ഡ്രോ​ൺ ഉ​പ​യോ​ഗ​ത്തി​ന്​ മാ​ർ​ഗ​നി​ർ​ദേ​ശ​ങ്ങ​ളു​മാ​യി അ​ധി​കൃ​ത​ർ

ദു​ബൈ: ഡ്രോ​ണു​ക​ൾ ഉ​പ​യോ​ഗി​ക്കു​ന്ന​ത്​ സം​ബ​ന്ധി​ച്ച്​ ആ​ദ്യ​മാ​യി ദേ​ശീ​യ മാ​ർ​ഗ​നി​ർ​ദേ​ശം പു​റ​ത്തി​റ​ക്കി യു.​എ.​ഇ സൈ​ബ​ർ സെ​ക്യൂ​രി​റ്റി കൗ​ൺ​സി​ൽ.

കൃ​ഷി, പ​രി​സ്ഥി​തി നി​രീ​ക്ഷ​ണം, ലോ​ജി​സ്റ്റി​ക്സ് തു​ട​ങ്ങി​യ വി​വി​ധ മേ​ഖ​ല​ക​ളി​ൽ ഡ്രോ​ണു​ക​ളു​ടെ ഉ​പ​യോ​ഗം വ​ർ​ധി​ച്ചു​വ​രു​ന്ന സാ​ഹ​ച​ര്യ​ത്തി​ലാ​ണ്​ കൗ​ൺ​സി​ലി​ന്‍റെ ന​ട​പ​ടി. രാ​ജ്യ​ത്തി​ന്‍റെ വ്യോ​മാ​തി​ർ​ത്തി, അ​ടി​സ്ഥാ​ന​സൗ​ക​ര്യ​ങ്ങ​ൾ, ഡേ​റ്റ​ക​ൾ എ​ന്നി​വ​യെ സൈ​ബ​ർ ഭീ​ഷ​ണി​ക​ളി​ൽ നി​ന്ന്​ സം​ര​ക്ഷി​ക്കാ​നു​ള്ള മു​ൻ​കൂ​ർ ന​ട​പ​ടി​കൂ​ടി​യാ​ണി​ത്.

സൈ​ബ​ർ സു​ര​ക്ഷ കൗ​ൺ​സി​ലും സൈ​ബ​ർ സു​ര​ക്ഷ, ഡി​ജി​റ്റ​ൽ പ​രി​വ​ർ​ത്ത​ന മേ​ഖ​ല​യി​ൽ പ്ര​വ​ർ​ത്തി​ക്കു​ന്ന റീ​ച്ച് ഗ്രൂ​പ്പി​ന്റെ ഭാ​ഗ​മാ​യ ഡി​ജി​റ്റ​ൽ റീ​ച്ചും ത​മ്മി​ലു​ള്ള ത​ന്ത്ര​പ​ര​മാ​യ സ​ഹ​ക​ര​ണ​ത്തി​ന്റെ ഭാ​ഗ​മാ​ണ് മാ​ർ​ഗ​നി​ർ​ദേ​ശ​ങ്ങ​ൾ രൂ​പ​പ്പെ​ടു​ത്തി​യ​ത്.

ഡി​ജി​റ്റ​ൽ മേ​ഖ​ല സം​ര​ക്ഷി​ക്കു​ന്ന​തി​നു​ള്ള രാ​ജ്യ​ത്തി​ന്റെ സ​മീ​പ​ന​ത്തെ പ്ര​തി​ഫ​ലി​പ്പി​ക്കു​ന്ന​താ​ണ്​​ ദേ​ശീ​യ മാ​ർ​ഗ​നി​ർ​ദേ​ശ​ങ്ങ​ളെ​ന്ന്​ സൈ​ബ​ർ സു​ര​ക്ഷ കൗ​ൺ​സി​ൽ ചെ​യ​ർ​മാ​ൻ ഡോ. ​മു​ഹ​മ്മ​ദ് അ​ൽ കു​വൈ​ത്തി പ​റ​ഞ്ഞു. യു.​എ.​ഇ​യു​ടെ ഡി​ജി​റ്റ​ൽ, സൈ​ബ​ർ അ​ടി​സ്ഥാ​ന സൗ​ക​ര്യ​ങ്ങ​ൾ ശ​ക്തി​പ്പെ​ടു​ത്തു​ന്ന​തി​ന് റീ​ച്ച് ഗ്രൂ​പ് പ്ര​തി​ജ്ഞ​ബ​ദ്ധ​മാ​ണെ​ന്ന് റീ​ച്ച് ഗ്രൂ​പ് സി.​ഇ.​ഒ മാ​ലി​ക് മി​ൽ​ഹാം പ​റ​ഞ്ഞു.

