നിപ: യു.എ.ഇയിലെ യാത്രക്കാരെ നിരീക്ഷിക്കാൻ വിമാനത്താവള അധികൃതർക്ക്​ നിർദേശം

അബൂദബി: കേരളത്തിൽ നിപ വൈറസ്​ ബാധിച്ച്​ 14 പേർ മരിച്ച സാഹചര്യത്തിൽ യു.എ.ഇയിലെത്തുന്ന യാത്രക്കാരെ നിരീക്ഷിക്കാനും രോഗികളെ കണ്ടെത്താനും വിമാനത്താവള അധികൃതർക്ക്​ ആരോഗ്യ-രോഗപ്രതിരോധ മന്ത്രാലയം നിർദേശം നൽകി. രോഗലക്ഷണങ്ങൾ പ്രകടിപ്പിക്കുന്നവരെ കണ്ടെത്തി നിപ രോഗം ആണോയെന്ന്​ പരിശോധിക്കാനാണ്​ നിർദേശം. നിപ വൈറസ്​ ബാധ സംശയിച്ചാലുടനെ രോഗിയെ മറ്റുള്ളവരിൽനിന്ന്​ മാറ്റണമെന്നും ആരോഗ്യ ഉദ്യോഗസ്​ഥരെ വിവരമറിയിക്കണമെന്നും മന്ത്രാലയം പ്രസ്​താവനയിൽ പറഞ്ഞു.

രോഗം പിടിപെട്ട പ്രദേശത്തുനിന്ന്​ വരുന്ന യാത്രക്കാർക്ക്​ നിപ വൈറസ്​ ബാധയുമായി ബന്ധപ്പെട്ട ലക്ഷണങ്ങൾ അനുഭവപ്പെട്ടാൽ ആരോഗ്യ അധികൃതരെ സമീപിക്കേണ്ടതി​​​​െൻറ പ്രാധാന്യത്തെ കുറിച്ച്​അവരെ ബോധവാന്മാരാക്കേണ്ടതി​​​​െൻറ ആവശ്യകത മന്ത്രാലയം വിശദീകരിച്ചു. തലച്ചോറി​​​​​െൻറ പ്രവർത്തനങ്ങളെ താറുമാറാക്കുന്ന ഇൗ രോഗത്തി​​​​െൻറ ലക്ഷണങ്ങൾ പനി, ചുമ, തലവേദന, ശ്വാസതടസ്സം, പെരുമാറ്റത്തിലെ അസ്വാഭാവികത തുടങ്ങിയവയാണ്​.

കേരളത്തിലേക്ക്​ അത്യാവശ്യ ഘട്ടത്തിലല്ലാതെ യാത്ര പോകരുതെന്ന്​ മന്ത്രാലയം നേരത്തെ മുന്നറിയിപ്പ്​ നൽകിയിരുന്നു. നിപ വൈറസ്​ ബാധ വലിയ തോതിൽ പടർന്നിട്ടില്ലെന്നും രോഗം വന്ന്​ മരിച്ച കേസുകൾ വിശദമായി അവലോകനം ചെയ്​ത്​ വരുന്നതായും ഇന്ത്യൻ ആരോഗ്യ-കുടുംബക്ഷേമ മന്ത്രാലയം അറിയിച്ചതായി യു.എ.ഇ ആരോഗ്യ മന്ത്രാലയം വ്യക്​തമാക്കി. രോഗബാധിതരുടെ എണ്ണത്തിൽ വർധനയില്ലെന്നും പുതിയ സ്​ഥലങ്ങളിലേക്ക്​ വ്യാപിച്ചിട്ടില്ലെന്നും ഇന്ത്യൻ അധികൃതർ വ്യക്​തമാക്കിയതായും യു.എ.ഇ മന്ത്രാലയം പറഞ്ഞു.