നാടി​ന്‍റെ വിളിയെത്തും മുൻപേ മരണത്തി​ന്‍റെ വിളിയെത്തി

ദുബൈ: സ്വന്തം പൗരൻമാരുടെ ജീവന് വിലകൽപ്പിക്കാത്ത അധികാരികളുടെ കാരുണ്യത്തിന്​ കാക്കാതെ മുഹമ്മദ്​ കുഞ്ഞിക്ക യാത്രയായി. നാട്ടിലേക്ക്​ മടങ്ങാൻ രജിസ്​റ്റർ ചെയ്​ത്​ കോൺസുലേറ്റിൽ നിന്നുള്ള വിളി കാത്തിരുന്ന കണ്ണൂർ സ്വ​േദശി മണ്ണന്തകത്ത്​ മുഹമ്മദ്​ കുഞ്ഞി (60) യെ തേടി ഇന്നലെ മരണത്തി​​​െൻറ വിളിയെത്തി. ഹൃദയാഘാതം സംഭവിക്കുന്നതിന്​ തൊട്ടു മുൻപ്​ വന്നത്​ കോൺസുലേറ്റിൽ നിന്നുള്ള കോൾ ആണെന്ന്​ ബന്ധുക്കൾ പറയുന്നു. എന്നാൽ അധികൃതരുമായി സംസാരിച്ചോ, എന്തായിരുന്നു സംഭാഷണത്തി​ന്‍റെ ഉള്ളടക്കം എന്നിവ വ്യക്​തമല്ല.

ഷാർജ ഫ്രീസോണിൽ ജോലി ചെയ്​തിരുന്ന മുഹമ്മദ്​ കുഞ്ഞിയുടെ ജോലി നഷ്​ടപ്പെട്ടിരുന്നു. പ്രമേഹ രോഗിയായ ഇദ്ദേഹം ഏറ്റവും പെ​െട്ടന്ന്​ നാടണയുവാനായി വിമാന സർവീസ്​ ആരംഭിക്കുന്നതും കാത്തിരുന്നെങ്കിലും യു.എ.ഇയിൽ നിന്ന്​ അനർഹരായവരെ ഉൾപ്പെടെ കുത്തിത്തിരുകി പറന്ന ആദ്യ വിമാനങ്ങളിലൊന്നും ഇടം കിട്ടിയില്ല. ഒടുവിൽ 12ന്​ ദുബൈയിൽ നിന്ന്​ സ്വന്തം നാടായ കണ്ണൂരിലേക്ക്​ പോകുന്ന വിമാനത്തിൽ സീറ്റ്​ ലഭിക്കും എന്ന പ്രതീക്ഷയിലായിരുന്നു അവസാന നിമിഷം വരെ. എന്നാൽ കണ്ണൂർ വിമാനത്തിലും സീറ്റ്​ ലഭിച്ചില്ല എന്നാണ്​ ലഭിക്കുന്ന സൂചന.

കണ്ണൂർ വിമാനത്താവളത്തിൽ മൃതദേഹങ്ങൾ ഇറക്കാൻ അനുമതി ഇല്ലാത്തതിനാൽ ഇദ്ദേഹത്തി​​​െൻറ ചേതനയറ്റ ശരീരം പോലും ഇൗ വിമാനത്തിൽ നാട്ടിലെത്തിക്കാനാവില്ല​. 

ഫ്രീസോൺ തൊഴിലാളികളെ ബോധവത്​കരിക്കുന്നതിനും അവർക്കിടയിൽ കലാ സാംസ്​കാരിക പരിപാടികൾ സംഘടിപ്പിക്കുന്നതിലും സജീവമായിരുന്ന കുഞ്ഞി പ്രവാസഭൂമിയിലും നാട്ടിലും നിരവധി ജീവകാരുണ്യ കൂട്ടായ്​മകൾക്കും പിന്തുണ നൽകിയിരുന്നു.

കണ്ണൂർ പ്രവാസികളുടെ കൂട്ടായ്​മയായ വേക്കി​ന്‍റെ ആദ്യ കാല പ്രവർത്തകനുമാണ്​. 
ഭാര്യ: സക്കീന. മക്കൾ: സബീൽ,  ഷജീല, സാജിദ്​, ഷാഹിദ്​. മരുമക്കൾ: ഷാനിബ, മുഹമ്മദ്​ റാഷിദ്​.