കളർഫുൾ പട്രോളുമായി ദുബൈ പൊലീസ്​

ദുബൈ: കുറ്റകൃത്യങ്ങളിൽ ഇരയാക്കപ്പെടുന്ന കുട്ടികളെ സഹായിക്കുന്നതിനും ദുബൈ പൊലീസും കുട്ടികളുമായുള്ള ആശയവിനിമയം എളുപ്പമാക്കുന്നതിനുമായി പുതിയ കളർ പട്രോളിന്​ ദുബൈ പൊലീസ്​ രൂപം നൽകി. ശനിയാഴ്​ച മുതൽ ഇതി​​​​െൻറ പ്രവർത്തനം ആരംഭിച്ചു. കുട്ടികളെ ലക്ഷ്യമിട്ട്​ നടത്തുന്ന ബോധവൽക്കരണ പരിപാടികളിൽ ദുബൈ പൊലീസിനെ സഹായിക്കുന്നതും ഇവരുടെ ചുമതലയാണ്​.

പൊീലസിനോട്​ ഇടപഴകു​േമ്പാൾ കുട്ടികൾക്കുണ്ടാകുന്ന മാനസിക പിരിമുറുക്കം ഇല്ലാതാക്കാൻ പൊലീസി​​​​െൻറ മനുഷ്യാവകാശ വിഭാഗമാണ്​ പുതിയ പദ്ധതിക്ക്​ രൂപം നൽകിയത്​. പല നിറങ്ങളുള്ള വാഹനമാണ്​ ഇതിനായി തയാറാക്കിയിരിക്കുന്നത്​. ഉദ്യോഗസ്​ഥർക്ക്​ എതിർ ദിശയിലായി കുട്ടികൾക്കുള്ള സീറ്റ്​ ക്രമീകരിച്ചിരിക്കുന്നു. പെയിൻറിങുകൾ, ചിത്രങ്ങൾ, കാർട്ടൂണുകൾ എന്നിവയൊക്കെ സജ്ജീകരിച്ചിട്ടുണ്ട്​.

വിനോദത്തിന്​ ഗെയിമുകൾ കളിക്കാനുളള സംവിധാനങ്ങളും ഇതിലുണ്ട്​. ശിശുസൗഹൃദ സുരക്ഷാ അന്തരീക്ഷം സൃഷ്​ടിക്കുന്നതിനും വിദ്യാർത്ഥികളെയും കുടുംബങ്ങളെയും സഹായിക്കുന്നതിനും ലക്ഷ്യമിട്ടാണ്​ ഇൗ സംവിധാനം ഏർപ്പെടുത്തിയിരിക്കുന്നതെന്ന്​ പൊലീസി​​​​െൻറ പത്രക്കുറിപ്പിൽ പറയുന്നു.