പുതുവര്‍ഷം പിറന്നതു ചരിത്രമെഴുതി

ദുബൈ: ലോകം പുതിയ വർഷത്തിലേക്ക്​ കാലെടുത്തു വെക്കവെ യു.എ.ഇ പുതു നേട്ടങ്ങളിലേക്കാണ്​ കുതിപ്പു നടത്തിയത്​. 2018 വർഷത്തെ രാഷ്​ട്രം സ്വാഗതം ചെയ്​തതു തന്നെ ഗിന്നസ്​ റെക്കോർഡിലേറിക്കൊണ്ടാണ്​. ഒരു കെട്ടിടത്തിൽ നടക്കുന്ന ഏറ്റവും വലിയ ലൈറ്റ്​ ആൻറ്​ സൗ​ണ്ട്​ ഷോ ഒരുക്കിയ ബുർജ്​ ഖലീഫയിലെ ലൈറ്റ്​ അപ്​ ദുബൈ ഗിന്നസ്​ പ്രകാ​ശത്തോടെ വിരിഞ്ഞപ്പോൾ ലോകത്തെ ഏറ്റവും വലിയ വെടിക്കെ​െട്ടാരുക്കിയാണ്​ റാസൽ ഖൈമ ഗിന്നസ്​ നേട്ടം സ്വന്തമാക്കിയത്​. ദുബൈ ഫെസ്​റ്റിവൽ സിറ്റി, ബുർജുൽ അറബ്​, ഷാർജ അൽ മജാസ്​, കസബ, അബൂദബി എന്നിവിടങ്ങളിലെല്ലാം മനസിന്​ നിറം പകരുന്ന വർണാഭമായ വിരുന്നുകളുണ്ടായിരുന്നു.