ഒാൺലൈൻ ഷോപ്പിങ്​ ഡിജിറ്റൽ പ്രൊട്ടക്​ഷൻ  പദ്ധതിയിലെ സൈറ്റുകൾ വഴിയാക്കാൻ ആഹ്വാനം 

ദുബൈ:  ഡിജിറ്റൽ പ്രൊട്ടക്​ഷൻ പദ്ധതിയിൽ രജിസ്​റ്റർ ചെയ്​ത വെബ്​സൈറ്റുകൾ മുഖേന ഒാൺലൈൻ  ഷോപ്പിങ്​ നടത്തണമെന്ന്​ ദുബൈ സാമ്പത്തിക വകുപ്പി​​െൻറ നിർദേശം. ഉപഭോക്​താക്കളുടെ അവകാശങ്ങൾ സംരക്ഷിക്കപ്പെടുന്നുവെന്ന്​ ഉറപ്പുവരുത്താനാണിത്​. 44 വെബ്​സൈറ്റുകൾ ഇതിനകം പദ്ധതിയിൽ രജിസ്​റ്റർ ചെയ്​തിട്ടുണ്ട്​. ദ​ുബൈ ഇക്കണോമിയുടെ ഉപഭോക്​തൃ സംരക്ഷണ ലോഗോ ഇവയിൽ കാണാം. രജിസ്​റ്റർ ചെയ്​ത വെബ്​സൈറ്റുകളിലെ ജീവനക്കാർ ഉപഭോക്​തൃ അവകാശ സംരക്ഷണ നിയമങ്ങൾ സംബന്ധിച്ച്​ പരിശീലനം ലഭിച്ചവരാണെന്നും ഉറപ്പാക്കാം.  വിൽപനയിലും വാങ്ങലിലും സുതാര്യതയും അതുവഴി ഉപഭോക്​താക്കളിൽ ആത്​മവിശ്വാസവും വർധിപ്പിക്കാൻ ഇതു കൊണ്ട്​ കഴിയും. 

http://consumerrights.ae/en/Pages/Partners.aspx എന്ന ലിങ്ക്​ മുഖേന ഡിജിറ്റൽ പ്രൊട്ടക്​ഷൻ പദ്ധതിയിലുള്ള വെബ്​സൈറ്റുകളുടെ വിവരം ലഭിക്കും.
എല്ലാ മേഖലയിലുമുള്ള ഉപഭോക്​താക്കളുടെയും അവകാശങ്ങൾ സംരക്ഷിക്കുന്നതിനും അവകാശങ്ങളെയും കടമകളെയും കുറിച്ച്​ ബോധവത്​കരിക്കുന്നതിനും പദ്ധതി ലക്ഷമിടുന്നതായി സി.സി.പി.സി സീനിയർ മാനേജർ അഹ്​മദ്​ അൽ മുഹൈറി പറഞ്ഞു. ഉൽപന്നങ്ങൾ വാങ്ങു​േമ്പാഴോ അതിനു ശേഷമോ നേരിടുന്ന പ്രശ്​നങ്ങൾ റിപ്പോർട്ട്​ ചെയ്യൽ അവരുടെ ബാധ്യതയാണ്​.  ഒാൺലൈനിൽ വാങ്ങിയ ഉൽപന്നങ്ങൾ സംബന്ധിച്ച പരാതികൾ  600 54 5555 എന്ന അഹ്​ലൻ ദുബൈ നമ്പർ മുഖേന റിപ്പോർട്ട്​ ചെയ്യാം.