Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_rightസാ​ധാ​ര​ണ​...

സാ​ധാ​ര​ണ​ പ്ര​വാ​സിക്ക്​ ക​ഞ്ഞി കു​മ്പി​ളി​ല്‍ ത​ന്നെ

text_fields
bookmark_border
സാ​ധാ​ര​ണ​ പ്ര​വാ​സിക്ക്​  ക​ഞ്ഞി കു​മ്പി​ളി​ല്‍ ത​ന്നെ
cancel

അ​ജ്മാ​ന്‍: നാ​ട്ടി​ൽ വ​ന്ന്​ സം​രം​ഭ​ത്തി​ന്​ തു​ട​ക്ക​മി​ട്ടാ​ൽ മ​തി, എ​ല്ലാം ശ​രി​യാ​വും എ​ന്ന്​ ഗ​ൾ​ഫ്​ രാ​ജ്യ​ങ്ങ​ളി​ൽ വ​ന്ന്​ പ്ര​സം​ഗി​ച്ച്​ ഉ​റ​പ്പു ന​ൽ​കി പോ​കാ​റു​ണ്ട്​ രാ​ഷ്​​ട്രീ​യ നേ​താ​ക്ക​ളും മ​ന്ത്രി​മാ​രും ഉ​ദ്യോ​ഗ​സ്​​ഥ​രു​മെ​ല്ലാം. എ​ന്നാ​ൽ ഇ​തും വി​ശ്വ​സി​ച്ച്​ പ​തീ​റ്റാ​ണ്ടു​ക​ള്‍ മ​രു​ഭൂ​മി​യി​ല്‍ പ​ണി​യെ​ടു​ത്ത അ​നു​ഭ​വ സ​മ്പ​ത്തും നി​ക്ഷേ​പ​വു​മാ​യി നാ​ട്ടി​ലെ​ത്തു​ന്ന സാ​ധാ​ര​ണ​ക്കാ​രാ​യ പ്ര​വാ​സി​ക്ക് ക​ഞ്ഞി ഇ​പ്പോ​ഴും കു​മ്പി​ളി​ല്‍ ത​ന്നെ.

നാ​ടും നാ​ട്ടു​കാ​രെ​യും വി​ട്ട് ചൂ​ടും ത​ണു​പ്പും കൊ​ണ്ട് ഊ​ണും ഉ​റ​ക്ക​വും ഒ​ഴി​ച്ച് ജീ​വി​ത സാ​യാ​ഹ്നം ജ​ന്മ നാ​ട്ടി​ല്‍ ചി​ല​വ​ഴി​ക്കാം എ​ന്ന മോ​ഹ​വു​മാ​യാ​ണ് ഉ​ള്ള സ​മ്പാ​ദ്യ​വും അ​നു​ഭ​വ സ​മ്പ​ത്തു​മാ​യി നാ​ട്ടി​ലേ​ക് തി​രി​ക്കു​ന്ന​ത്. ഗ​ള്‍ഫ് ജീ​വി​ത​ത്തി​ലെ കൃ​ത്യ​ത​യും കാ​ര്യ​ക്ഷ​മ​ത​യും മ​ന​സി​ല്‍ വെ​ച്ച്​ സ​ര്‍ക്കാ​ര്‍ ഓ​ഫീ​സു​ക​ള്‍ ക​യ​റി ഇ​റ​ങ്ങു​മ്പോ​ള്‍ മ​ന​സി​ലാ​കും കാ​ര്യ​ങ്ങ​ള്‍. പ്ര​വാ​സി​യാ​യി​രു​ന്നു എ​ന്ന​റി​ഞ്ഞാ​ല്‍ കൈ​മ​ട​ക്ക് എ​ങ്ങി​നെ ക​യ്യി​ലാ​ക്കാം എ​ന്ന ചി​ന്ത​യാ​വും ഉ​ദ്യോ​ഗ​സ്ഥ​ർ​ക്കും നേ​താ​ക്ക​ൾ​ക്കും. ന​ട​പ​ടി​ക്ര​മം എ​ന്ന പേ​രി​ൽ നി​സ്സാ​ര കാ​ര്യ​ങ്ങ​ള്‍ക്ക് സ​ര്‍ക്കാ​ര്‍ ഓ​ഫീ​സു​ക​ള്‍ മാ​റി ക​യ​റ്റി​യി​റ​ക്കും. ഒാ​ഫീ​സു​ള​കി​ൽ ചെ​ല്ല​ു​​േ​മ്പാ​ൾ അ​പൂ​ർ​ണ​വും അ​വ്യ​ക്​​ത​വു​മാ​യ മ​റു​പ​ടി​ക​ൾ ന​ൽ​കും. ഇ​തോ​ടെ സ്വ​പ്​​ന പ​ദ്ധ​തി എ​ങ്ങി​നെ​യെ​ങ്കി​ലും മു​ന്നോ​ട്ടു കൊ​ണ്ടു​പോ​ക​ണം എ​ന്ന്​ ആ​ഗ്ര​ഹി​ക്കു​ന്ന​വ​ർ സ​ര്‍ക്കാ​ര്‍ ഉ​ദ്യോ​ഗ​സ്ഥ​രും രാ​ഷ്​​ട്രീ​യ​ക്കാ​രും ഉ​ദ്ദേ​ശി​ക്കു​ന്ന മ​ട്ടി​ൽ പ​ണം ന​ൽ​കാ​ൻ സ​ന്ന​ദ്ധ​രാ​വും. അ​ല്ലാ​ത്ത​വ​ന്‍ ഉ​ള്ള നി​ക്ഷേ​പം മു​ഴു​വ​ന്‍ ക​ല്ലും മ​ണ്ണു​മാ​ക്കി മ​നം മ​ടു​ത്ത് പ്ര​വാ​സ​ത്തി​ലേ​ക്ക് വീ​ണ്ടും കാ​ലു നീ​ട്ടും.
40 വ​ര്‍ഷ​ത്തെ പ്ര​വാ​സം അ​വ​സാ​നി​പ്പി​ച്ച് നാ​ട്ടി​ലെ​ത്തി​യ ച​ങ്ങ​രം​കു​ളം സ്വ​ദേ​ശി അ​ഹ​മ​ദ് ഉ​ണ്ണി ത​നി​ക്ക് പ​രി​ച​യ​മു​ള്ള കൈ ​തൊ​ഴി​ലാ​യ സോ​പ്പ്, ഹാ​ന്‍ഡ് വാ​ഷ്, ഡി​ഷ്‌ വാ​ഷ് എ​ന്നി​വ​യു​ടെ നി​ർ​മാ​ണ സം​രം​ഭം തു​ട​ങ്ങാ​നാ​ണ്​ പ​ദ്ധ​തി​യി​ട്ടി​രു​ന്ന​ത്.​ബ്ലോ​ക്ക് പ​ഞ്ചാ​യ​ത്തും പൊ​തു​മേ​ഖ​ലാ ബാ​ങ്കും ചേ​ർ​ന്ന്​ ന​ട​ത്തി​യ സം​രം​ഭ​ക​ത്വ ശി​ല്‍പ്പ​ശാ​ല​യി​ല്‍ ക്ലാ​സെ​ടു​ക്കാ​ന്‍ വ​ന്ന​യാ​ള്‍ വി​ശ​ദീ​ക​രി​ച്ച​ത് ഏ​ല​ക്ക, അ​ണ്ടി​പ്പ​രി​പ്പ് എ​ന്നി​വ ചെ​റി​യ പാ​ക്ക​റ്റാ​ക്കി കാ​ര്‍ഡ് ബോ​ര്‍ഡി​ല്‍ സ്റ്റാ​പ്ല​ര്‍ അ​ടി​ച്ച് വി​ല്‍ക്കു​ന്ന സം​രം​ഭ​ത്തെ കു​റി​ച്ചും.​സ്വ​ന്തം ആ​വ​ശ്യം ഉ​ന്ന​യി​ച്ച​പ്പോ​ള്‍ ലൈ​സ​ന്‍സ് എ​ടു​ക്കാ​ന്‍ നൂ​റു നൂ​ലാ​മാ​ല​ക​ള്‍. ഗ്രാ​മ പ​ഞ്ചാ​യ​ത്തു​മാ​യി ബ​ന്ധ​പ്പെ​ട്ട​പ്പോ​ള്‍ ഡാ​റ്റ ബാ​ങ്കി​ല്‍ സ്ഥ​ലം നി​ലം എ​ന്ന് രേ​ഖ​പ്പെ​ടു​ത്തി​യ​തി​നാ​ല്‍ ഷെ​ഡ്‌ കെ​ട്ടാ​ന്‍ അ​നു​മ​തി ന​ൽ​കി​ല്ലെ​ന്ന് അ​റി​യി​ച്ചു.

