പാറക്കടവിന്​ പ്രവാസഭൂമി കരുതി വെച്ചത്​ ആശ്​ചര്യ സമ്മാനം

ദുബൈ: പ്രവാസിയായി ജീവിക്കുകയും പ്രവാസത്തി​​​െൻറ കണ്ണുനീരിനെക്കുറിച്ചും ആ കണ്ണുനീരിലെ ചിരിയെക്കുറിച്ചും പ്രണയത്തെക്കുറിച്ചുമെല്ലാം  എഴുതുകയും ചെയ്​ത പി.കെ. പാറക്കടവിന്​ പ്രവാസഭൂമി കരുതിവെച്ചത്​  ആശ്​ചര്യ സമ്മാനം. കേരള സാഹിത്യ അക്കാദമിയുടെ സമഗ്ര സംഭാവനക്കുള്ള പുരസ്​കാരം ലഭിച്ച വിവരം  മലയാളത്തി​​​െൻറ, അതിലേറെ പ്രവാസ ലോകത്തി​​​െൻറ പ്രിയ എഴുത്തുകാരൻ പി.കെ. പാറക്കടവ്​ അറിയുന്നത്​ ദുബൈ അന്താരാഷ്​ട്ര വിമാനത്താവളത്തിൽ വന്നിറങ്ങവെയാണ്​. പ​ത്രപ്രവർത്തകനായും പീരിയോഡിക്കൽസ്​ എഡിറ്ററായും ​ഏറെ വർഷം സേവനമനുഷ്​ഠിച്ച ‘മാധ്യമ’ത്തിൽ നിന്നാണ്​ ആദ്യ വിളിയെത്തിയത്​. തൊട്ടുപിന്നാലെ എഴുത്തുകാരും വായനക്കാരുമായ  സഹൃദയരുടെ അഭിനന്ദന സന്ദേശങ്ങളെത്തി.  

0566572771 എന്ന നമ്പറിന്​ വിശ്രമമില്ലാതെയായി. ‘മരുഭൂമി അങ്ങിനെയാണ്​, എണ്ണിത്തീരാൻ പറ്റാത്തത്ര അത്​ഭുതങ്ങൾ ഒളിഞ്ഞു കിടക്കുന്നിടമാണ്​. സ്​നേഹിക്കുന്നവരെയെല്ലാം അതിലിരട്ടിയായി തിരി​െക സ്​നേഹിക്കും.  ഞാൻ ജോലി ചെയ്​ത, എഴുതാൻ കാമ്പും കരുത്തും തന്ന, എ​​​െൻറ വിയർപ്പും കണ്ണീരും  കലർന്ന ഇൗ മണ്ണിൽ ചവിട്ടി നിൽക്കെ ഇത്തരമൊരു സന്തോഷ വർത്തമാനം എത്തുന്നതിനേക്കാൾ വലിയ സമ്മാനം നേടാനില്ല’ എന്ന്​ പറയുന്നു പാറക്കടവ്​. 
യു.എ.ഇയെ ഹൃദയപൂർവം സ്​നേഹിച്ച പി.കെ  ആദ്യ കഥാസമാഹാരത്തിന്​ നൽകിയ പേര്​ ‘ഖോർഫുക്കാൻ കുന്ന്’​ എന്നായിരുന്നു. പത്തു വർഷത്തെ പ്രവാസ ജീവിതം പാതി വഴിയിൽ നിർത്തി നാട്ടിൽ പോയി എഴുത്തിലും മാധ്യമപ്രവർത്തന​ത്തിലും സജീവമായ കാലത്തും യു.എ.ഇയിലെ വായനാ സമൂഹത്തി​​​െൻറ ക്ഷണം സ്വീകരിച്ച്​ പലകുറി ഇവിടെ എത്തി. 

മാർച്ച്​ ഒന്നിന്​ നടക്കുന്ന അബൂദബി മലയാള സമാജത്തി​​​െൻറ പുരസ്​കാരം സമർപ്പണ ചടങ്ങിനാണ്​ ഇക്കുറി​ എത്തിയത്​.  ഏറെ നിരൂപക ശ്രദ്ധ നേടിയ, ഫലസ്​തീൻ പശ്​ചാത്തലത്തിൽ ഇതൾ വിരിയുന്ന ‘ഇടിമിന്നലുകളുടെ പ്രണയം എന്ന നോവലിനാണ്​ അബൂദബി പുരസ്​കാരം.   അക്കാദമി പുരസ്​കാരം സന്തോഷകരമാണെങ്കിലും പാറക്കടവിന്​ അമിതാഹ്ലാദമില്ല.  എം.എം. കർബുർഗിയുൾപ്പെടെ മനുഷ്യസ്​നേഹികളായ ബുദ്ധിജീവികളെ അറുകൊല ചെയ്തിട്ടും നടപടി സ്വീകരിക്കാത്ത ഭരണകൂട നിലപാടിൽ  പ്രതിഷേധിച്ച്​ താനുൾപ്പെടെ കേന്ദ്രസാഹിത്യ അക്കാദമി അംഗത്വം രാജിവെക്കുകയും ഉദയ്​പ്രകാശും നയൻതാര സെയ്ഗലും അശോക്​ വാജ്​പെയും സാറാ ജോസഫുമെല്ലാം പുരസ്​കാരങ്ങൾ തിരികെ നൽകുകയും ചെയ്​ത്​ രണ്ടു വർഷം പിന്നിടു​േമ്പാൾ കൂടുതൽ എഴുത്തുകാരും മനുഷ്യാവകാശ പ്രവർത്തകരും ഇന്ത്യയിൽ ഹിറ്റ്​ലിസ്​റ്റിലാണ്​. കഴുത്തല്ല എഴുത്താണ്​ പ്രധാനമെന്നതിനാൽ ശിഷ്​ടകാലവും തുറന്ന അഭിപ്രായ പ്രകടനവും ഇടപെടലുകളുമായി മുന്നോട്ടുപോകുമെന്ന്​ പി.കെ. പറയുന്നു.  മത-രാഷ്​ട്രീയ വിശ്വാസങ്ങളുടെ പേരിലെ അതിക്രമങ്ങളും ആവിഷ്​കാര സ്വാതന്ത്ര്യത്തിനെതിരായ കൈയേറ്റവും ആരു നടത്തിയാലും എതിർപ്പുമായി താൻ മുന്നിലുണ്ടാവുമെന്നും അദ്ദേഹം കൂട്ടിച്ചേർത്തു.