മൂ​ന്ന​ര​പ്പ​തി​റ്റാ​ണ്ടി​ന്‍റെ പ്ര​വാ​സം: അ​ഷ്‌​റ​ഫ് ഹാ​ജി നാ​ട്ടി​ലേ​ക്ക്

അ​ബൂ​ദ​ബി: 35 വ​ര്‍ഷം മു​മ്പ് പ്ര​വാ​സ​മ​ണ്ണി​ലെ​ത്തി​യ കാ​സ​ര്‍കോ​ട് തൃ​ക്ക​രി​പ്പൂ​ര്‍ എ​ളം​ബ​ച്ചി സ്വ​ദേ​ശി അ​ഷ്‌​റ​ഫ് ഹാ​ജി​യു​ടെ സേ​വ​നം ഇ​നി ജ​ന്മ​നാ​ട്ടി​ല്‍. 1989 ഒ​ക്ടോ​ബ​ര്‍ 10ന് ​ബോം​ബെ വ​ഴി​യാ​ണ് ദു​ബൈ​യി​ല്‍ എ​ത്തി​യ​ത്. പ​ത്തു വ​ര്‍ഷ​ക്കാ​ലം ദു​ബൈ​യി​ല്‍ വ്യ​ത്യ​സ്ത ക​മ്പ​നി​ക​ളി​ലാ​യി ജോ​ലി ചെ​യ്തു. 2000 മാ​ര്‍ച്ചി​ല്‍ ദു​ബൈ ആ​സ്ഥാ​ന​മാ​യി പ്ര​വ​ര്‍ത്തി​ക്കു​ന്ന ഫാ​ര്‍മ​സി ക​മ്പ​നി​യി​ല്‍ സെ​യി​ല്‍സ്മാ​നാ​യി. അ​ബൂ​ദ​ബി-​അ​ല്‍ ഐ​ന്‍ മാ​ര്‍ക്ക​റ്റി​ങ്​ ചു​മ​ത​ല​യാ​യി​രു​ന്നു അ​ദ്ദേ​ഹ​ത്തി​ന്​ ഉ​ണ്ടാ​യി​രു​ന്ന​ത്.

25 വ​ര്‍ഷ​വും ഫാ​ര്‍മ​സി മേ​ഖ​ല​യി​ല്‍ത​ന്നെ ജോ​ലി ചെ​യ്താ​ണ് പ്ര​വാ​സ​ത്തോ​ട് വി​ട​പ​റ​യു​ന്ന​ത്. പ​യ്യ​ന്നൂ​ര്‍ കാ​ങ്കോ​ല്‍ കെ.​പി.​സി. ഇ​ബ്രാ​ഹിം ഹാ​ജി​യു​ടെ മ​ക​നാ​യ അ​ഷ്‌​റ​ഫ് ഹാ​ജി സ്വ​ന്ത​മാ​യി​രു​ന്ന ലോ​റി വി​റ്റാ​ണ് പ്ര​വാ​സ​ത്തി​ലേ​ക്ക് ക​ട​ക്കു​ന്ന​ത്. ക​ഷ്ട​പ്പാ​ടു​ക​ള്‍ നി​റ​ഞ്ഞ ജീ​വി​ത​ത്തി​ന് അ​റു​തി​യാ​യ​തും ഇ​വി​ടെ ജോ​ലി ആ​രം​ഭി​ച്ച​തോ​ടെ​യാ​ണ്. ഹ​ജ്ജ്, ഉം​റ​ക​ള്‍ നി​ര്‍വ​ഹി​ച്ച​തും മ​ക്ക​ള്‍ക്ക് ഉ​ന്ന​ത വി​ദ്യാ​ഭ്യാ​സം ന​ല്‍കാ​ന്‍ സാ​ധി​ച്ച​തും സ്വ​ന്ത​മാ​യി വീ​ട് നി​ര്‍മി​ച്ച​തു​മെ​ല്ലാം പ്ര​വാ​സ​ജീ​വി​ത​ത്തി​ന്‍റെ നേ​ട്ട​ങ്ങ​ളാ​ണ്.

ദീ​ര്‍ഘ​കാ​ല​ത്തെ പ്ര​വാ​സ ജീ​വി​ത​ത്തി​നി​ട​യി​ല്‍ വ​ലി​യ സ​മ്പാ​ദ്യ​ങ്ങ​ളൊ​ന്നും ഉ​ണ്ടാ​യി​ല്ലെ​ങ്കി​ലും കു​റെ ന​ന്മ​ക​ള്‍ ചെ​യ്യാ​നും മ​റ്റു​ള്ള​വ​ര്‍ക്ക് ത​ണ​ലാ​കാ​നും സാ​ധി​ച്ച​തി​ല്‍ സ​ന്തോ​ഷ​മു​ണ്ടെ​ന്ന് അ​ദ്ദേ​ഹം പ​റ​യു​ന്നു. ഐ.​സി.​എ​ഫ് നാ​ദ്‌​സി​യ സെ​ക്ട​ര്‍ പ​ബ്ലി​ക്കേ​ഷ​ന്‍ പ്ര​സി​ഡ​ന്‍റ്, കാ​ങ്കോ​ല്‍ മ​ദാ​ര്‍ ക​മ്മി​റ്റി ചെ​യ​ര്‍മാ​ന്‍, ത​ളി​പ്പ​റ​മ്പ് അ​ല്‍ മ​ഖ​ര്‍ തു​ട​ങ്ങി​യ സ്ഥാ​പ​ന സം​ഘ​ട​ന​ക​ളി​ലൂ​ടെ​യാ​ണ് പ്ര​വ​ര്‍ത്ത​ന​രം​ഗ​ത്ത് സ​ജീ​വ​മാ​യ​ത്.

ഭാ​ര്യ​യും മൂ​ന്ന് ആ​ണ്‍മ​ക്ക​ളും ഒ​രു പെ​ണ്‍കു​ട്ടി​യും അ​ട​ങ്ങു​ന്ന സ​ന്തു​ഷ്ട കു​ടും​ബ​ത്തോ​ടൊ​പ്പം ശി​ഷ്ട​ജീ​വി​തം നാ​ട്ടി​ല്‍ സാ​മൂ​ഹി​ക സേ​വ​ന ദീ​നീ പ്ര​വ​ര്‍ത്ത​ന​ങ്ങ​ള്‍ ന​ട​ത്താ​നാ​ണ് 59 വ​യ​സ്സ് പി​ന്നി​ട്ട ഹാ​ജി​യു​ടെ ആ​ഗ്ര​ഹം.