ദുബൈയിലെ പാർക്കുകളിൽ പ്രവേശന ടിക്കറ്റായും നോൽ കാർഡുകൾ

ദു​ൈബ: വാഹനയാത്രക്കും ഷോപ്പിങിനും ഉപയോഗിച്ചു വരുന്ന നോൽ കാർഡുകൾ ദുബൈയിലെ പൊതുപാർക്കുകളിലും  സൗകര്യപ്രദമായ പ്രവേശനമാർഗമാവുന്നു. റോഡ്​ ഗതാഗത അതോറിറ്റിയുമായി ചേർന്ന്​ ദുബൈ നഗരസഭ  നാല്​ പൊതു പാർക്കുകളിലായി 70 സ്​മാർട്ട്​ ഗേറ്റുകൾ സ്ഥാപിച്ചു കഴിഞ്ഞു. വൈകാതെ കാർഡ്​ റീച്ചാർജ്​ ചെയ്യാനുള്ള വെൻഡിങ്​ മെഷീനും ഇവിടെ സജ്ജമാക്കും. മംസാർ, സബീൽ, മുശ്​രിഫ്​, ക്രീക്ക്​ പാർക്കുകളിലാണ്​ പേപ്പർ ടിക്കറ്റ്​ ഒഴിവാക്കി കാർഡിലേക്ക്​ മാറിയത്​.

​സാധാരണ ഉപയോഗിക്കുന്ന നീല, ഗോൾഡ്​, ചാര നിറ കാർഡുകൾക്ക്​ പുറമെ പാർക്കുകളിൽ നിന്ന്​ ലഭിക്കുന്ന പച്ച കാർഡും പ്രവേശനത്തിനായി ഉപയോഗിക്കാം.ഇതിന്​ 25 ദിർഹമാണ്​ കുറഞ്ഞ നിരക്ക്​. റോഡ്​ ഗതാഗത അതോറിറ്റി നിർമിച്ച്​ ദുബൈ കൾച്ചറി​​െൻറ കീഴിൽ പ്രവർത്തിക്കുന്ന ഇത്തിഹാദ്​ മ്യൂസിയത്തിൽ നേരത്തേ തന്നെ പ്രവേശനത്തിന്​ നോൽ കാർഡ്​ ഉപയോഗം ആരംഭിച്ചിരുന്നു. ചുവന്ന നിറത്തിലെ കാർഡാണ്​ ഇതിനായി വിതരണം ചെയ്​തിരുന്നത്​. സന്ദർശകരുടെ കാത്ത്​ നിൽപ്പ്​ ഒഴിവാക്കാനും സന്തോഷം വർധിപ്പിക്കാനും ഇൗ സംവിധാനം സഹായകമാകുമെന്ന്​ ദുബൈ നഗരസഭ പൊതുപാർക്കുകളുടെ ചുമതലയുള്ള ഡയറക്​ടർ മുഹമ്മദ്​ അബ്​ദുൽ റഹ്​മാൻ അൽ അവാധി പറഞ്ഞു.  

ശാരീരിക വ്യതിയാനമുള്ള നിശ്​ചയദാർഢ്യ വിഭാഗത്തിൽ നിന്നുള്ളവർക്കും അവരുടെ കൂടെയെത്തുന്ന രണ്ടുപേർക്കും പാർക്കുകളിൽ പ്രവേശനം സൗജന്യമാകയാൽ ഇതിനായി പ്രത്യേക കവാടങ്ങളും സ്​ഥാപിക്കും. നാല്​ പാർക്കുകളിൽ എട്ടു മാസം കൊണ്ട്​ ഏഴു ലക്ഷം സന്ദർശകർ നോൽ കാർഡ്​ ഉപയോഗിച്ച്​ പ്രവേശിച്ചതായി ആർ.ടി.എ ഒാ​േട്ടാമേറ്റഡ്​ കലക്​ഷൻ വിഭാഗം ഡയറക്​ടർ ഖാലിദ്​ അൽ അവാധി ഒരു ഇംഗ്ലീഷ്​ പത്രത്തോട്​ പ്രതികരിച്ചു.