‘ഇടഞ്ഞ കൊമ്പന്​ ’ യു.എ.ഇയിൽ കൊമ്പു ചികിത്സ

ദുബൈ: രാഷ്​ട്രീയ എതിരാളികൾ ആരുമായും കൊമ്പു കോർക്കാൻ മടിക്കാത്ത പൂഞ്ഞാർ എം.എൽ.എ പി.സി. ജോർജിന്​ യു.എ.ഇയിൽ ​െകാമ്പു ചികിത്സ. വിവിധ പരിപാടികൾക്കായി ഇവിടെയെത്തിയ ജോർജിന്​ റാസൽഖൈമയിലെ ഫിസിയോ തെറാപ്പിസ്​റ്റ്​ സാജിദ്​ കടക്കലാണ്​ ഹിജാമ തെറാപ്പി ഒരുക്കിയത്​. 

ഏഴു മാസം മൂൻപ്​ യു.എ.ഇ സന്ദർ​ശിച്ച വേളയിൽ ഹിജാമ ചെയ്​തത്​ ഫലം കണ്ടതിനെ തുടർന്നാണ്​ വീണ്ടും എത്തിയതെന്നും പ്രവാചകൻ സ്വീകരിച്ച രീതി എന്നത്​ വിശ്വാസം വർധിപ്പിക്കുന്നുവെന്നും ജോർജ്​ പറഞ്ഞു.  

മുതുകിൽ കപ്പുമായി ഇരിക്കുന്ന ചിത്രവും അശുദ്ധ രക്​തം നീക്കം ചെയ്യാൻ ഗുണകരമാണെന്ന സംഭാഷണത്തോടെയുള്ള വീഡിയോയും സാമൂഹിക മാധ്യമങ്ങളിലൂടെ വ്യാപകമായി പ്രചരിക്കുന്നുമുണ്ട്​.