മഹ്സൂസ്: രണ്ട് പേർക്ക് ഒരുകോടി രൂപ വീതം സമ്മാനം

ദുബൈ: യു.എ.ഇയിലെ ഏക അംഗീകൃത ഡിജിറ്റൽ നറുക്കെടുപ്പായ മഹ്സൂസിൽ ഈ ആഴ്ച രണ്ട് പേരെ തേടിയെത്തിയത് അഞ്ച് ലക്ഷം ദിർഹം വീതം (ഒരു കോടി ഇന്ത്യൻ രൂപ). ശനിയാഴ്ച നടന്ന തത്സമയ നറുക്കെടുപ്പിലാണ് ഭാഗ്യശാലികളെ തേടി കോടികൾ എത്തിയത്. ആറ് നമ്പറുകളിൽ അഞ്ചും യോജിച്ച് വന്നവരാണ് സമ്മാനാർഹരായത്. ഇവർക്ക് പുറമെ 110 പേർക്ക് 1000 ദിർഹം വീതവും 2416 പേർക്ക് മുടക്കുമുതലായ 35 ദിർഹമും ലഭിച്ചതായി നടത്തിപ്പുകാരായ ഇവിങ്സ് അറിയിച്ചു. ആകെ 11.94 ലക്ഷം ദിർഹമിെൻറ സമ്മാനങ്ങളാണ് നൽകിയത്. 14, 16, 17, 21, 25, 48 എന്നിവയായിരുന്നു ഭാഗ്യ നമ്പറുകൾ.

അതേസമയം, ഒന്നാം സമ്മാനമായ 50 ദശലക്ഷം ദിർഹം ഇനിയും ആർക്കും ലഭിച്ചിട്ടില്ല. മത്സരാർഥി ഓൺലൈൻ വഴി സമർപ്പിക്കുന്ന ആറ് നമ്പറുകളും നറുക്കെടുപ്പിൽ ഒത്തുവന്നാലാണ് ഒന്നാം സമ്മാനം ലഭിക്കുക. അഞ്ച് നമ്പർ വരെ നിരവധി പേർക്ക് ഒത്തുവന്നെങ്കിലും മെഗാ ഭാഗ്യശാലി ഇതുവരെ എത്തിയിട്ടില്ല. അടുത്ത നറുക്കെടുപ്പ് 13ന് രാത്രി ഒമ്പതിനാണ്. കഴിഞ്ഞയാഴ്ചയിലെ നറുക്കെടുപ്പിൽ പങ്കെടുക്കാൻ കഴിയാത്തവർക്ക് www.mahzooz.ae എന്ന വെബ്സൈറ്റ് വഴി ഇനിയും പങ്കെടുക്കാൻ അവസരമുണ്ട്. വെബ്സൈറ്റ് വഴി 35 ദിർഹം വിലയുള്ള അൽ ഇമാറാത്ത് വാട്ടർബോട്ടിൽ വാങ്ങി സംഭാവന ചെയ്യുന്നതിലൂടെയാണ് മത്സരത്തിലേക്ക് പ്രവേശിക്കുന്നത്. ഈ ബോട്ടിലുകൾ മെഹ്സൂസിെൻറ പാർട്ണർമാർ വഴി ആവശ്യക്കാരിലേക്കെത്തിക്കും. മഹ്സൂസിൽ പങ്കെടുക്കുന്നവരിൽ നിന്ന് ലഭിക്കുന്ന തുകയുടെ ഒരു ഭാഗം ജീവകാരുണ്യ പ്രവർത്തനങ്ങൾക്കായാണ് ചെലവഴിക്കുന്നത്. എല്ലാ ശനിയാഴ്ചകളിലും രാത്രി ഒമ്പതിന് നടക്കുന്ന തത്സമയ നറുക്കെടുപ്പ് മഹ്സൂസിെൻറ സൈറ്റിലൂയെും (www.mahzooz.ae) യൂട്യൂബ്, ഫേസ്ബുക്ക് പേജുകളിലൂടെയും കാണാം.