വിജയികൾക്ക് സമ്മാനം നൽകി
text_fieldsദുബൈ: ദുബൈ കെ.എം.സി.സി സംഘടിപ്പിച്ച 'ഒളിമങ്ങാത്ത ഓർമകൾ'പ്രവചന മത്സരത്തിൽ ദുബൈ കെ.എം.സി.സി ഭാരവാഹികളായ ഒ.കെ. ഇബ്രാഹീമും എൻ.കെ. ഇബ്രാഹിമും വിജയികളായി. 1980കളിലെ വിദ്യാർഥി യുവജന കാലഘട്ടത്തിലെ ഓർമ ചിത്ര ഫോട്ടോയിലെ വ്യക്തികളെ നിർണയിക്കലായിരുന്നു മത്സരം. മുസ്ലിം ലീഗ് നേതാക്കളായ കെ.പി.എ. മജീദ്, ഉബൈദുള്ള എം.എൽ.എ എന്നിവരുടെ പേരുകൾ കൃത്യമായി പറഞ്ഞവരിൽനിന്നാണ് വിജയികളെ തെരഞ്ഞെടുത്തത്.
ദുബൈ കെ.എം.സി.സി ആസ്ഥാനത്ത് നടന്ന അനുമോദന ചടങ്ങിൽ പ്രസിഡൻറ് ഇബ്രാഹിം എളേറ്റിൽ സമ്മാനം നൽകി. ഭാരവാഹികളായ റയീസ് തലശ്ശേരി, ഹംസ തൊട്ടി, അഡ്വ. ഇബ്രാഹിം ഖലീൽ എന്നിവർ ഉൾപ്പെട്ട ജഡ്ജിങ് കമ്മിറ്റിയാണ് വിജയികളെ പ്രഖ്യാപിച്ചത്. ദുബൈ കെ.എം.സി.സി സ്റ്റേറ്റ് കമ്മിറ്റി സെക്രട്ടറി നിസാം കൊല്ലം മത്സരം ഏകോപിപ്പിച്ചു. മുസ്തഫ വേങ്ങര, അഡ്വ. സാജിദ് അബൂബക്കർ, ഒ. മൊയ്തു എന്നിവർ സംസാരിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.