ഡ്രോ​ണു​ക​ളു​ടെ മേ​ഖ​ല സു​ര​ക്ഷി​ത​മാ​ക്കാ​ൻ ഈ ​സം​രം​ഭം പി​ന്തു​ണ​ക്കു​മെ​ന്നും ദേ​ശീ​യ വ്യോ​മാ​തി​ർ​ത്തി​ക്കും അ​ടി​സ്ഥാ​ന സൗ​ക​ര്യ​ങ്ങ​ൾ​ക്കും ഭീ​ഷ​ണി​യാ​യി വ​ള​രു​ന്ന സൈ​ബ​ർ അ​പ​ക​ട​സാ​ധ്യ​ത​ക​ളെ അ​ഭി​സം​ബോ​ധ​ന ചെ​യ്യു​മെ​ന്നും റീ​ച്ച് ഗ്രൂ​പ്പി​ലെ ഗ്രോ​ത്ത് ആ​ൻ​ഡ് കോ​ർ​പ​റേ​റ്റ് ട്രാ​ൻ​സ്‌​ഫോ​ർ​മേ​ഷ​ൻ വൈ​സ് പ്ര​സി​ഡ​ന്റ് മു​ഹ​മ്മ​ദ് ഖാ​ലി​ദ് പ​റ​ഞ്ഞു.

വ്യ​ക്തി​ക​ൾ​ക്ക് ഡ്രോ​ണു​ക​ൾ പ​റ​ത്തു​ന്ന​തി​നു​ള്ള വി​ല​ക്ക് ഭാ​ഗി​ക​മാ​യി നീ​ക്കി​യ​താ​യി ജ​നു​വ​രി​യി​ൽ യു.​എ.​ഇ ആ​ഭ്യ​ന്ത​ര മ​ന്ത്രാ​ല​യം അ​റി​യി​ച്ചി​രു​ന്നു.

ദേ​ശീ​യ അ​ടി​യ​ന്ത​ര ദു​ര​ന്ത നി​വാ​ര​ണ അ​തോ​റി​റ്റി, ജ​ന​റ​ൽ സി​വി​ൽ ഏ​വി​യേ​ഷ​ൻ അ​തോ​റി​റ്റി എ​ന്നി​വ​ക്കൊ​പ്പം ഉ​ട​ൻ പ്രാ​ബ​ല്യ​ത്തി​ൽ വ​രു​ന്ന രീ​തി​യി​ലാ​ണ്​ മ​ന്ത്രാ​ല​യം വി​ല​ക്ക്​ നീ​ക്കി​യ​ത്. എ​ന്നാ​ൽ, ഡ്രോ​ണു​ക​ളു​ടെ ഉ​പ​യോ​ഗം സ​മൂ​ഹ​ത്തെ​യും വ്യോ​മ​മേ​ഖ​ല​യെ​യും സം​ര​ക്ഷി​ക്കാ​ൻ ല​ക്ഷ്യ​മി​ട്ടു​ള്ള പ്ര​ത്യേ​ക സു​ര​ക്ഷ മാ​ന​ദ​ണ്ഡ​ങ്ങ​ൾ​ക്ക് അ​നു​സ​രി​ച്ചാ​യി​രി​ക്കു​മെ​ന്നും അ​ധി​കൃ​ത​ർ വ്യ​ക്ത​മാ​ക്കി​യി​രു​ന്നു.

ഡ്രോ​ണു​ക​ൾ ഉ​പ​യോ​ഗി​ക്കു​ന്ന​തി​ന്‍റെ വി​ശ​ദ​മാ​യ മാ​ർ​ഗ​നി​ർ​ദേ​ശ​ങ്ങ​ളും ആ​വ​ശ്യ​ക​ത​ക​ളും യു.​എ.​ഇ ഡ്രോ​ൺ​സ്​ ആ​പ്പി​ലൂ​ടെ​യും ഔ​ദ്യോ​ഗി​ക സ​ർ​ക്കാ​ർ വെ​ബ്സൈ​റ്റി​ലൂ​ടെ​യും ല​ഭ്യ​മാ​ക്കി​യി​രു​ന്നു. മാ​ന​ദ​ണ്ഡ​പ്ര​കാ​രം ഡ്രോ​ൺ ഉ​പ​യോ​ക്താ​ക്ക​ൾ പു​തി​യ ‘യു.​എ.​ഇ ഡ്രോ​ൺ​സ്​’ ആ​പ് വ​ഴി​യോ ഔ​ദ്യോ​ഗി​ക വെ​ബ്‌​സൈ​റ്റ് വ​ഴി​യോ ര​ജി​സ്റ്റ​ർ ചെ​യ്ത്​ അ​ക്കൗ​ണ്ട് തു​റ​ക്ക​ണം. ആ​പ്പി​ൾ, ആ​ൻ​ഡ്രോ​യ്​​ഡ്​ മൊ​ബൈ​ലു​ക​ൽ ആ​പ്​ ല​ഭ്യ​മാ​ണ്. ഈ ​ഏ​കീ​കൃ​ത ദേ​ശീ​യ ഡ്രോ​ൺ പ്ലാ​റ്റ്ഫോം യു.​എ.​ഇ​യി​ലെ ഡ്രോ​ൺ ഓ​പ​റേ​റ്റ​ർ​മാ​രു​ടെ ര​ജി​സ്ട്രേ​ഷ​നും പ്ര​വ​ർ​ത്ത​ന പ്ര​ക്രി​യ​യും കാ​ര്യ​ക്ഷ​മ​മാ​ക്കു​ന്ന​താ​ണ്.