സന്ദർശക വിസയിലെത്തിയ യുവാവ്​ ഫുജൈറയിൽ വാഹനമിടിച്ച്​ മരിച്ചു

ഫുജൈറ: സന്ദര്‍ശക വിസയില്‍ എത്തിയ മലപ്പുറം പെരിന്തൽമണ്ണ സ്വദേശി  യു.എ.ഇയിലെ ഫുജൈറയിൽ വാഹനമിടിച്ച് മരണപ്പെട്ടു. പെരിന്തല്‍മണ്ണ കൊളത്തൂര്‍ കുരുവമ്പലം സ്വദേശി മുഹമ്മദ്‌ ആഷിഖ് തോട്ടുങ്ങല്‍ (21) മരിച്ചത്​.  വെള്ളിയാഴ്ച  വൈകീട്ട്  ഫുജൈറ ഗുര്‍ഫയില്‍ വെച്ചു റോഡ്‌ മുറിച്ചു കടക്കവേ സ്വദേശിയുടെ കാറിടിച്ചാണ് അപകടം.  സൗദിയില്‍ ജോലിചെയ്യുന്ന അബ്​ദുല്‍ ഖാദര്‍ -ബല്‍കീസ് ദമ്പതികളുടെ മകനാണ്. നിയമനടപടികള്‍ പൂര്‍ത്തിയാക്കി മൃതദേഹം നാട്ടില്‍ കൊണ്ടുപോകാന്‍ കെ.എം.സി.സി യുടെ നേതൃത്വത്തില്‍ നടപടികള്‍ ആരംഭിച്ചു.