യു.എ.ഇയിൽ അടുത്ത മാസവും ഇന്ധന വില വർധിക്കും

ദുബൈ: അടുത്ത മാസം മുതൽ ഇന്ധനവില വർധിപ്പിക്കാൻ യു.എ.ഇ. ഉൗർജ മന്ത്രാലയം തീരുമാനിച്ചു. പെട്രോളിനും ഡീസലിനും വിലകൂടും. സൂപ്പർ 98 പെട്രോളിന്​ 2.12 ദിർഹമാകും വില. നിലവിൽ ഇത്​ 2.02 ദിർഹമാണ്​. സ്​പെഷ്യൽ 95 ​​െൻറ വില 1.90 ദിർഹത്തിൽനിന്ന്​ 2.01 ആയി. 
ഇ പ്ലസ്​ 91 ന്​ 1.83 ആയിരുന്നത്​ 1.94 ദിർഹമായി. ഡീസൽ വില രണ്ട്​ ദിർഹത്തിൽ നിന്ന്​ 2.10 ദിർഹമായി. രണ്ട്​ വർഷത്തിനിടെയുണ്ടാകുന്ന ഏറ്റവും ഉയർന്ന വിലയാണിത്​.

അന്താരാഷ്​ട്ര വിപണിയിലെ ക്രൂഡ്​ ഒായിൽ വിലയുമായി ബന്ധിപ്പിച്ചാണ്​ നിരക്ക്​ പരിഷ്​ക്കരിച്ചിരിക്കുന്നത്​. ഒപെക്കുമായുള്ള ധാരണയുടെ അടിസ്​ഥാനത്തിൽ രണ്ട്​ മാസമായി യു.എ.ഇ. തങ്ങളുടെ ക്രൂഡ്​ ഒായിൽ കയറ്റുമതിയിൽ പത്ത്​ ശതമാനത്തി​​െൻറ കുറവ്​ വരുത്തിയിരിക്കുകയാണ്​.എണ്ണ ഉൽപാദനത്തിൽ പ്രതിദിനം18 ലക്ഷം ബാരലി​​െൻറ കുറവ്​ വരുത്താൻ കഴിഞ്ഞ വർഷം ഡിസംബറിലാണ്​ ഒപെക്​ തീരുമാനിച്ചത്​. കഴിഞ്ഞ മെയിൽ ഇൗ തീരുമാനം ഒമ്പത്​ മാസത്തേക്ക്​ കൂടി നീട്ടുകയും ചെയ്​തിരുന്നു. എണ്ണവില 15 ശതമാനം വർധിക്കാൻ ഇൗ നടപടി സഹായിച്ചിട്ടുണ്ട്​. ആഗോള സാമ്പത്തിക രംഗത്തുണ്ടായിരിക്കുന്ന സ്​ഥിരമായ വളർച്ച എണ്ണയുടെ ആവശ്യം കൂട്ടിയിട്ടുമുണ്ട്​. ബാരലിന്​ 52 മുതൽ 55ഡോളർ വരെയാണ്​ നിലവിലെ വില. ഇത്​ 59വരെയായേക്കാമെന്നാണ്​ ധനകാര്യവിദഗ്​ധരുടെ കണക്കുകൂട്ടൽ.