നി​യ​മം പാ​ലി​ച്ച ഡ്രൈ​വ​ർ​മാ​ർ​ക്ക് സ​മ്മാ​നം ന​ൽ​കി പൊ​ലീ​സ്

അ​ബൂ​ദ​ബി: ഗ​താ​ഗ​ത നി​യ​മം പാ​ലി​ച്ച് വാ​ഹ​ന​മോ​ടി​ച്ച​തി​ന് 60 ഡ്രൈ​വ​ര്‍മാ​ര്‍ക്ക് സ​മ്മാ​നം ന​ല്‍കി അ​ബൂ​ദ​ബി പൊ​ലീ​സി​ന്റെ ഹാ​പ്പി​ന​സ് പ​ട്രോ​ള്‍ സം​ഘം. വാ​ഹ​നം റോ​ഡ​രി​കി​ലേ​ക്ക് മാ​റ്റി നി​ര്‍ത്തി​പ്പി​ച്ച് ഡ്രൈ​വ​ര്‍മാ​രെ അ​മ്പ​രി​പ്പി​ച്ച ശേ​ഷ​മാ​യി​രു​ന്നു സ​മ്മാ​നം കൈ​മാ​റ​ല്‍. ആ​ശ​ങ്ക​യോ​ടെ വാ​ഹ​നം നി​ര്‍ത്തി​യ ഡ്രൈ​വ​ര്‍മാ​രോ​ട് ഗ​താ​ഗ​ത നി​യ​മം പാ​ലി​ച്ച് വാ​ഹ​ന​മോ​ടി​ക്കു​ന്ന​തി​നു​ള്ള അ​ഭി​ന​ന്ദ​ന​മാ​ണ് ന​ല്‍കു​ന്ന​തെ​ന്ന് ഹാ​പ്പി​ന​സ് പ​ട്രോ​ള്‍ സം​ഘം അ​റി​യി​ച്ച​തോ​ടെ​യാ​ണ് ഡ്രൈ​വ​ര്‍മാ​ര്‍ക്കും കാ​ര്യം മ​ന​സ്സി​ലാ​യ​ത്. പൊ​ലീ​സ് സം​ഘം അ​ല്‍ഐ​നി​ല്‍ പ​രി​ശോ​ധ​ന​ക്കി​ടെ​യാ​ണ്​ പേ​പ്പ​ര്‍ ബാ​ഗി​ലാ​ക്കി​ സ​മ്മാ​നം കൈ​മാ​റി​യ​ത്.

അ​തേ​സ​മ​യം, ബാ​ഗി​നു​ള്ളി​ല്‍ എ​ന്തു സ​മ്മാ​ന​മാ​യി​രു​ന്നു ഉ​ണ്ടാ​യി​രു​ന്ന​തെ​ന്ന് പൊ​ലീ​സ് വെ​ളി​പ്പെ​ടു​ത്തി​യി​ല്ല.

റോ​ഡ് സു​ര​ക്ഷ​യു​ടെ ഭാ​ഗ​മാ​യി ക​ഴി​ഞ്ഞ വ​ര്‍ഷം ന​ട​ത്തി​യ സ​മാ​ന പ​രി​പാ​ടി​യി​ല്‍ ഡ്രൈ​വ​ര്‍മാ​ര്‍ക്ക് സൗ​ജ​ന്യ ഇ​ന്ധ​ന കാ​ര്‍ഡും സ്റ്റാ​ര്‍ ഓ​ഫ് ഹോ​ണ​ര്‍ ബാ​ഡ്ജും പൊ​ലീ​സ് കൈ​മാ​റി​യി​രു​ന്നു. അ​തി​നു മു​മ്പ് വ​ലി​യ ടെ​ലി​വി​ഷ​നും ചി​ല ഡ്രൈ​വ​ര്‍മാ​ര്‍ക്ക് കൈ​മാ​റു​ക​യു​ണ്ടാ​യി.

സു​ര​ക്ഷി​ത​മാ​യി വാ​ഹ​ന​മോ​ടി​ക്കു​ന്ന​വ​ര്‍ക്ക് സ​മ്മാ​ന​ങ്ങ​ള്‍ ന​ല്‍കു​ന്ന ന​ട​പ​ടി അ​ബൂ​ദ​ബി പൊ​ലീ​സ് തു​ട​രു​മെ​ന്നും ഇ​തി​ലൂ​ടെ അ​വ​ര്‍ മ​റ്റു​ള്ള​വ​രു​ടെ മാ​തൃ​ക​ക​ളാ​യി മാ​റു​മെ​ന്നും അ​ല്‍ ഐ​നി​ലെ ട്രാ​ഫി​ക് അ​ഡ്മി​നി​സ്‌​ട്രേ​ഷ​ന്‍ ഓ​ഫ് സെ​ക്യൂ​രി​രി​റ്റി പ​ട്രോ​ള്‍ ഉ​ദ്യോ​ഗ​സ്ഥ​നാ​യ മേ​ജ​ര്‍ മ​താ​ര്‍ അ​ബ്ദു​ല്ല അ​ല്‍ മു​ഹൈ​രി പ​റ​ഞ്ഞു.