വാട്ടർ ടാക്​സി ടിക്കറ്റിൽ​​ മ്യൂസിയവും കാണാം; പു​തി​യ ഓ​ഫ​ർ പ്ര​ഖ്യാ​പി​ച്ച്​ ആ​ർ.​ടി.​എ

ദു​ബൈ: ഫെ​റി ഉ​ൾ​പ്പെ​ടെ വാ​ട്ട​ർ ടാ​ക്​​സി യാ​ത്ര​ക്കാ​ർക്ക് ദു​ബൈ അ​ൽ​ശി​ന്ദ​ഗ മ്യൂ​സി​യം സൗ​ജ​ന്യ​മാ​യി സ​ന്ദ​ർ​ശി​ക്കാ​ൻ അ​വ​സ​രം. ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ) ശ​നി​യാ​ഴ്ച​യാ​ണ്​ ജ​ല ഗ​താ​ഗ​ത യാ​ത്ര​ക്കാ​ർ​ക്ക്​ പു​തി​യ ഓ​ഫ​ർ പ്ര​ഖ്യാ​പി​ച്ച​ത്. അ​ൽ​ശി​ന്ദ​ഗ മ്യൂ​സി​യം കാ​ണാ​ൻ പോ​കു​ന്ന​വ​ർ​ക്ക്​ മ​റൈ​ൻ ട്രാ​ൻ​സ്​​പോ​ർ​ട്ട്​ ടി​ക്ക​റ്റ്​ കാ​ണി​ച്ചാ​ൽ ര​ണ്ടാ​മ​തൊ​രു ടി​ക്ക​റ്റ്​ കൂ​ടി ല​ഭി​ക്കു​മെ​ന്ന്​ ആ​ർ.​ടി.​എ അ​റി​യി​ച്ചു.

ഓ​ൺ​ലൈ​നി​ൽ​നി​ന്നും മ​റൈ​ൻ സ്​​റ്റേ​ഷ​നി​ൽ നി​ന്നും ടി​ക്ക​റ്റെ​ടു​ക്കു​ന്ന​വ​ർ​ക്ക്​ പു​തി​യ ഓ​ഫ​ർ ല​ഭി​ക്കും. യു.​എ.​ഇ​യി​ലെ ഏ​റ്റ​വും വ​ലി​യ പൈ​തൃ​ക മ്യൂ​സി​യ​ങ്ങ​ളി​ൽ ഒ​ന്നാ​ണ്​ അ​ൽ​ശി​ന്ദ​ഗ മ്യൂ​സി​യം. 18,00ക​ളി​ലെ ച​രി​ത്രം പ​റ​യു​ന്ന മ്യൂ​സി​യ​ത്തി​ൽ ഒ​രു​ക്കി​യി​ട്ടു​ള്ള 80 ച​രി​ത്ര ഭ​വ​ന​ങ്ങ​ളും 22 പ​വി​ലി​യ​നു​ക​ളും​ സ​ന്ദ​ർ​ശ​ക​ർ​ക്ക്​ പു​തു​മ നി​റ​ഞ്ഞ അ​നു​ഭ​വം സ​മ്മാ​നി​ക്കു​ന്ന​താ​ണ്​. പ​ര​മ്പ​രാ​ഗ​ത​മാ​യ ഇ​മാ​റാ​ത്തി ജീ​വി​ത രീ​തി​ക​ൾ, മേ​ഖ​ല​യി​ലെ സ​മ്പ​ന്ന​മാ​യി​രു​ന്ന സാം​സ്​​കാ​രി​ക പൈ​തൃ​കം എ​ന്നി​വ​യി​ലേ​ക്ക്​ വെ​ളി​ച്ചം വീ​ശു​ന്ന​താ​ണ്​ മ്യൂ​സി​യം കാ​ഴ്ച​ക​ൾ.