കോടതിക്ക്​ പുറത്ത്​ ഷാർജ പൊലീസ് തീർപ്പാക്കിയത് 30 കോടിയുടെ കേസുകൾ

ഷാർജ: സമഗ്ര പൊലീസ് സ്​​േറ്റഷൻ വകുപ്പിലെ ഫിനാൻഷ്യൽ റിപ്പോർട്ടിങ് യൂനിറ്റ് വഴി, കോടതിക്ക് പുറത്ത് ഷാർജ പൊലീസ് തീർപ്പാക്കിയത് 30 കോടി ദിർഹത്തി‍െൻറ 7084 സാമ്പത്തിക കേസുകൾ. 'അൽ സുൽഖൈർ' (അനുരഞ്ജനം) എന്ന് പേരിട്ട കാമ്പയി​െൻറ പത്താം വാർഷികത്തിലാണ് ഇത്രയും കേസുകൾക്ക് അനുരഞ്ജനത്തി‍െൻറ വഴിയൊരുക്കിയത്.

കോടതികൾക്ക് പുറത്ത്​ സാമ്പത്തിക തർക്കങ്ങൾ പരിഹരിക്കുന്നതിലൂടെ വ്യക്തികളുടെയും സ്ഥാപനങ്ങളുടെയും അവകാശങ്ങൾ, സാമൂഹിക ഐക്യത്തെ പ്രോത്സാഹിപ്പിക്കുന്ന രീതിയോടെ സംരക്ഷിക്കാനും വീണ്ടെടുക്കാനും വഴിയൊരുക്കുമെന്ന് ആക്​ടിങ്​ ഡയറക്​ടർ കേണൽ അഹമ്മദ് ജാസിം അൽ സാബി പറഞ്ഞു. ജുഡീഷ്യറിയെ സമീപിക്കാതെ അവകാശങ്ങൾ വീണ്ടെടുക്കാനും സംരക്ഷിക്കാനുമുള്ള പൊലീസി​െൻറ ശ്രമങ്ങൾക്ക് കക്ഷികൾ നന്ദി പറഞ്ഞു.സമൂഹത്തി​െൻറ സുരക്ഷയും സുസ്ഥിരതയും നിലനിർത്തുന്നതിൽ പൊലീസ് വഹിക്കുന്ന പങ്കിനെ അവർ പ്രശംസിച്ചു.