റമദാനിൽ പൊലീസ്​ അറസ്​റ്റ്​ ചെയ്​തത്​ 458 യാചകരെ

ദുബൈ: റമദാനിൽ ദുബൈയുടെ വിവിധ ഭാഗങ്ങളിൽനിന്ന്​ പൊലീസ്​ അറസ്​റ്റ്​ ചെയ്​തത്​ 458 യാചകരെ. ദുബൈ​ പൊലീസി​െൻറ യാചക നിരോധിത കാമ്പയിനി​െൻറ ഭാഗമായാണ്​ ഇവരെ പിടികൂടിയത്​. പെരുന്നാൾ അവധി ദിവസങ്ങളിൽ 23 പേരെയും പിടികൂടി​.

യാചകർ സ്​ഥിരമായി എത്തുന്ന സ്​ഥലങ്ങളിൽ ഇത്തവണ പട്രോളിങ്​ ശക്​തമാക്കിയിരുന്നു. മറ്റ്​ വകുപ്പുകളുമായി ചേർന്നായിരുന്നു പരിശോധന​. പൊലീസി​െൻറ കാമ്പയിനി​െൻറ ഭാഗമായി യാചകരുടെ എണ്ണം കുറക്കാൻ കഴിഞ്ഞതായി ദുബൈ പൊലീസ്​ ഇൻഫിൽട്രേറ്റേഴ്​സ്​ വിഭാഗം ഡയറക്​ടർ കേണൽ അലി സാലിം പറഞ്ഞു. എല്ലാ വർഷവും ഇത്തരം കാമ്പയിനുകൾ പൊലീസ്​ നടത്താറുണ്ട്​. അർഹരിലേക്ക്​ സഹായം എത്തിക്കേണ്ടത്​ അംഗീകൃത ചാരിറ്റി സംഘടനകളും സർക്കാർ സംവിധാനങ്ങളും വഴിയാണ്​.

യാചകർക്ക്​ നേരിട്ട്​ പണം നൽകരുത്​. യു.എ.ഇ ഭിക്ഷാടനം നടത്തുന്നവർക്ക്​ 5000 ദിർഹം പിഴയും മൂന്നുമാസം തടവും ശിക്ഷ ലഭിക്കും.രാജ്യത്തിന്​ പുറത്തുനിന്നുള്ളവരെ ഭിക്ഷാടനത്തിന്​ എത്തിക്കുന്നവർക്ക്​ ഒരു ലക്ഷം ദിർഹം പിഴയും ആറ്​ മാസത്തിൽ കുറയാത്ത പിഴയും ലഭിക്കും. ഭിക്ഷാടനം ശ്രദ്ധയിൽപെട്ടാൽ 901 എന്ന ടോൾഫ്രീ നമ്പറിൽ പൊലീസി​നെ അറിയിക്കണമെന്നും അലി സാലിം പറഞ്ഞു.