നികുതി ഉൾപ്പെടെയുള്ള വില പ്രദർശിപ്പിച്ചില്ലെങ്കിൽ പിഴ –എഫ്​.ടി.എ

അബൂദബി: മൂല്യവർധിത നികുതി (വാറ്റ്​), എക്​സൈസ്​ നികുതി എന്നിവ ബാധകമായ ബിസിനസുകാർ ഉൽപന്നങ്ങളിൽ നികുതി ഉൾപ്പെടെയുള്ള തുക വിലയായി പ്രദർശിപ്പി​ച്ചില്ലെങ്കിൽ പിഴ അടക്കേണ്ടിവരുമെന്ന്​ ഫെഡറൽ നികുതി അതോറിറ്റി (എഫ്​.ടി.എ) വ്യക്​തമാക്കി. ഇത്തരം നിയമലംഘനത്തിന്​ 15,000 ദിർഹം വീതം പിഴ ഇൗടാക്കും.
കടകളിലെ ഉൽപന്നങ്ങളിൽ പ്രദർശിപ്പിച്ച വിലയിലും സേവനത്തിന്​ പ്രഖ്യാപിക്കപ്പെട്ട നിരക്കിലും നികുതിയും അടങ്ങിയിരിക്കണമെന്നും അവകാശങ്ങളെ കുറിച്ച്​ ഉപഭോക്​താക്കൾ ബോധവാന്മാരായിരിക്കണമെന്നും അതോറിറ്റി പ്രസ്​താവനയിൽ പറഞ്ഞു. വാങ്ങാൻ തീരുമാനിക്കു​േമ്പാൾ പ്രതീക്ഷിച്ച വിലയേക്കാൾ ബില്ലടക്കു​േമ്പാൾ നൽകണ്ടേി വരുന്നത്​ ഉപഭോക്​താവിനെ തെറ്റിദ്ധരിപ്പിക്കലാണ്​. 

വാറ്റ്​^എക്​സൈസ്​ നികുതി രജിസ്​ട്രേഷൻ നടത്തിയവർ പൂർണമായും നികുതി നിയമങ്ങൾക്ക്​ അനുസരിച്ച്​ പ്രവർത്തിക്കണം. യു.എ.ഇ നികുതി നിയമത്തി​​​െൻറ വിജയം സർക്കാർ, ബിസിനസുകാർ, സമൂഹം എന്നീ മൂന്ന്​ വിഭാഗത്തി​​​െൻറയും കൂട്ടുത്തരവാദിത്വമാണ്​. പൊതുജനങ്ങൾക്കായി നികുതി നിയമം ലഘൂകരിക്കുന്നതിന്​ എഫ്​.ടി.എ പ്രതിജ്ഞാബദ്ധമാണെന്നും പ്രസ്​താവനയിൽ വ്യക്​തമാക്കി.