പ്രവാസി പ്രക്ഷോഭം വെള്ളിയാഴ്​ച​

ദുബൈ: കോവിഡ് കാലഘട്ടത്തിൽ പ്രവാസികൾ അനുഭവിക്കുന്ന പ്രശ്നങ്ങൾ അധികാരികളുടെ മുന്നിൽ എത്തിക്കാനും പരിഹാരങ്ങൾ ഉണ്ടാക്കാനും ലക്ഷ്യമിട്ട്​ പ്രവാസി വെൽഫെയർ ഫോറം സംഘടിപ്പിക്കുന്ന പ്രവാസി പ്രക്ഷോഭം വെള്ളിയാഴ്​ച വെർച്വൽ പ്ലാറ്റ്​ഫോമിൽ നടക്കും. ഇന്ത്യൻ സമയം രാത്രി ഏഴ്​ മുതൽ ഒമ്പത്​ വരെയാണ്​​ പരിപാടി.

കേന്ദ്ര-സംസ്ഥാന സർക്കാരുകളുടെ പ്രവാസി ദ്രോഹം അവസാനിപ്പിക്കുക, ​പ്രവാസികൾക്ക്​ പ്രത്യേക ധനസഹായ പാക്കേജ്​ പ്രഖ്യാപിക്കുക തുടങ്ങിയ മുദ്രാവാക്യങ്ങൾ ഉന്നയിച്ച്​ നടത്തുന്ന പ്രക്ഷോഭത്തി​െൻറ പ്രചാരണാർത്ഥം വിവിധ പരിപാടികളാണ് നടത്തി കൊണ്ടിരിക്കുന്നത്. വിവിധ സംഘടന നേതാക്കളെയും സാമൂഹിക സാംസ്‌കാരിക രംഗത്തെ പ്രമുഖരെയും ഉൾകൊള്ളിച്ച്​ ടേബ്ൾ ടോക്കുകൾ, പ്രധാനമന്ത്രിക്കും മുഖ്യമന്ത്രിക്കും ഇ-മെയിൽ സന്ദേശം, ബോധവത്​കരണ പരിപാടികൾ തുടങ്ങിയവ സംഘടിപ്പിച്ചിരുന്നു.

വെള്ളിയാഴ്​ച നടക്കുന്ന പരിപാടിയിൽ വിവിധ രാജ്യങ്ങളിലെ 10 സമരവേദികളിൽ നിന്ന് പ്രവാസി സംഘടനാ നേതാക്കളും ആക്ടിവിസ്​റ്റുകളും അണിനിരക്കുമെന്ന് ​പ്രവാസി ഇന്ത്യ പ്രസിഡൻറ് അബുലൈസ് എടപ്പാൾ, സെക്രട്ടറി അരുൺ സുന്ദർരാജ്, വൈസ് പ്രസിഡൻൻറുമാരായ സിറാജുദീൻ, ഷമീം, അൻവർ കെ.എം, ദുബൈ പ്രസിഡൻറ് സുബൈർ എന്നിവർ അറിയിച്ചു. http://YouTube.com/welfarepartykerala എന്ന യൂ ട്യൂബ്​ ലിങ്ക്​ വഴി പ്രവാസി പ്രക്ഷോഭത്തി​െൻറ ഭാഗമാകാം.