പ​തി​റ്റാ​ണ്ട് മു​ന്‍പേ തൂ​ര്‍ത്ത സ്ഥ​ല​മാ​യ​തി​നാ​ല്‍ കൃ​ഷി ഭ​വ​നി​ല്‍ അ​പേ​ക്ഷ ന​ല്‍കാ​ന്‍ പ​റ​ഞ്ഞു. മു​ന്‍പേ തൂ​ര്‍ത്ത സ്ഥ​ല​മാ​ണെ​ന്ന് കാ​ണി​ച്ച് രേ​ഖ​ക​ളു​മാ​യി കൃ​ഷി​ഭ​വ​നി​ല്‍ അ​പേ​ക്ഷി​ച്ച​പ്പോ​ള്‍ വി​ല്ലേ​ജ് ഓ​ഫീ​സ​റും കൃ​ഷി​ഭ​വ​ന്‍ ഉ​ദ്യോ​ഗ​സ്ഥ​രും ചേ​ര്‍ന്ന് പ​രി​ശോ​ധി​ക്കാ​ന്‍ വ​രു​മെ​ന്ന് അ​റി​യി​ച്ചു. സാ​റ്റ​ലൈ​റ്റ് വ​ഴി​യു​ള്ള അ​ള​വ് ന​ട​ത്താ​ന്‍ വ​രു​ന്നു​ണ്ടെ​ന്ന് പ​റ​ഞ്ഞു കു​റേ കാ​ത്തി​രി​പ്പി​ച്ചു.

ഒ​രു ദി​വ​സം വ​രു​ന്നു​മെ​ന്ന് പ​റ​ഞ്ഞ​പ്പോ​ള്‍ കാ​ത്തി​രി​പ്പാ​യി. എ​ന്നാ​ല്‍ മ​റ്റൊ​രു സ്ഥ​ല​ത്തേ​ക്ക്​ സാ​റ്റ​ലൈ​റ്റ് തി​രി​ച്ച് വി​ട്ട് കൃ​ഷി വ​കു​പ്പ് ഉ​ദ്യോ​ഗ​സ്ഥ​ര്‍ പോ​യി. പ്ര​ശ്ന പ​രി​ഹാ​ര​ത്തി​നാ​യി ഒ​രു​പാ​ട് ന​ട​ന്നു ചെ​രു​പ്പ് തേ​ഞ്ഞു. ക​ഴി​ഞ്ഞ ഒ​രാ​ഴ്ച മു​മ്പ്​ കൃ​ഷി ഭ​വ​ന്‍ സ​ന്ദ​ര്‍ശി​ച്ച് കേ​ണ​പേ​ക്ഷി​ച്ച​പ്പോ​ള്‍ വി​ല്ലേ​ജു​കാ​രു​ടെ ഉ​ത്ത​ര​വാ​ദി​ത്വ​മാ​ണ് ഞ​ങ്ങ​ള്‍ക്ക​റി​യി​ല്ല എ​ന്ന് പ​റ​ഞ്ഞു മ​ട​ക്കി. നി​ക​ത്തി​യ സ്ഥ​ല​ത്തി​ന്‍റെ ന​ട​പ്പ് വി​ല​യു​ടെ ഇ​രു​പ​ത്തി