ഒയാസിസ്‌ സ്കൂൾ അറബി ഭാഷ വാരാചരണം സംഘടിപ്പിച്ചു

അൽഐൻ: അറബി ഭാഷ വാരാചരണത്തി​​​െൻറ ഭാഗമായി ഒയാസിസ്‌ ഇൻറർനാഷനൽ സ്കൂൾ സംഘടിപ്പിച്ച പുസ്തക^സാംസ്കാരിക പ്രദർശനം റെഡ് ക്രെസൻറ്​ അൽഐൻ ശാഖ മാനേജർ സാലിം അൽ റഈസ് ഉദ്ഘാടനം ചെയ്​തു. ജീവകാരുണ്യ ദിനത്തി​​​െൻറ  ഭാഗമായി വിദ്യാർഥികൾ സ്വരൂപിച്ച തുക സാലിം അൽ റഈസിക്ക് സ്കൂൾ ഹെഡ് ഗേൾ സൈനബ്  കൈമാറി. സെക്രട്ടറി മുഹമ്മദ് അബ്​ദുൽ റഊഫ് സന്നിഹിതനായിരുന്നു. 

പ്രിൻസിപ്പൽ സി.കെ.എ. മനാഫ് അധ്യക്ഷത വഹിച്ചു. സ്കൂൾ എച്ച്.ആർ-അഡ്മിൻ മാനേജർ മിഥുൻ സിദ്ധാർഥ്, വൈസ് പ്രിൻസിപ്പൽമാരായ എം. അബ്​ദുൽ അസീസ്, ലളിത കെ. കറാസി എന്നിവർ സംസാരിച്ചു. വിദ്യാർഥികളുടെ കലാപരിപാടികളും സംഘടിപ്പിച്ചു. അറബി ഭാഷ വകുപ്പ്​ മേധാവി അബ്​ദുൽ ഷക്കീർ സ്വാഗതവും അമീൻ അഹ്‌സൻ  നന്ദിയും പറഞ്ഞു.