അബൂദബിയിലെ പൊതുയിടങ്ങളിൽ 20 മുതൽ വാക്‌സിനേഷൻ സ്വീകരിച്ചവർ മാത്രം

അ​ബൂ​ദ​ബി: ഈ ​മാ​സം 20 മു​ത​ൽ കോ​വി​ഡ് പ്ര​തി​രോ​ധ കു​ത്തി​വെ​പ്പ് സ്വീ​ക​രി​ച്ച​വ​ർ​ക്കു മാ​ത്രം അ​ബൂ​ദ​ബി​യി​ലെ പൊ​തു​സ്ഥ​ല​ങ്ങ​ളി​ൽ പ്ര​വേ​ശ​നം. ഇ​തു​സം​ബ​ന്ധി​ച്ച് അ​ബൂ​ദ​ബി അ​ടി​യ​ന്ത​ര ദു​ര​ന്ത​നി​വാ​ര​ണ സ​മി​തി എ​മി​റേ​റ്റി​ലെ താ​മ​സ​ക്കാ​ർ​ക്ക് അ​റി​യി​പ്പ്​ ന​ൽ​കി. കോ​വി​ഡ് പ​ക​ർ​ച്ച​വ്യാ​ധി ചെ​റു​ക്കാ​നും പൊ​തു​ജ​നാ​രോ​ഗ്യം സം​ര​ക്ഷി​ക്കാ​നു​മു​ള്ള പ്ര​തി​രോ​ധ മു​ൻ​ക​രു​ത​ൽ ന​ട​പ​ടി​ക​ളു​ടെ ഭാ​ഗ​മാ​യാ​ണ് തീ​രു​മാ​നം.

അ​ബൂ​ദ​ബി​യി​ൽ മു​ൻ​ഗ​ണ​ന വി​ഭാ​ഗ​ത്തി​ലെ 93 ശ​ത​മാ​ന​ത്തി​ല​ധി​കം പേ​രും വാ​ക്‌​സി​നേ​ഷ​ൻ പൂ​ർ​ത്തി​യാ​ക്കി​യ​ശേ​ഷ​മാ​ണ് ക​ർ​ശ​ന നി​യ​ന്ത്ര​ണം ന​ട​പ്പി​ൽ​വ​രു​ന്ന​ത്. എ​മി​റേ​റ്റി​ൽ സു​ര​ക്ഷ വ​ർ​ധി​പ്പി​ക്കാ​നും സ​മൂ​ഹ​ത്തി​ലെ അം​ഗ​ങ്ങ​ൾ​ക്ക് മെ​ച്ച​പ്പെ​ട്ട സം​ര​ക്ഷ​ണം ഉ​റ​പ്പാ​ക്കാ​നും ഈ ​ന​ട​പ​ടി സ​ഹാ​യി​ക്കു​മെ​ന്നും ക​മ്മി​റ്റി വ്യ​ക്ത​മാ​ക്കു​ന്നു.

വാ​ക്‌​സി​നേ​ഷ​ൻ സം​ബ​ന്ധി​ച്ച അ​പ്‌​ഡേ​റ്റു​ക​ൾ അ​ൽ​ഹു​സ്​​ൻ ആ​പ്പി​ൽ ല​ഭി​ക്കും. വാ​ണി​ജ്യ​കേ​ന്ദ്ര​ങ്ങ​ൾ, റ​സ്​​റ്റാ​റ​ൻ​റു​ക​ൾ, ക​ഫേ​ക​ൾ, സ്​​പാ​ക​ൾ, റീ​ട്ടെ​യി​ൽ ഔ​ട്ട്‌​ലെ​റ്റു​ക​ൾ എ​ന്നി​വ​യി​ൽ പ്ര​വേ​ശി​ക്കാ​ൻ വാ​ക്​​സി​നേ​ഷ​ൻ ആ​വ​ശ്യ​മാ​കും. സൂ​പ്പ​ർ​മാ​ർ​ക്ക​റ്റു​ക​ൾ, ഫാ​ർ​മ​സി​ക​ൾ എ​ന്നി​വ​ക്കാ​ണ്​ ആ​ദ്യ​ഘ​ട്ട നി​യ​ന്ത്ര​ണ​ത്തി​ൽ ഒ​ഴി​വു​ള്ള​ത്. ജിം​നേ​ഷ്യം, വി​നോ​ദ​സൗ​ക​ര്യ​ങ്ങ​ൾ, കാ​യി​ക പ്ര​വ​ർ​ത്ത​ന​കേ​ന്ദ്ര​ങ്ങ​ൾ, ആ​രോ​ഗ്യ ക്ല​ബു​ക​ൾ, റി​സോ​ർ​ട്ടു​ക​ൾ, മ്യൂ​സി​യ​ങ്ങ​ൾ, സാം​സ്‌​കാ​രി​ക കേ​ന്ദ്ര​ങ്ങ​ൾ, തീം ​പാ​ർ​ക്കു​ക​ൾ, യൂ​നി​വേ​ഴ്‌​സി​റ്റി​ക​ൾ, സ്ഥാ​പ​ന​ങ്ങ​ൾ, പൊ​തു-​സ്വ​കാ​ര്യ സ്‌​കൂ​ളു​ക​ൾ, കു​ട്ടി​ക​ളു​ടെ ന​ഴ്‌​സ​റി​ക​ൾ എ​ന്നി​വ​യി​ലും പ്ര​വേ​ശ​നം കു​ത്തി​വെ​പ്പെ​ടു​ത്ത​വ​ർ​ക്കു​ മാ​ത്ര​മാ​കും.

അ​ൽ​ഹു​സ്ൻ ആ​പ്പി​ൽ ര​ജി​സ്​​റ്റ​ർ ചെ​യ്​​ത വാ​ക്‌​സി​നേ​ഷ​ൻ ഇ​ള​വു​ക​ളു​ള്ള വ്യ​ക്തി​ക​ൾ​ക്കും 16 വ​യ​സ്സി​ൽ താ​ഴെ​യു​ള്ള കു​ട്ടി​ക​ൾ​ക്കും ഈ ​തീ​രു​മാ​നം ബാ​ധ​ക​മ​ല്ലെ​ന്നും സ​മി​തി വ്യ​ക്ത​മാ​ക്കി.