സെൻറ്​ ജോർജ്  ഓർത്തഡോക്സ് ദേവാലയത്തിൽ ഒാശാന പെരുന്നാൾ ആചരിച്ചു

അബൂദബി: യേശു ക്രിസ്തുവി​െൻറ ഉയിർപ്പ്  പെരുന്നാൾ വരെ  നീണ്ടുനിൽക്കുന്ന പീഡാനുഭവ വാരത്തിന് തുടക്കം കുറിച്ച് ഒാശാന പെരുന്നാൾ അബൂദബി സ​െൻറ് ജോർജ്  ഓർത്തഡോക്സ് ദേവാലയത്തിൽ ആചരിച്ചു. യേശു ക്രിസ്തു കഴുതപ്പുറത്തേറി ജറുസലേമിലേക്ക് നടത്തിയ രാജകീയ യാത്രയുടെ ഓര്‍മ പുതുക്കലാണ് ഒാശാന പെരുനാൾ. യേശുവിനെ ഒലിവിലകളും കുരുത്തോലകളും വീശി ജനങ്ങൾ എതിരേറ്റതി​െൻറ ഓർമ പുതുക്കി നൂറുകണക്കിന് വിശ്വാസികൾ കുരുത്തോല പിടിച്ചും പൂക്കൾ  വിതറിയും  പള്ളിയെ പ്രദിക്ഷിണം ചെയ്തു.

ദേവാലയത്തിൽനിന്ന് വാഴ്ത്തി നൽകുന്ന കുരുത്തോലകൾ വീടുകളിൽ സൂക്ഷിക്കാൻ വിശ്വാസികൾ കൊണ്ടുപോയി.  ഒാശാന ശുശ്രൂഷകൾക്ക് ഇടവക  വികാരി ഫാ. എം.സി. മത്തായി  മാറാഞ്ചേരിൽ മുഖ്യ കാർമികത്വം വഹിച്ചു. സഹ. വികാരി ഫാ ഷാജൻ വർഗീസ്‌ സഹകാർമികനായി. കത്തീഡ്രൽ ട്രസ്റ്റി സ്റ്റീഫൻ മല്ലേൽ, സെക്രട്ടറി സന്തോഷ് പവിത്രമംഗലം, മാനേജിങ് കമ്മറ്റി അംഗങ്ങൾ എന്നിവരുടെ  നേതൃത്വത്തിലാണ് ക്രമീകണങ്ങൾ നടന്നത്.