ഒൗട്ട്​ലെറ്റ്​ മാളിൽ വാഹനങ്ങൾ  കത്തിച്ച സംഭവം: പ്രതി പിടിയിൽ

ദുബൈ: കഴിഞ്ഞ ദിവസം ദുബൈ അൽ​െഎൻ റോഡിലെ ഒൗട്ട്​ലെറ്റ്​ മാൾ പാർക്കിങ്​ ഏരിയയിൽ 11വാഹനങ്ങൾ കത്തിനശിച്ച കേസിൽ ഒരാൾ പിടിയിൽ. മാളിലെ ജീവനക്കാരെ കൊണ്ടുവരുന്ന വാഹനത്തിലെ ഡ്രൈവറായി ജോലി ചെയ്യുന്നയാളാണ്​ പിടിയിലായത്​. 

 ദുബൈ പൊലീസ്​ കുറ്റാന്വേഷണ വിഭാഗം നടത്തിയ സമർഥമായ ഇടപെടലിലാണ്​ ഏഷ്യൻ വംശജനായ പ്രതി കുടുങ്ങിയത്​. ഇയാൾ രാജ്യം വിടാനുള്ള തയ്യാറെടുപ്പിലായിരുന്നു. ബർദുബൈ പൊലീസ്​ സ്​റ്റേഷൻ പരിധിയിലുള്ള ഒൗട്ട്​ലെറ്റ്​ മാളിനരികിൽ ശനിയാഴ്​ച വൈകീട്ട്​ നാലുമണിയോടെയാണ്​ തീ പിടിത്തമുണ്ടായത്​. ഉടനടി സിവിൽ ഡിഫൻസ്​ സംഘമെത്തി തീ അണക്കാൻ ശ്രമം നടത്തുകയും പ്രദേശം ദുബൈ പൊലീസി​​​​െൻറ നിയന്ത്രണത്തിലാവുകയും ചെയ്​തു.

തുടർന്ന്​ നടത്തിയ സൂക്ഷ്​മ അന്വേഷണത്തിൽ സുരക്ഷിതമായ അകലത്തിൽ കിടന്ന കാറും കത്തിനശിച്ചതായി കണ്ടെത്തിയതോടെ ആരോ മനപൂർവം തീ കത്തിച്ച്​ അപകടം സൃഷ്​ടിച്ചതാണെന്നും ഇതിനു പിന്നിൽ ക്രിമിനൽ ബുദ്ധി പ്രവർത്തിച്ചതാണെന്നും വ്യക്​തമായതായി കുറ്റാന്വേഷണ വിഭാഗം ഡയറക്​ടർ ലഫ്​.കേണൽ ആദിൽ അൽ ജോക്കർ പറഞ്ഞു. തുടരന്വേഷണത്തിൽ ആ കാറി​​​​െൻറ ഡ്രൈവറും പ്രതിയും തമ്മിൽ വാഗ്വാദമുണ്ടായെന്നും അതിനു പ്രതികാരമായി തീ വെപ്പ്​ നടത്തുകയായിരുന്നുവെന്നും കണ്ടെത്തി. തുടർന്ന്​ ഇയാളെ അറസ്​റ്റു ചെയ്യുകയായിരുന്നു. ദുബൈ പൊലീസ്​ കമാൻഡർ ഇൻ ചീഫ്​ മേജർ ജനറൽ അബ്​ദുല്ല ഖലീഫ അൽ മറി ഉദ്യോഗസ്​ഥരെ അഭിനന്ദിച്ചു.