ഓണാഘോഷം: 25 നഴ്​സുമാരെ ആദരിക്കും

അബൂദബി: കഴിഞ്ഞ 15 വർഷമായി അബൂദബിയി പ്രവർത്തിക്കുന്ന ദർശന കല സാംസ്കാരിക വേദിയുടെ ഓണം ആഘോഷം സെപ്റ്റംബർ 24നു രാവിലെ ഒമ്പതു മുതൽ അബൂദബി മലയാളി സമാജം അങ്കണത്തിൽ വെച്ചു നടത്തുമെന്ന്​ ഭാരവാഹികൾ അറിയിച്ചു.

തിരുവാതിര, ഓണപാട്ടുകൾ, മാവേലി മന്നൻ, ഓണം സദ്യ, ചെണ്ട മേളം തുടങ്ങിയ വിവിധ പരിപാടികൾ ആഘോഷങ്ങളുടെ ഭാഗമായി നടത്തും. പുതിയ കമ്മിറ്റിയുടെ പ്രവർത്തന ഉദ്​ഘാടനവും ചടങ്ങിൽ നടക്കും. കഴിഞ്ഞ 10 വർഷം ആയി ആതുര രംഗത്തു സേവനം അനുഷ്​ഠിക്കുന്ന നഴ്​സുമാരെ ആദരിക്കും. ആദ്യം തിരഞ്ഞെടുക്കുന്ന 25 നേഴ്സ് മാർക്കാണ് ആദരം. നഴ്​സുമാരെ നാമനിർദേശം ചെയ്യാൻ പൊതു ജനങ്ങൾക്കും അവസരമുണ്ട്​. താൽപര്യമുള്ളവർക്ക്​ നഴ്​സുമാരുടെ വിവരങ്ങൾ darshanasvabudhabi@gmail.com ൽ മെയിൽ ചെയ്യുകയോ 971 55 617 9238, +971 50 268 8458 +971 50 596 4907 നമ്പറുകളിൽ വിളിച്ചറിയിക്കുകയോ ചെയ്യാം.