മഹാവ്യാധിയുടെ മാത്രമല്ല, മനുഷ്യത്വത്തി​െൻറ കൂടി കാലമാണിത്​

ദുബൈ: കോവിഡ്​ സങ്കടങ്ങളുടെ മാത്രം കാലമല്ല, മനുഷ്യൻ മനുഷ്യനെ തിരിച്ചറിഞ്ഞ നല്ല നാളുകളിലൂടെ കൂടിയാണ്​ നാം കടന്നുപോകുന്നത്​. സഹജീവികളുടെ വിശപ്പും വിഷമതകളും തിരിച്ചറിയുവാനും അത്​ ശമിപ്പിക്കുവാനും പാഞ്ഞുനടന്ന മനുഷ്യരെക്കണ്ട്​ മാലാഖമാർ പോലും പുഞ്ചിരി തൂകുന്നുണ്ടാവും. കോവിഡിനെ മതവൈരാഗ്യം പടർത്തുവാനും വിളവെടുപ്പ്​ നടത്താനും ദുരുപയോഗം ചെയ്​തവരുണ്ട്​. എന്നാൽ അവർ കൂടി കേൾക്കുവാൻ യഥാർഥ മനുഷ്യത്വത്തി​​െൻറ കഥ ​പങ്കുവെക്കുന്നു. സഹിഷ്​ണുതയുടെയും സാഹോദര്യത്തി​​െൻറയും ​െഎക്യഅറബ്​ നാട്​ എവ്വിധമാണ്​ കോവിഡിനെ നേരിടുന്നതെന്നും സാധാരണ ജീവിതത്തിലേക്ക്​ തിരിച്ചുവരുന്നതെന്നും ബോധ്യപ്പെടുത്തുന്ന നൂറുകണക്കിന്​ കഥകളിലൊന്ന്​.

കാന്തപുരം എ.പി. അബൂബക്കർ മുസ്​ലിയാരുടെ പ്രത്യേക നിർദേശാനുസരണം കഴിഞ്ഞ ദിവസം റാസൽഖൈമയിൽ നിന്ന്​ കോഴിക്കോ​േട്ടക്ക്​ മർക്കസ്​ പ്രവർത്തകർ ചാർട്ടർ ചെയ്​ത വിമാനത്തിൽ കേച്ചേരിയിൽ നിന്നുള്ള വിഷ്​ണു എന്നൊരു യാത്രക്കാരനുണ്ടായിരുന്നു. വിഷ്​ണു എങ്ങിനെയാണ്​ ആ വിമാനത്തിലെ യാത്രക്കാരനായത്​ എന്നറിയാൻ നാലു മാസം പിറകിലേക്ക്​ പോകണം. 

ജോലി നഷ്‌ടപ്പെട്ട് നാലുമാസത്തോളം റൂമിൽ കഴിയേണ്ടി വന്നിരുന്നു വിഷ്​ണുവിന്​. എന്തെങ്കിലും ജോലി ചെയ്യണമെന്ന്​ കരുതിയിരിക്കു​േമ്പാൾ താമസിക്കുന്ന ക്യാമ്പിൽ മർകസ്​ വളണ്ടിയർമാരായ ഐ.സി.എഫി​​െൻറ പ്രവർത്തകർ ഭക്ഷണ വിതരണത്തിനെത്തി. ഏവരോടും സ്​നേഹപൂർവം കാര്യങ്ങൾ തിരക്കി കൃത്യമായി ഭക്ഷണം വിതരണം ചെയ്യുന്ന സേവകരെ കണ്ടമാത്രയിൽ തന്നെ ഏറെ ആദരം തോന്നി. ജോലിയും ശമ്പളവും ഇല്ലാതെ മുറിയിൽ മുഷിഞ്ഞിരിക്കുന്നതിനു പകരം ഇവർ​ക്കൊപ്പം റിലീഫ്​ സംഘത്തിൽ ചേർന്നാലോ എന്ന്​ തോന്നി. 

ആർ.എസ്​.സി പ്രവർത്തകൻ റിയാസ് സിയാദിനോട്‌ നിങ്ങളുടെ പ്രവർത്തനങ്ങളിൽ എന്നെ കൂടെ കൂട്ടാമോ  എന്ന് വെറുതെ ഒന്നു ചോദിച്ചു നോക്കിയതാണ്​. ഭക്ഷണ വിതരണത്തിന് ജബൽ അലി ഇൻഡസ്ട്രിയൽ യൂണിറ്റിലെ പ്രവർത്തകരോടൊപ്പം പിറ്റേ ദിവസം മുതൽ വിഷ്ണു സേവന നിരതനായി. 

കോവിഡ്​ രോഗികളുടെ എണ്ണം വർധിച്ചുവന്ന സാഹചര്യത്തിൽ ​െഎസൊലേഷൻ കേന്ദ്രങ്ങളിൽ വളണ്ടിയർമാരുടെ ആവശ്യം അധികരിച്ചുവന്നു. ആ ഘട്ടത്തിൽ ജബൽ അലി മർകസ് ഹെൽപ്​ ​െഡസ്ക് ടീം ലീഡർ ലുഖ്‌മാൻ മാങ്ങാട് വിഷ്​ണുവിനോടും തിരക്കി^ ഐസൊലേഷനിൽ നിൽക്കുമോ എന്ന്. ഒട്ടും മടി കാണിക്കാതെ വിഷ്ണു ഐസൊലേഷനിൽ കോവിഡ് പോസിറ്റീവ് ആയ രോഗികൾക്ക് സേവനം ചെയ്യാൻ കൂടി. 

എന്നാൽ കുറച്ചു ദിവസങ്ങൾക്ക്​ ശേഷം വിഷ്ണു കേച്ചേരിക്കും സുനീർ പുന്നയൂർകുളത്തിനും കോവിഡ്​ റിസൽട്ട്​ പോസിറ്റീവ് ആയി. പൊലീസ്​ മേധാവിയുടെ നിർദേശാനുസരണം ഫൈവ് സ്റ്റാർ ഹോട്ടൽ എല്ലാവിധ സൗകര്യങ്ങളുമൊരുക്കിയാണ്​ വിഷ്​ണുവിന്​ ക്വാറൻറീൻ സജ്ജമാക്കിയത്​. മൂന്നാഴ്​ച ക്വാറൻറീൻ കഴിഞ്ഞ്​ രോഗമുക്തി നേടിയ വിഷ്ണുവിന് നാട്ടിലേക്ക് പോകണമെന്നറിയിച്ചതും ചാർ​േട്ടഡ്​ വിമാനത്തിൽ സൗജന്യ യാത്ര ഒരുക്കുകയായിരുന്നു മർക്കസ്​ പ്രവർത്തകർ. 

ആയിരക്കണക്കിനാളുകൾക്ക്​ സേവനമൊരുക്കുന്ന സന്നദ്ധപ്രവർത്തകർക്കൊപ്പം നിന്ന്​ മനുഷ്യർക്ക്​ സാന്ത്വനമേകാൻ കഴിഞ്ഞ സംതൃപ്​തിയോടെയാണ്​ വിഷ്​ണു നാട്ടിലേക്ക്​ മടങ്ങിയത്​.