മാഹി സ്വദേശി  അജ്​മാനിൽ നിര്യാതനായി

അജ്മാന്‍ : അജ്മാന്‍ ജറഫിലെ കമര്‍ അല്‍ മദീന സൂപ്പര്‍ മാര്‍ക്കറ്റില്‍  ജോലി ചെയ്യുന്ന മാഹി സ്വദേശി പുത്തന്‍ വീട്ടില്‍ പെരിങ്ങാടി അസീസ്‌ മകന്‍  രഹനാസ് (31) ഹൃദയാഘാതം മൂലം നിര്യാതനായി. 
രാവിലെ 11 മണിക്ക്  ജോലിക്ക് പോകാൻ ഇറങ്ങു​േമ്പാൾ നെഞ്ചു വേദന അനുഭവപ്പെട്ടതിനെ തുടര്‍ന്ന്‍ ആശുപത്രിയില്‍ എത്തിച്ചെങ്കിലും മരണപ്പെടുകയായിരുന്നു. 
എട്ടു വര്‍ഷത്തോളമായി രഹനാസ് കമര്‍ അല്‍ മദീന സൂപ്പര്‍ മാര്‍ക്കറ്റില്‍  ജോലി ചെയ്യുന്നു. ഭാര്യ: റുബീന. മക്കള്‍: ആമിന , മുഹമ്മദ്‌ ആദില്‍. ആറു മാസം മാത്രം പ്രായമായ ആദിലിനെ രഹനാസ് ഇതുവരെ കണ്ടിട്ടില്ല.  മൃതദേഹം  നാട്ടിലേക്ക് കൊണ്ട് പോകും.