ഫിലാഡൻ​ഡ്രോൺ മേലെനോ കൃസം

ഇതിനെ സാധാരണയായി ബ്ലാക്ക്​ ഗോൾഡ്​ ഫിലാഡൻ​ഡ്രോൺ എന്ന് പറയും. ബോട്ടാനിക്കൽ പേര്​ ഫിലാഡൻ​ഡ്രോൺ മേലെനോ കൃസം എന്നാണ്​. പൂർണ്ണ വളർച്ചയെത്തിയ ഒരു ചെടി 3-5 അടി പൊക്കം വെക്കും. ഇത് രണ്ടു തരം ഉണ്ട്. ഫിലോ ഗ്ലോറിയസ്​, ഫിലോ സ്​പ്ലൻഡിഡ്​. ഇതിന്‍റെ പുതിയ ഇലകൾക്ക് ബ്രൗൺ നിറം ആണ്.

ഇലകൾ കണ്ടാൽ വെൽവെറ്റ് പോലെ തോന്നും. ഹൃദയത്തിന്‍റെ രൂപത്തിലുള്ള നീണ്ട ഇലകളാണ്​. സൂര്യപ്രകാശം അടിക്കുമ്പോൾ ഇലകൾക്ക് നല്ല തിളക്കമാണ്. ഇതൊരു പടർന്നു പോകുന്ന ചെടിയാണ്. സ്റ്റെം കട്ട്​ ചെയ്താണ്​ പ്രോപഗേഷൻ നടത്താറ്​. സാധാരണ ചെടിക്ക് കൊടുക്കുന്ന രാസവളം ഉപയോഗിക്കാം. ചാണക പൊടിയും, ചകിരി ചോറും ചേർക്കുന്നത്​ നല്ലതാണ്​.