വാ​ട്​​സ്​​ആ​പ്​​ വ​ഴി മ​യ​ക്കു​മ​രു​ന്ന് ക​ച്ച​വ​ടം ന​ട​ത്തി​യ​യാ​ൾ​ക്ക്​ വ​ധ​ശി​ക്ഷ

അ​ബൂ​ദ​ബി: മ​യ​ക്കു​മ​രു​ന്ന് കൈ​വ​ശം​വെ​ച്ച കു​റ്റ​ത്തി​ന് പാ​കി​സ്​​താ​നി പൗ​ര​ന് അ​ബൂ​ദ​ബി ക്രി​മി​ന​ല്‍ കോ​ട​തി വ​ധ​ശി​ക്ഷ വി​ധി​ച്ചു. വാ​ട്​​സ്​​ആ​പ്​​ അ​ട​ക്ക​മു​ള്ള സ​മൂ​ഹ മാ​ധ്യ​മ​ങ്ങ​ൾ വ​ഴി മ​യ​ക്കു​മ​രു​ന്ന് ക​ച്ച​വ​ടം ന​ട​ത്തി​യ​താ​യി തെ​ളി​ഞ്ഞ​തി​നെ തു​ട​ർ​ന്നാ​ണ്​ ശി​ക്ഷ വി​ധി​ച്ച​ത്. ഇ​യാ​ളി​ല്‍നി​ന്നു പി​ടി​കൂ​ടി​യ മ​യ​ക്കു​മ​രു​ന്നു​ക​ളും കൃ​ത്യ​ത്തി​നു​പ​യോ​ഗി​ച്ച കാ​റും ടെ​ലി​ഫോ​ണും ന​ശി​പ്പി​ച്ചു​ക​ള​യാ​നും കോ​ട​തി ഉ​ത്ത​ര​വി​ട്ടു. മ​യ​ക്കു​മ​രു​ന്ന് ഉ​പ​യോ​ഗം പ്രോ​ത്സാ​ഹി​പ്പി​ക്കു​ന്ന ക​ണ്ണി​യി​ല്‍ പെ​ട്ട​യാ​ളാ​ണ് പ്ര​തി​യെ​ന്ന ര​ഹ​സ്യ​വി​വ​ര​ത്തി​െൻറ അ​ടി​സ്ഥാ​ന​ത്തി​ലാ​യി​രു​ന്നു അ​ബൂ​ദ​ബി ആ​ൻ​റി നാ​ര്‍കോ​ട്ടി​ക്‌​സ് വി​ഭാ​ഗം ഇ​യാ​ളെ പി​ടി​കൂ​ടി​യ​ത്.

വി​ദേ​ശ​ത്തു​ള്ള മ​യ​ക്കു​മ​രു​ന്ന് വ്യാ​പാ​രി​യു​മാ​യി നി​ര​ന്ത​രം ബ​ന്ധം സ്ഥാ​പി​ച്ചി​രു​ന്ന പ്ര​തി യു.​എ.​ഇ​യി​ല്‍ ത​ന്നെ​യു​ള്ള മ​റ്റു​ള്ള​വ​രി​ലൂ​ടെ രാ​ജ്യ​ത്തേ​ക്ക് വ​ന്‍തോ​തി​ല്‍ മ​യ​ക്കു​മ​രു​ന്ന് വ​രു​ത്തി​ക്കു​ക​യാ​ണ് ചെ​യ്​​തി​രു​ന്ന​ത്. പ്ര​തി​ക്കെ​തി​രെ അ​റ​സ്​​റ്റ്​ വാ​റ​ൻ​റ്​ പു​റ​പ്പെ​ടു​വി​ച്ച പൊ​ലീ​സ് ഇ​യാ​ളു​ടെ കേ​ന്ദ്രം റെ​യ്​​ഡ്​ ചെ​യ്​​താ​ണ് പി​ടി​കൂ​ടി​യ​ത്. പ​രി​ശോ​ധ​ന​യി​ൽ മ​യ​ക്കു​മ​രു​ന്ന് ശേ​ഖ​രം ക​ണ്ടെ​ടു​ക്കു​ക​യും ചെ​യ്​​തു. സ​മൂ​ഹ മാ​ധ്യ​മ​ങ്ങ​ള്‍ ഉ​പ​യോ​ഗി​ച്ചാ​യി​രു​ന്നു മ​യ​ക്കു​മ​രു​ന്ന് വി​ൽ​പ​ന​ക്ക്​ ഇ​യാ​ള്‍ ഇ​ട​പാ​ടു​കാ​രെ ക​ണ്ടെ​ത്തി​യി​രു​ന്ന​തെ​ന്ന്​ ഫോ​ണ്‍ പ​രി​ശോ​ധി​ച്ച​തോ​ടെ​യാ​ണ്​ അ​ധി​കൃ​ത​ര്‍ക്ക് ബോ​ധ്യ​മാ​യത്.