സ​മാ​ധാ​ന ഉ​ച്ച​കോ​ടി​ക്ക്​ ദു​ബൈ​യി​ൽ സ​മാ​പ​നം

ദു​ബൈ: ‘ഗ്ലോ​ബ​ൽ ജ​സ്റ്റി​സ്, ല​വ് ആ​ൻ​ഡ്​ പീ​സ് സ​മ്മി​റ്റ്’ എ​ന്ന പേ​രി​ൽ സം​ഘ​ടി​പ്പി​ച്ച സ​മാ​ധാ​ന ഉ​ച്ച​കോ​ടി​ക്ക്​ ദു​ബൈ എ​ക്സ്പോ സി​റ്റി​യി​ൽ സ​മാ​പ​നം. 12 നോ​ബ​ൽ സ​മാ​ധാ​ന സ​മ്മാ​ന ജേ​താ​ക്ക​ൾ, രാ​ജ​കു​ടും​ബ​ങ്ങ​ൾ, രാ​ഷ്ട്ര​ത്ത​ല​വ​ന്മാ​ർ, ചീ​ഫ് ജ​സ്റ്റി​സു​മാ​ർ, ബി​സി​ന​സ് നേ​താ​ക്ക​ൾ, മ​ത-​ആ​ത്മീ​യ ആ​ചാ​ര്യ​ന്മാ​ർ, സ്പോ​ർ​ട്സ് ചാ​മ്പ്യ​ന്മാ​ർ, സി​നി​മാ താ​ര​ങ്ങ​ൾ തു​ട​ങ്ങി​യ​വ​ർ ഉ​ച്ച​കോ​ടി​യി​ൽ പ​ങ്കെ​ടു​ത്തു.

ലോ​ക​ത്ത് നീ​തി, സ്നേ​ഹം, സ​മാ​ധാ​നം വ​ള​ർ​ത്തു​ക എ​ന്ന ല​ക്ഷ്യ​ത്തോ​ടെ​യാ​ണ് ദ്വി​ദി​ന ഉ​ച്ച​കോ​ടി സം​ഘ​ടി​പ്പി​ച്ച​ത്. ഉ​ച്ച​കോ​ടി​യു​ടെ ഭാ​ഗ​മാ​യി ‘വ​ൺ പ്ലാ​നെ​റ്റ്, വ​ൺ വോ​യ്‌​സ്: ഗ്ലോ​ബ​ൽ ജ​സ്റ്റി​സ്, ല​വ് ആ​ൻ​ഡ് പീ​സ്’ എ​ന്ന വി​ഷ​യ​ത്തി​ൽ ഒ​രു​ക്കു​ന്ന ച​ർ​ച്ച​യി​ലാ​ണ് 12 നോ​ബ​ൽ സ​മാ​ധാ​ന സ​മ്മാ​ന ജേ​താ​ക്ക​ൾ സം​ബ​ന്ധി​ച്ച​ത്.

ആ​ദ്യ​ദി​ന​ത്തെ സെ​ഷ​നി​ൽ പോ​ള​ണ്ട്​ മു​ൻ പ്ര​സി​ഡ​ന്റും സ​മാ​ധാ​ന സ​മ്മാ​ന ജേ​താ​വു​മാ​യ ലെ​ക് വ​ലേ​സ സം​സാ​രി​ച്ചു. സ​മാ​ധാ​നം, നീ​തി, പ​ങ്കി​ടു​ന്ന മാ​നു​ഷി​ക മൂ​ല്യ​ങ്ങ​ൾ എ​ന്നി​വ അ​ടി​സ്ഥാ​ന​മാ​യ പു​തി​യ ലോ​ക ക്ര​മ​ത്തി​ന്റെ ആ​വ​ശ്യ​ക​ത​യു​ണ്ടെ​ന്ന് വ​ലേ​സ പ​റ​ഞ്ഞു.

യു.​എ.​ഇ​യി​ലെ പ്ര​മു​ഖ പാ​ർ​ല​മെ​ന്റേ​റി​യ​നും വി​ദ്യാ​ഭ്യാ​സ വി​ദ​ഗ്ധ​നും പ്ര​തി​രോ​ധ, ആ​ഭ്യ​ന്ത​ര, വി​ദേ​ശ​കാ​ര്യ ക​മ്മി​റ്റി ചെ​യ​ർ​മാ​നു​മാ​യ ഡോ. ​അ​ലി റാ​ശി​ദ് അ​ൽ നു​ഐ​മി​യാ​ണ് ഉ​ച്ച​കോ​ടി ഉ​ദ്ഘാ​ട​നം ചെ​യ്ത​ത്.

ഉ​ച്ച​കോ​ടി​യു​ടെ സം​ഘാ​ട​ക​രാ​യ ‘അ​യാം പീ​സ് കീ​പ്പ​ർ മൂ​വ്മെ​ന്റ്’ ചെ​യ​ർ​മാ​ൻ ഡോ. ​ഹു​സൈ​ഫ ഖൊ​റാ​ക്കി​വാ​ല, അ​ഭി​ഭാ​ഷ​ക​നും തു​നീ​ഷ്യ​ൻ മ​നു​ഷ്യാ​വ​കാ​ശ പ്ര​വ​ർ​ത്ത​ക​നും 2015ലെ ​സ​മാ​ധാ​ന നോ​ബ​ൽ സ​മ്മാ​ന ജേ​താ​വു​മാ​യ അ​ബ്ദി​ൽ സ​ത്താ​ർ ബി​ൻ മൂ​സ, മൗ​റീ​ഷ്യ​സ് റി​പ​ബ്ലി​ക് മു​ൻ പ്ര​സി​ഡ​ന്റ് അ​മീ​ന ഗു​രി​ബ് ഫ​ക്കിം, 2016ലെ ​റി​യോ പാ​രാ​ലി​മ്പി​ക്സ് വെ​ള്ളി മെ​ഡ​ൽ ജേ​താ​വ് ഡോ. ​ദീ​പ മാ​ലി​ക്, ബ്രി​ട്ടീ​ഷ്-​യു.​എ.​ഇ ആ​ർ​ട്ടി​സ്റ്റും മ​നു​ഷ്യാ​വ​കാ​ശ പ്ര​വ​ർ​ത്ത​ക​നു​മാ​യ അ​ല​ക്‌​സാ​ണ്ട​ർ ജാ​ഫ്രി, ശ്രീ​ല​ങ്ക​ൻ നോ​ബ​ൽ സ​മ്മാ​ന ജേ​താ​വ് പ്ര​ഫ. മോ​ഹ​ൻ മു​നാ​സിം​ഗെ ദേ​ശ്മാ​ന്യ തു​ട​ങ്ങി​യ​വ​രും വി​വി​ധ സെ​ഷ​നു​ക​ളി​ൽ പ​ങ്കെ​ടു​ത്തു.

നീ​തി, സ്നേ​ഹം, സ​മാ​ധാ​നം എ​ന്നി​വ​യു​ടെ മാ​ർ​ഗ​നി​ദേ​ശ ത​ത്വ​ങ്ങ​ളാ​യി ‘സ​മാ​ധാ​ന ചാ​ർ​ട്ട​ർ: മാ​ന​വി​ക​ത​ക്കു​ള്ള സ്നേ​ഹ ലേ​ഖ​നം’ എ​ന്ന പ്ര​ഖ്യാ​പ​ന​ത്തോ​ടെ​യാ​ണ്​ ഉ​ച്ച​കോ​ടി സ​മാ​പി​ച്ച​ത്.