക്കുകയായിരുന്നു​. ഒാരോ ടീമിലും 12 പേരാണുള്ളത്​.  

വയനാട്​ ​ബ്ലേസേഴ്​സ്​, ലിംസ്​ കഫേ കണ്ണൂർ ടസ്​ക്കർ, ഡാന്യുബ്​ കോഴിക്കോട്​ വാറിയേഴ്​സ്​, സ​െൻറിന കൊച്ചി യുണൈറ്റഡ്​, യു.എ.ഇ. എക്​സ്​ചേഞ്ച്​ ട്രിവാൻഡ്രം ബഷേഴ്​സ്​, എ.വി. പ്രോ പത്തനംതിട്ട സ്​റ്റാർസ്​, പാലക്കാട്​ മസ്​ക്കറ്റേഴ്​സ്​, ഫിലി കാസർഗോഡ്​ ബ്ലാസ്​റ്റേഴ്​സ്​, മൈക്രോ എക്​സൽ തൃശൂർ തണ്ടേഴ്​സ്​, ക്രിക്ബ്രോ ഇടുക്കി ട്രക്കേഴ്​സ്​, ഹൗസ്​ ഒാഫ്​ പർമാർ മലപ്പുറം നൈറ്റ്​സ്​, കലന്തൂർ ഗ്രൂപ്പ്​ കോട്ടയം കമാൻഡോസ്​, എഫ്​.എ.ബി 12 കൊല്ലം സ്​ട്രൈക്കേഴ്​സ്​, ഫൊകോ ആലപ്പുഴ ഹരിക്കേൻ എന്നീ ടീമുകളാണ്​ മൽസരിക്കുന്നത്​. ടീമുകളുടെ ലേലം കഴിഞ്ഞ ഏഴാം തീയതി നടന്നിരുന്നു. മിഡിൽ ഇൗസ്​റ്റിലെ മലയാളി അമ്മമാരുടെ കൂട്ടായ്​മയായ മലയാളി മംസ്​ മിഡിൽ ഇൗസ്​റ്റി​​െൻറ ഉടമസ്​ഥതയിലുള്ളതാണ്​ വയനാട്​ ​ബ്ലേസേഴ്​സ്​. ബിയോണ്ട്​ ബ്ലാക്​ ഇവ​ൻറ്​സ്​ ആൻറ്​ ആക്​ടിവേഷൻസ്​ സംഘടിപ്പിക്കുന്ന മൽസരം ലെനോവയും മിലാനോയുമാണ്​ സ്​പോൺസർ ചെയ്യുന്നത്​.