പ്രധാനമന്ത്രി വ്യവസായ  നായകരെ കണ്ടു

ദുബൈ: രണ്ടു ദിവസത്തെ യു.എ.ഇ സന്ദർശനത്തിനെത്തിയ പ്രധാനമന്ത്രി നരേന്ദ്രമോദി ജി.സി.സി രാജ്യങ്ങളിലെ വ്യവസായ നായകരുമായി കൂടിക്കാഴ്​ച നടത്തി. നവ ഇന്ത്യയുടെ സവിശേഷതകൾ വിവരിച്ച മോദി രാജ്യത്ത്​ വ്യവസായങ്ങൾ നടത്തുന്നതിന്​  ആവിഷ്​കരിച്ച സുഗമമായ രീതികളെക്കുറിച്ചും വിവരങ്ങൾ പങ്കുവെച്ചു. 

ഇന്ത്യ വിശിഷ്​ട രാജ്യമായ ദുബൈ  ലോക സർക്കാർ ഉച്ചകോടിക്കിടെയായിരുന്നു കൂടിക്കാഴ്​ച. ഇന്ത്യയിലെ സാമ്പത്തിക സാധ്യതകളും മൂന്നര വർഷമായി ഗൾഫ്​ രാജ്യങ്ങളുമായി വ്യാപാര ബന്ധത്തിൽ രൂപപ്പെട്ട വികസനവും ചർച്ച ചെയ്​തു. തുറമുഖം, വ്യവസായ ഇടനാഴി, വിമാനത്താവളം, ഭക്ഷ്യ സംസ്​കരണം, റീ​െട്ടയിൽ തുടങ്ങിയ മേഖലകളിൽ   10 ബില്യൺ ഡോളറി​​​െൻറ നിക്ഷേപങ്ങൾ കൂടിക്കാഴ്​ചയിൽ പ്രഖ്യാപിക്കപ്പെട്ടു.  

യു.എ.ഇ ഇക്കണോമി മന്ത്രി സുൽതാൻ അൽ മൻസൂരി, ഡി.പി. വേൾഡ്​ ചെയർമാൻ സുൽത്താൻ ബിൻ സുലായിം, വാണിജ്യവകുപ്പ്​ അണ്ടർ സെക്രട്ടറി മുഹമ്മദ്​ ഷെഹി, ഇൻവെസ്​റ്റ്​ ഇന്ത്യ സി.ഇ.ഒ രമേഷ്​ അഭിഷേക്​, സണ്ണിവർക്കി, മാജിദ്​ സൈഫ്​ അഹ്​മദ്​ അൽ ഗുറൈർ, യൂസുഫലി എം.എ, ഡോ. ഷംസീർ വയലിൽ, അദീബ്​ അഹ്​മദ്​ തുടങ്ങിയവർ സംബന്ധിച്ചു.