പ്രീ പബ്ലിക്കേഷൻ ബുക്കിങ് ഉദ്ഘാടനം
text_fieldsമുസ്ലിം നവോത്ഥാനത്തിെൻറ ചരിത്രവും ദർശനവും പുസ്തകത്തിെൻറ പ്രീ പബ്ലിക്കേഷൻ ബുക്കിങ് ഉദ്ഘാടനം ഇന്ത്യൻ ഇസ്ലാഹി സെൻറർ ഭാരവാഹികൾ നിർവഹിക്കുന്നു
ദുബൈ: കേരള നദ്വത്തുൽ മുജാഹീദിെൻറ കീഴിൽ നാലു വാള്യങ്ങളിലായി പ്രസിദ്ധീകരിക്കുന്ന മുസ്ലിം നവോത്ഥാനത്തിെൻറ ചരിത്രവും ദർശനവും എന്ന പുസ്തകം ഒന്നാം വാള്യത്തിെൻറ പ്രീ പബ്ലിക്കേഷൻ ബുക്കിങ് ആരംഭിച്ചു.
യു.എ.ഇതല ബുക്കിങ് ഉദ്ഘാടനം ഇന്ത്യൻ ഇസ്ലാഹി സെൻറർ ഭാരവാഹികൾ നിർവഹിച്ചു. കേരളത്തിലെ പ്രഗത്ഭരായ എഴുത്തുകാർ രചന നിർവഹിക്കുന്ന ഗ്രന്ഥം ഷാർജ അന്താരാഷ്ട്ര പുസ്തകമേളയിൽ പ്രീ പബ്ലിക്കേഷൻ കോപ്പി കെ.എൻ.എം ബുക്ക് സ്റ്റാളിൽ ബുക്ക് ചെയ്യാം.
നാലു വാള്യങ്ങളിലായി മക്തി തങ്ങൾ മുതൽ പ്രാദേശിക ഇസ്ലാഹി ചലനങ്ങൾ വരെ വിവരിക്കുന്നുണ്ട്. യോഗത്തിൽ ഇന്ത്യൻ ഇസ്ലാഹി സെൻറർ പ്രസിഡൻറ് എ.പി. അബ്ദുസ്സമദ് അധ്യക്ഷത വഹിച്ചു.
ഹുസൈൻ സാഹിബ് ഫുജൈറ, അബ്ദുൽ വാഹിദ് മയ്യേരി, ജാഫർ സാദിഖ്, വി.കെ. സകരിയ, അബ്ദുറഹ്മാൻ ചീകുന്ന് എന്നിവർ സംസാരിച്ചു.

