ബറാക ആണവോർജ നിലയത്തി​െൻറ പ്രവർത്തനം; എമിറേറ്റ്‌സ് പോസ്​റ്റ് സ്മാരക സ്​റ്റാമ്പ് പുറത്തിറക്കി

അബൂദബി: പശ്ചിമ അബൂദബിയിലെ ബറാക ആണവോർജ പ്ലാൻറ് പ്രവർത്തനം ആരംഭിച്ചതി​െൻറ സ്മരണക്കായി എമിറേറ്റ്‌സ് ന്യൂക്ലിയർ എനർജി കോർപറേഷ​െൻറ സഹകരണത്തോടെ എമിറേറ്റ്‌സ് പോസ്​റ്റ് സ്മാരക സ്​റ്റാമ്പ് പുറത്തിറക്കി. ബറാക ന്യൂക്ലിയർ പവർ പ്ലാൻറുകളുടെ ഗ്രാഫിക് ഡിസൈൻ ഉൾക്കൊള്ളുന്നതാണ് സ്മാരക സ്​റ്റാമ്പ്. എമിറേറ്റ്‌സ് പോസ്​റ്റ് 25,000 സ്മാരക സ്​റ്റാമ്പുകൾ, 1000 എൻവലപ്പുകൾ, 1000 പോസ്​റ്റ് കാർഡുകൾ എന്നിവ വിതരണം ചെയ്യും. ഇന്നലെ മുതൽ എമിറേറ്റ്‌സ് പോസ്​റ്റ്, എമിറേറ്റ്‌സ് പോസ്​റ്റ് ഓൺലൈൻ സ്​റ്റോറുകളിലും പ്രധാന കസ്​റ്റമർ ഹാപ്പിനസ് സെൻററുകളിലും സ്​റ്റാമ്പുകൾ വിൽപനക്ക് ലഭ്യമാണെന്നും അറിയിപ്പിൽ പറയുന്നു.