ഷാർജയിൽ യാത്രയിൽ ട്രക്കി​െൻറ ടയർ പൊട്ടി അപകടം; ഒരു മരണം

ഷാർജ: ഷാർജയുടെ കാർഷിക ഉപനഗരമായ അൽ ദൈദ് –ഷാർജ റോഡിൽ ട്രക്കി​െൻറ ടയർ പൊട്ടിയതിനെ തുടർന്നുണ്ടായ അപകടത്തിൽ ഒരാൾ മരിച്ചു, രണ്ടുപേർക്ക് പരിക്കേറ്റു. വ്യാഴാഴ്ച ഉച്ചക്ക് 1.20നായിരുന്നു സംഭവം.

ടയർ പൊട്ടിയതിനെ തുടർന്ന് നിയന്ത്രണം നഷ്​ടപ്പെട്ട ട്രക്ക് റോഡി​െൻറ എതിർവശത്തേക്ക് മറിയുകയായിരുന്നു.

രണ്ട് പിക്കപ്പുകളും ഇതേതുടർന്ന് അപകടത്തിൽപ്പെട്ടു. എല്ലാ ഡ്രൈവർമാരും അവരുടെ വാഹനങ്ങളുടെ ടയറുകളിൽ നിരന്തരം പരിശോധന നടത്തണമെന്നും ഇത്തരം ദാരുണമായ അപകടങ്ങൾ ഉണ്ടാകാതിരിക്കാനായി വാഹനമോടിക്കുമ്പോൾ ജാഗ്രത പാലിക്കണമെന്നും പൊലീസ് പറഞ്ഞു.