തടവുകാരുടെ മോചനത്തിന് സ്വദേശിയുടെ ഒരുലക്ഷം ദിർഹം സംഭാവന

അജ്മാന്‍: തടവുകാരുടെ മോചനത്തിന് ഒരു ലക്ഷം ദിർഹം സംഭാവന ചെയ്ത് സ്വദേശി. തടവ് കാലാവധി കഴിഞ്ഞവര്‍ക്ക് അവരുടെ നാട്ടിലേക്ക് തിരിക്കാനുള്ള ടിക്കറ്റ് ഒരുക്കാനായാണ് യൂസഫ് സുൽത്താൻ അൽ അജ്മാനി എന്ന സ്വദേശി സംഭാവനയുമായി അജ്മാന്‍ പൊലീസിനെ സമീപിച്ചത്.

അജ്മാൻ ​െപാലീസ് മേധാവി മേജർ ജനറൽ ശൈഖ് സുൽത്താൻ ബിൻ അബ്​ദുല്ല അൽ നുഐമി, യൂസഫ് സുൽത്താൻ അൽ അജ്മാനിയുടെ പക്കൽനിന്ന് 100,000 ദിർഹമിനുള്ള ചെക്ക് സ്വീകരിച്ചു. യു.എ.ഇയുടെ 49ാമത് ദേശീയ ദിനത്തോടനുബന്ധിച്ചാണ് യൂസഫ് സുൽത്താൻ അൽ അജ്മാനി സംഭാവന നല്‍കിയത്. തടവുകാര്‍ക്ക് രാജ്യം വിട്ട് അവരുടെ രാജ്യങ്ങളിലേക്ക് മടങ്ങാൻ സൗകര്യമൊരുക്കുക എന്ന ലക്ഷ്യത്തോടെയാണ് ഇദ്ദേഹം ഈ മാനുഷിക സംരംഭത്തിന് മുന്നിട്ടിറങ്ങിയത്.