Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightU.A.Echevron_rightകള്ളക്കേസും ഭീഷണിയും...

കള്ളക്കേസും ഭീഷണിയും തുടർന്നാലും പോരാടും –പി.കെ. ഫിറോസ്

text_fields
bookmark_border
കള്ളക്കേസും ഭീഷണിയും തുടർന്നാലും പോരാടും –പി.കെ. ഫിറോസ്
cancel

ഷാർജ: കള്ളക്കേസുകളും ഭീഷണികളും തുടർന്നാലും അഴിമതിയ്ക്ക് എതിരായ പോരാട്ടം തുടരുമെന്ന് യൂത്ത് ലീഗ് സംസ്​ഥാന സ െക്രട്ടറി പി.കെ.ഫിറോസ് പറഞ്ഞു. സമകാലീന ഇന്ത്യൻ രാഷ്​ട്രീയ സാഹചര്യങ്ങൾ വിലയിരുത്തി ഷാർജ കെ.എം.സി.സി. സംഘടിപ്പിച് ച പരിപാടിയിൽ മുഖ്യ പ്രഭാഷണം നടത്തുകയായിരുന്നു അദ്ദേഹം.

ഒരു മന്ത്രി നടത്തിയ അഴിമതി പകൽ പോലെ വ്യക്തമായിട്ടു ം മന്ത്രിയെ സംരക്ഷിക്കുന്ന നിലപാടാണ്​ മുഖ്യമന്ത്രിക്ക്​. സി.പിഎം. സെക്രട്ടറി അതിനെ ന്യായീകരിക്കുന്നന്നു. ഇത്​ എന്തിനാണെന്ന് വ്യക്തമാക്കുന്ന തെളിവുകളാണ് പുറത്ത് കൊണ്ട്‌ വന്നു കൊണ്ടിരിക്കുന്നത്. സർക്കാർ അംഗീകാരം കൊടുക്കുന്നതിനു മുമ്പേ നിയമനം നൽകുകയാണ്​. യോഗ്യത ബന്ധുവാകണമെന്ന് മാത്രം. സ്വജന പക്ഷപാതത്തിനും അഴിമതിക്കുമെതിരെ യൂത്ത് ലീഗ് പോരാട്ടം നയിക്കും. ഞെട്ടിക്കുന്ന പല തെളിവുകളും അടുത്ത് തന്നെ പ്രതീക്ഷിക്കാമെന്ന്​ ഫിറോസ് വ്യക്തമാക്കി. രാജ്യത്ത് പുതിയ പ്രതീക്ഷകൾ കടന്നു വരികയാണ്.

സർവ്വെ ഫലങ്ങൾ സൂചിപ്പിക്കുന്നത് അതാണ്. രാജ്യം ഒറ്റക്കെട്ടായി ഫാസിസത്തിനെ ചെറുക്കുകയാണ്​. എന്നാൽ സി.പി.എം. കോൺഗ്രസ് വിരോധത്തിൻ പേരിൽ ബി.ജെ.പിയെ വളർത്തുകയാണ്​. ഷാർജ കെ.എം.സി.സി. പ്രസിഡണ്ട് ടി.കെ. അബ്​ദുൽ ഹമീദ് അദ്ധ്യക്ഷത വഹിച്ചു. യു.എ.ഇ കെ.എം.സി.സി. ഉപാദ്ധ്യക്ഷൻ നിസാർ തളങ്കര ഉദ്​ഘാടനം ചെയ്തു. ഷാർജ ഇന്ത്യൻ അസോസിയേഷൻ പ്രസിഡണ്ട് ഇ.പി. ജോൺസൺ, ജനറൽ സെക്രട്ടറി അബ്​ദുല്ല മല്ലിശ്ശേരി, ആക്റ്റിംഗ് ട്രഷറർ ഷാജി ജോൺ, ജാബിർ, സന്തോഷ്, കെ.എം.സി.സി. കേന്ദ്ര നേതാക്കളായ സൂപ്പി പാതിരിപ്പറ്റ, മുസ്തഫ മുട്ടുങ്ങൽ, സഅദ് പുറക്കാട് എന്നിവർ സംസാരിച്ചു. അബ്​ദുൽ കാദർ ചക്കനാത്ത് സ്വാഗതവും സെയ്ത് മുഹമ്മദ് നന്ദിയും പറഞ്ഞു.

ഷാർജ കെ.എം.സി.സി. ഭാരവാഹികളായ നിസാർ വെള്ളികുളങ്ങര അബ്​ദുല്ല ചേലേരി, കാദർ കുന്നിൽ, മഹമൂദ് അലവി, ടി.വി.നസീർ, വഹാബ്, കെ.ടി.കെ. മൂസ്സ, ബഷീർ ഇരിക്കൂർ, അബ്​ദുറഹിമാൻ മാസ്​റ്റർ, കബീർ ചന്നാങ്കര, മുജീബ് തൃക്കനാപുരം, യാസീൻ വെട്ടം, ഖാലിദ് പാറപ്പള്ളി ത്വയ്യിബ്‌ ചേറ്റുവ, നൗഷാദ് കാപ്പാട് എന്നിവർ പരിപാടികൾക്ക് നേതൃത്വം നൽകി.

Show Full Article
TAGS:pk firoz gulf news malayalam news 
Next Story