അ​ഞ്ച് ശ​ത​മാ​നം ന​ല്‍കി​യാ​ല്‍ അ​നു​മ​തി ന​ല്‍കാ​ന്‍ പു​തി​യ നി​യ​മം വ​ന്നി​ട്ടു​ണ്ടെ​ന്ന അ​റി​വ് പ​റ​ഞ്ഞ​പ്പോ​ള്‍ കൃ​ഷി​ഭ​വ​ന്‍ ഉ​ദ്യോ​ഗ​സ്ഥ​ന് അ​ത്ര പി​ടി​ച്ചി​ല്ല. എ​ങ്കി​ല്‍ വി​ല്ലേ​ജ് ഓ​ഫീ​സി​ല്‍ പോ​യി പ​റ​യാ​ന്‍ നി​ര്‍ദേ​ശി​ച്ച് ക​യ്യൊ​ഴി​ഞ്ഞു. വി​ല്ലേ​ജ് ഓ​ഫീ​സി​ല്‍ ചെ​ന്ന​പ്പോ​ള്‍ തി​രൂ​ര്‍ ആ​ര്‍.​ഡി.​ഒ ഒാ​ഫീ​സി​ൽ പോ​കാ​ന്‍ നി​ര്‍ദേ​ശം. അ​ങ്ങി​നെ ഓ​രോ​ന്ന് പ​റ​ഞ്ഞു​ള്ള ന​ട​ത്തം തു​ട​രു​ക​യാ​ണ്. ത​െ​ൻ​റ സം​രം​ഭ​ത്വ സ്വ​പ്‌​ന​ങ്ങ​ള്‍ ദി​വ​സം ക​ഴി​യും തോ​റും വെ​ള്ള​ത്തി​ൽ വീ​ണ സോ​പ്പ്​ പോ​ലെ അ​ലി​ഞ്ഞി​ല്ലാ​താ​വു​ക​യാ​ണെ​ന്ന്​ അ​ഹ​മ​ദ് ഉ​ണ്ണി സ​ങ്ക​ട​പ്പെ​ടു​ന്നു.
അ​തേ സ​മ​യം ച​ങ്ങ​രം​കു​ള​ത്ത് നി​ന്ന്​ വ​ള​യം​കു​ളം വ​രെ​യു​ള്ള റോ​ഡി​നോ​ട് ചേ​ര്‍ന്നു​ള്ള സ്ഥ​ല​ങ്ങ​ള്‍ മൊ​ത്തം നെ​ല്‍ പാ​ട​ങ്ങ​ളാ​യി​രു​ന്നു. ഇ​വി​ട​ങ്ങ​ളി​ലെ​ല്ലാം ബ​ഹു​നി​ല കെ​ട്ടി​ട​ങ്ങ​ള്‍ എ​മ്പാ​ടും ഉ​യ​ര്‍ന്നു ക​ഴി​ഞ്ഞു. അ​തി​നൊ​ന്നും ഉ​ദ്യോ​ഗ​സ്ഥ​ര്‍ക്ക് നി​യ​മ​ത​ട​സ്സ​ങ്ങ​ള്‍ ഉ​ണ്ടാ​യി​ല്ല എ​ന്ന​തും കൂ​ട്ടി​വാ​യി​ക്ക​ണം.

