യു.എ.ഇയിലെ  വളർത്തു മൃഗങ്ങൾക്കും അമിതവണ്ണം 

ദുബൈ: യു.എ.ഇയിലെ ഒാമന കുഞ്ഞുങ്ങൾക്കു പുറമെ ഒാമന മൃഗങ്ങളും അമിതവണ്ണം എന്ന ഭീഷണി നേരിടുന്നതായി മൃഗരോഗ വിദഗ്​ധ. ചൂടു കാലാവസ്​ഥയിൽ വളർത്തു മൃഗങ്ങൾക്ക്​ ഉണ്ടാവുന്ന പതിവ്​ രോഗങ്ങൾക്കു പുറമെയാണ്​ ഇപ്പോൾ ഭാരകൂടുതൽ ​പ്രശ്​നം സൃഷ്​ടിക്കുന്നതെന്ന്​ ബ്രിട്ടിഷ്​ വെറ്ററിനറി ഹോസ്​പിറ്റൽ ഡയറക്​ടർ ഡോ. സാറാ ഇല്ലിയട്ട്​ ചൂണ്ടിക്കാട്ടുന്നു. ദുബൈയിൽ താമസിക്കുന്ന യൂറോപ്യൻ വനിതയുടെ വളർത്തു പൂച്ചയുടെ ജീവൻ നഷ്​ടപ്പെട്ടത്​ അമിത വണ്ണത്തെ തുടർന്ന്​ രൂപപ്പെട്ട പ്രമേഹവും സന്ധിരോഗങ്ങളും മൂലമാണ്​.  പ്രവാസം തുടങ്ങുന്നതോടെ ഏറെക്കുറെ പേർക്കും  ഭാരം കൂടുന്നത്​ പതിവാണ്​. എന്നാലത്​ മനുഷ്യരിൽ മാത്രമൊതുങ്ങുന്നില്ല. 

വളർത്തു മൃഗങ്ങൾക്ക്​ അവയുടെ ഉടമകളുടെ സ്വഭാവമായിരിക്കും എന്ന പഴമൊഴി ഭാരക്കുടുതലി​​െൻറ കാര്യത്തിൽ തികച്ചും ശരിയാണ്​. ഉയർന്ന കലോറിയുള്ള ഭക്ഷണവും വ്യായാമമില്ലായ്​മയുമാണ്​ ആളുകളുടെ വണ്ണം കൂട്ടുന്നത്​ എന്നതു പോലെ ഭക്ഷണത്തിലെ ധാരാളിത്തമാണ്​ പൂച്ചകളുടെയും മറ്റു വളർത്തു മൃഗങ്ങളുടെയും തടി വർധിപ്പിക്കുന്നത്​.  മൃഗങ്ങൾക്കും വ്യായാമം വേണമെന്ന കാര്യം പല ഉടമകൾക്കും അറിയാത്ത മട്ടാണ്​. മറ്റു പ്രദേശങ്ങളിൽ നിന്ന്​ ഭിന്നമായി വീട്ടിനുള്ളിൽ അടച്ചിട്ട്​ വളർത്തുന്ന​ത്​ മൂലം തീറ്റ മാത്രമാണ്​ പല പൂച്ചകൾക്കും ചെയ്യാനുള്ള ഏക കാര്യം. അമിതമായി ഭക്ഷണം നൽകിയും വീട്ടിനുള്ളിലെ സൗകര്യങ്ങളിലൊതുക്കിയും അമിത സ്​നേഹം വഴി ഒാമനമൃഗങ്ങളെ ഉടമകൾ കൊല്ലുകയാണെന്ന്​ ഡോ. ഇല്ലിയട്ട്​ മുന്നറിയിപ്പ്​ നൽകുന്നു.