എ​മി​റേ​റ്റ്‌​സ് ഐ.​ഡി വി​വ​ര​ങ്ങൾ ഇനി ഓ​ണ്‍ലൈ​നായി തിരുത്താം

അ​ബൂ​ദ​ബി: എ​മി​റേ​റ്റ്‌​സ് ഐ.​ഡി​യി​ലെ വ്യ​ക്തി​വി​വ​ര​ങ്ങ​ളി​ലെ മാ​റ്റ​ങ്ങ​ള്‍ ഓ​ണ്‍ലൈ​നാ​യി വ​രു​ത്താ​ന്‍ സൗ​ക​ര്യ​വു​മാ​യി ഫെ​ഡ​റ​ല്‍, സി​റ്റി​സ​ന്‍ഷി​പ് അ​തോ​റി​റ്റി. അ​തോ​റി​റ്റി​യു​ടെ വെ​ബ്‌​സൈ​റ്റ്, സ്മാ​ര്‍ട്ട് ആ​പ്ലി​ക്കേ​ഷ​ന്‍ തു​ട​ങ്ങി​യ​വ ഉ​പ​യോ​ഗ​പ്പെ​ടു​ത്തി താ​മ​സ​വി​വ​ര​ങ്ങ​ൾ മാ​റ്റി​ന​ല്‍കാം. വ്യ​ക്തി​വി​വ​ര​ങ്ങ​ളി​ലെ തെ​റ്റു​ക​ള്‍ തി​രു​ത്തു​ന്ന​തി​നും പ്ര​ഫ​ഷ​ന​ല്‍ മാ​റ്റ​ങ്ങ​ള്‍ ചേ​ര്‍ക്കു​ന്ന​തി​നും പാ​സ്‌​പോ​ര്‍ട്ട് വി​വ​ര​ങ്ങ​ളി​ലെ മാ​റ്റ​ങ്ങ​ള്‍ക്കും പു​തി​യ പൗ​ര​ത്വം ല​ഭി​ച്ചാ​ല്‍ അ​ക്കാ​ര്യം ചേ​ര്‍ക്കു​ന്ന​തി​നും ഓ​ണ്‍ലൈ​ന്‍ സേ​വ​നം ഉ​പ​യോ​ഗ​പ്പെ​ടു​ത്താം. ഔ​ദ്യോ​ഗി​ക കേ​ന്ദ്ര​ങ്ങ​ളെ ഉ​ദ്ധ​രി​ച്ച്​ പ്രാ​ദേ​ശി​ക മാ​ധ്യ​മ​ങ്ങ​ളാ​ണ്​ ഇ​ക്കാ​ര്യം റി​പ്പോ​ർ​ട്ട് ചെ​യ്തി​രി​ക്കു​ന്ന​ത്. വി​വ​ര​ങ്ങ​ളി​ൽ മാ​റ്റം വ​രു​ത്തു​ന്ന​തി​നാ​യി പ്ര​ത്യേ​ക സ​ര്‍വി​സ് ഫീ​സ് ഇ​ടാ​ക്കും.

ക​സ്റ്റ​മ​ര്‍ ഹാ​പി​ന​സ് സെ​ന്‍റ​റു​ക​ള്‍ മു​ഖേ​ന​യും അ​തോ​റി​റ്റി​യു​ടെ അം​ഗീ​കാ​ര​മു​ള്ള ടൈ​പ്പി​ങ് ഓ​ഫി​സു​ക​ള്‍ മു​ഖേ​ന​യും സേ​വ​നം പ്ര​യോ​ജ​ന​പ്പെ​ടു​ത്താം. ക​ള​ര്‍ഫോ​ട്ടോ, പാ​സ്‌​പോ​ര്‍ട്ടി​ന്‍റെ പ​ക​ര്‍പ്പ്, സ്‌​പോ​ണ്‍സ​റു​ടെ ഒ​പ്പോ​ടു​കൂ​ടി​യ അ​പേ​ക്ഷ, എ​മി​റേ​റ്റ്‌​സ് ഐ.​ഡി കാ​ര്‍ഡി​ന്‍റെ ഇ​രു​വ​ശ​ങ്ങ​ളു​ടെ​യും പ​ക​ര്‍പ്പ് എ​ന്നി​വ​യാ​ണ് മാ​റ്റം വ​രു​ത്തു​ന്ന​തി​നു​ള്ള അ​പേ​ക്ഷ സ​മ​ര്‍പ്പി​ക്കാ​ന്‍ ആ​വ​ശ്യ​മാ​യു​ള്ള രേ​ഖ​ക​ള്‍.

200 ദി​ര്‍ഹ​മാ​ണ് അ​പേ​ക്ഷാ​ഫീ​സ്. സ്മാ​ര്‍ട്ട് സ​ര്‍വി​സി​നു​ള്ള ഫീ​സാ​യ 100 ദി​ര്‍ഹ​വും ഇ-​സ​ര്‍വി​സി​നു​ള്ള 50 ദി​ര്‍ഹ​വും ഫെ​ഡ​റ​ല്‍ അ​തോ​റി​റ്റി​യു​ടെ ഫീ​സാ​യ 50 ദി​ര്‍ഹ​വും ഉ​ള്‍പ്പെ​ടെ​യാ​ണ് ഈ ​തു​ക. ആ​വ​ശ്യ​മാ​യ രേ​ഖ​ക​ള്‍ സ​മ​ര്‍പ്പി​ച്ചി​ട്ടി​ല്ലെ​ങ്കി​ല്‍ അ​പേ​ക്ഷ നി​ര​സി​ക്ക​പ്പെ​ടും.

ഒ​രേ​കാ​ര​ണം​കൊ​ണ്ട് അ​പേ​ക്ഷ മൂ​ന്നു ത​വ​ണ നി​ര​സി​ച്ചി​ട്ടു​ണ്ടെ​ങ്കി​ലും അ​പേ​ക്ഷ വീ​ണ്ടും ത​ള്ള​പ്പെ​ടും. അ​പേ​ക്ഷ നി​ര​സി​ക്ക​പ്പെ​ട്ടാ​ല്‍ ഇ​ഷ്യൂ ഫീ​സ് മാ​ത്ര​മേ റീ​ഫ​ണ്ട് ചെ​യ്യു​ക​യു​ള്ളൂ. അ​പേ​ക്ഷ സ​മ​ര്‍പ്പി​ച്ച് ആ​റു​മാ​സ​ത്തി​നു​ള്ളി​ല്‍ ക്രെ​ഡി​റ്റ് കാ​ര്‍ഡ് മു​ഖേ​ന​യോ അ​ല്ലെ​ങ്കി​ല്‍ അ​ഞ്ചു​വ​ര്‍ഷ കാ​ലാ​വ​ധി​ക്കു​ള്ളി​ലാ​യി രാ​ജ്യ​ത്തെ ബാ​ങ്ക് ട്രാ​ന്‍സ്ഫ​ര്‍ മു​ഖേ​ന​യോ ചെ​ക്ക് മു​ഖേ​ന​യോ ആ​യി​രി​ക്കും ഇ​ഷ്യൂ ഫീ​സ് റീ​ഫ​ണ്ട് ചെ​യ്യു​ക​യെ​ന്ന് അ​ധി​കൃ​ത​ര്‍ അ​റി​യി​ച്ചു.

മു​ന്‍കൂ​ട്ടി അ​റി​യി​ക്കാ​തെ ഈ ​നി​യ​മം മാ​റ്റം വ​രു​ത്താ​വു​ന്ന​താ​ണെ​ന്നും അ​തോ​റി​റ്റി വ്യ​ക്ത​മാ​ക്കി.