കു​ന്നം​കു​ളം സ്വ​ദേ​ശി​യാ​യ ഒ​രു മു​ന്‍ പ്ര​വാ​സി​യു​ടെ കാ​ര്യം ഇ​തി​ലേ​റെ ക​ഷ്​​ട​മാ​ണ്. 40 വ​ര്‍ഷ​ത്തെ പ്ര​വാ​സ​ത്തി​ന് ശേ​ഷം ജോ​ലി ന​ഷ്​​ട​പ്പെ​ട്ട​പ്പോ​ള്‍ നാ​ട്ടി​ലെ സ്വ​ന്തം സ്ഥ​ല​ത്ത് ര​ണ്ടു മു​റി പീ​ടി​ക പ​ണി​യാ​ന്‍ ചെ​ന്ന​പ്പോ​ള്‍ കെ​ട്ടി​ട​ത്തി​നോ​ട് ചേ​ര്‍ന്ന് പു​രു​ഷ​ന്മാ​ര്‍ക്കും സ്ത്രീ​ക​ള്‍ക്കും പ്ര​ത്യേ​കം മൂ​ത്ര​പ്പു​ര വേ​ണ​മെ​ന്ന ഉ​ദ്യേ​ാ​ഗ​സ്​​ഥ​രു​ടെ നി​ർ​ദേ​ശം സ​മ്മ​തി​ച്ചു. അ​തു ക​ഴി​ഞ്ഞ​പ്പോ​ൾ അം​ഗ വൈ​ക​ല്യ​മു​ള്ള​വ​ർ​ക്ക്​ സൗ​ക​ര്യ​മു​ള്ള മൂ​ത്ര​പ്പു​ര​യും അ​വ​ര്‍ക്ക് ക​യ​റാ​നും ഇ​റ​ങ്ങാ​നും ഗോ​വ​ണി​യ​ും വേ​ണ​മെ​ന്നാ​യി നി​ർ​ദേ​ശം.

പ്ര​ത്യേ​ക പ​രി​ഗ​ണ​ന അ​ർ​ഹി​ക്കു​ന്ന വി​ഭാ​ഗ​ങ്ങ​ൾ​ക്ക്​ സൗ​ക​ര്യ​മൊ​രു​ക്കു​ന്ന​ത്​ അ​നി​വാ​ര്യം ത​ന്നെ​യാ​ണ്. വീ​ൽ ചെ​യ​റി​ൽ എ​ത്തു​ന്ന​വ​ർ​ക്ക്​ സു​ഗ​മ​മാ​യി സേ​വ​ന​ങ്ങ​ൾ ല​ഭ്യ​മാ​ക്കാ​ൻ ഉ​ത​കും വി​ധം സ​ർ​ക്കാ​ർ ഒാ​ഫീ​സു​ക​ളും ഷോ​പ്പി​ങ്​ സെ​ൻ​റ​റു​ക​ളും ആ​രാ​ധ​നാ​ല​യ​ങ്ങ​ളും മാ​റു​ക​യും മാ​റ്റി​പ്പ​ണി​യു​ക​യും ത​ന്നെ വേ​ണം. പ​ക്ഷെ ഒ​രു മു​ൻ പ്ര​വാ​സി ത​െ​ൻ​റ ഗ്രാ​മ​പ്ര​ദേ​ശ​ത്ത്​ ര​ണ്ട് മു​റി പീ​ടി​ക പ​ണി​യു​മ്പോ​ള്‍ മാ​ത്രം സാ​റ​ൻ​മാ​ർ​ക്ക്​ നി​യ​മ​ങ്ങ​ളും വി​ക​ലാം​ഗ ക്ഷേ​മ​വും ഒാ​ർ​മ വ​രു​ന്ന​ത്​ വി​ചി​ത്രം ത​ന്നെ​യാ​ണ്. അ​ടു​ത്തു​ള്ള ന​ഗ​ര​ങ്ങ​ളി​ലെ വ​ൻ​കി​ട മാ​ളു​ക​ളി​ൽ ഇ​ത്ത​രം സൗ​ക​ര്യ​മൊ​രു​ക്കാ​ൻ ഇ​വ​രാ​രും നി​ഷ്​​ക​ർ​ഷി​ക്കാ​റോ നി​ർ​ബ​ന്ധി​ക്കാ​റോ ഇ​ല്ല. കാ​ര്യം വ്യ​ക്​​ത​മാ​ണ്. വി​ക​ലാം​ഗ ക്ഷേ​മ​മ​ല്ല, അ​വ​ന​വ​ൻ ക്ഷേ​മം ത​ന്നെ​യാ​ണ്​ ഇ​വ​രു​ടെ​യെ​ല്ലാം മ​ന​സി​ൽ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:pravasigulf newsmalayalam news
News Summary - pravasi-uae-gulf news
Next Story