ടാ​ക്സി​യി​ൽ യാ​ത്ര​ക്കാ​ർ​ക്ക്​ വാ​ർ​ത്ത​യും വി​നോ​ദ​വും വി​ര​ൽ​ത്തു​മ്പി​ൽ

ദു​ബൈ: എ​മി​റേ​റ്റി​ലെ ടാ​ക്സി​യി​ൽ യാ​ത്ര ചെ​യ്യു​മ്പോ​ൾ ഇ​നി ബോ​റ​ടി​ക്കേ​ണ്ട. മു​ന്നി​ലെ സ്ക്രീ​നി​ൽ വാ​ർ​ത്ത​ക​ളും വി​നോ​ദ​പ​രി​പാ​ടി​ക​ളും ആ​സ്വ​ദി​ക്കാം. ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി​യാ​ണ് (ആ​ർ.​ടി.​എ)​ യാ​ത്ര​ക്കാ​ർ​ക്ക്​ ആ​ഹ്ലാ​ദം പ​ക​രു​ന്ന​തി​ന്​ ന​വീ​ന​പ​ദ്ധ​തി പ്ര​ഖ്യാ​പി​ച്ച​ത്. 2022ൽ ​ന​ഗ​ര​ത്തി​ലെ 250 ടാ​ക്സി​ക​ളി​ൽ ഡി​ജി​റ്റ​ൽ സ്ക്രീ​നു​ക​ൾ സ്ഥാ​പി​ച്ച്​ ന​ട​ത്തി​യ പൈ​ല​റ്റ്​ പ​ദ്ധ​തി​യു​ടെ വി​ജ​യ​ത്തെ തു​ട​ർ​ന്നാ​ണ്​ കൂ​ടു​ത​ൽ ടാ​ക്സി​ക​ളി​ലേ​ക്ക്​ സ്ക്രീ​നു​ക​ൾ സ്ഥാ​പി​ക്കു​ന്ന​ത്.

ഇ-​ടാ​ക്സി സേ​വ​ന​ദാ​താ​ക്ക​ളാ​യ ഹ​ല ടാ​ക്സി, ബൈ​ന​റി മീ​ഡി​യ എ​ന്നി​വ​യു​മാ​യി സ​ഹ​ക​രി​ച്ചാ​ണ്​ പ​ദ്ധ​തി ന​ട​പ്പാ​ക്കു​ന്ന​ത്. വാ​ർ​ത്ത​ക​ൾ​ക്ക്​ പു​റ​മെ, വി​വി​ധ ഓ​ഫ​റു​ക​ളും ന​ഗ​ര​ത്തി​ലെ മ​റ്റു പ്ര​മോ​ഷ​നു​ക​ളും ലൈ​ഫ്​ സ്​​റ്റൈ​ൽ വി​വ​ര​ങ്ങ​ളും അ​ട​ക്ക​മു​ള്ള​വ യാ​ത്ര​ക്കാ​ര​​ന്‍റെ ഇ​ഷ്ടാ​നു​സ​ര​ണം തെ​ര​ഞ്ഞെ​ടു​ത്ത്​ വാ​യി​ക്കാ​നും കാ​ണാ​നും സാ​ധി​ക്കും. പ​ദ്ധ​തി​യു​ടെ ഔ​ദ്യോ​ഗി​ക ഒ​പ്പു​വെ​ക്ക​ൽ ച​ട​ങ്ങി​ൽ ആ​ർ.​ടി.​എ പ​ബ്ലി​ക്​ ട്രാ​ൻ​സ്​​പോ​ർ​ട്​ ഏ​ജ​ൻ​സി സി.​ഇ.​ഒ അ​ഹ്​​മ​ദ്​ ബ​ഹ്​​റോ​സി​യാ​ൻ, ഹ​ല ടാ​ക്സി സി.​ഇ.​ഒ ഖാ​ലി​ദ്​ നു​സൈ​ബ, ബൈ​ന​റി മീ​ഡി​യ സി.​ഇ.​ഒ​യും ​സ​ഹ​സ്ഥാ​പ​ക​നു​മാ​യ സ​ന്തോ​ഷ്​ ശ​ർ​മ എ​ന്നി​വ​ർ പ​​ങ്കെ​ടു​ത്തു.

ടാ​ക്സി യാ​ത്ര​ക്കി​ട​യി​ൽ വി​വ​ര​ങ്ങ​ളും വി​നോ​ദ​വും സ​മ്മാ​നി​ക്കാ​ൻ സാ​ധി​ക്കു​ന്ന നൂ​ത​ന സം​വി​ധാ​നം ഏ​ർ​പ്പെ​ടു​ത്താ​ൻ സാ​ധി​ക്കു​ന്ന​തി​ൽ ഏ​റെ സ​ന്തോ​ഷ​മു​ണ്ടെ​ന്ന്​ അ​ഹ്​​മ​ദ്​ ബ​ഹ്​​റോ​സി​യാ​ൻ പ്ര​തി​ക​രി​ച്ചു.