രു​ചി​വൈ​വി​ധ്യ​ങ്ങ​ൾ​ക്ക്​ സ്വാ​ഗ​തം​; ഗ​ൾ​ഫു​ഡി​ന്​ നാ​ളെ തു​ട​ക്കം

ദു​ബൈ: ലോ​ക​ത്തി​ലെ ഏ​റ്റ​വും വ​ലി​യ ഭ​ക്ഷ്യ പ്ര​ദ​ർ​ശ​ന​മേ​ള​യാ​യ ഗ​ൾ​ഫു​ഡി​ന്‍റെ 30ാം പ​തി​പ്പി​ന്​ ഫെ​ബ്രു​വ​രി 17 മു​ത​ൽ വേ​ൾ​ഡ്​ ട്രേ​ഡ്​ സെ​ന്‍റ​റി​ൽ തു​ട​ക്ക​മാ​വും. ‘ദ ​നെ​ക്സ്റ്റ്​ ഫ്രോ​ണ്ടി​യ​ർ ഇ​ൻ ഫു​ഡ്​’ എ​ന്ന പ്ര​മേ​യ​ത്തി​ൽ ന​ട​ക്കു​ന്ന ഭ​ക്ഷ്യ മേ​ള​യി​ൽ 129 ലോ​ക രാ​ജ്യ​ങ്ങ​ളി​ൽ​നി​ന്നാ​യി 5,500 പ്ര​ദ​ർ​ശ​ക​ർ 10 ല​ക്ഷ​ത്തി​ല​ധി​കം വൈ​വി​ധ്യ​മാ​ർ​ന്ന ഉ​ൽ​​പ​ന്ന​ങ്ങ​ൾ പ്ര​ദ​ർ​ശി​പ്പി​ക്കും. അ​ഞ്ചു ദി​വ​സ​ങ്ങ​ളി​ലാ​യി ന​ട​ക്കു​ന്ന മേ​ള​യി​ൽ 2000 കോ​ടി ഡോ​ള​റി​ന്‍റെ വ്യാ​പാ​ര ഇ​ട​പാ​ടു​ക​ൾ ന​ട​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്.

വ​മ്പ​ൻ ബ​ഹു​രാ​ഷ്ട്ര ക​മ്പ​നി​ക​ൾ മു​ത​ൽ സ്റ്റാ​ർ​ട്ട​പ് ഭ​ക്ഷ്യ സം​രം​ഭ​ങ്ങ​ൾ വ​രെ പ്ര​ദ​ർ​ശ​ക​രി​ൽ ഉ​ൾ​പ്പെ​ടു​ന്നു. 1.3 ദ​ശ​ല​ക്ഷം ച​തു​ര​ശ്ര അ​ടി​യി​ല​ധി​കം വി​സ്തൃ​തി​യു​ള്ള 24 പ്ര​ദ​ർ​ശ​ന ഹാ​ളു​ക​ൾ ഇ​വി​ടെ എ​ത്തു​ന്ന​വ​ർ​ക്ക് സ​ന്ദ​ർ​ശി​ക്കാം. പു​തി​യ ഉ​ൽ​പ​ന്ന​ങ്ങ​ൾ, ചേ​രു​വ​ക​ൾ, രു​ചി​ക​ൾ എ​ന്നി​വ പു​റ​ത്തി​റ​ക്കു​ന്ന ക​മ്പ​നി​ക​ളു​മാ​യി സം​വ​ദി​ക്കാം.

അ​വ​രു​ടെ പാ​ച​ക വൈ​ദ​ഗ്ധ്യം നേ​രി​ട്ട് അ​നു​ഭ​വി​ച്ച​റി​യാം. വാ​ണി​ജ്യ-​വ്യാ​പാ​ര ക​രാ​റു​ക​ളി​ൽ ഏ​ർ​പ്പെ​ടാം. യു.​എ​സ്, ഫ്രാ​ൻ​സ്, ബ്ര​സീ​ൽ, യു.​കെ, ഇ​ന്ത്യ, സിം​ഗ​പ്പൂ​ർ, ജ​പ്പാ​ൻ, ആ​സ്‌​ട്രേ​ലി​യ, കൊ​സോ​വോ, മ​ഡ​ഗാ​സ്ക​ർ, മൊ​റീ​ഷ്യ​സ്, സാം​ബി​യ തു​ട​ങ്ങി​യ രാ​ജ്യ​ങ്ങ​ളി​ൽ നി​ന്നു​ള്ള ക​മ്പ​നി​ക​ൾ സാ​ന്നി​ധ്യ​മ​റി​യി​ക്കും.

യു.​എ.​ഇ​യി​ലെ പ്ര​മു​ഖ മൊ​ത്ത വ്യാ​പാ​ര ശൃം​ഖ​ല​യാ​യ ജ​ലീ​ൽ ക്യാ​ഷ്​ ആ​ൻ​ഡ്​ ക്യാ​രി, ടേ​സ്റ്റി​ഫു​ഡ്, അ​ബീ​വി​യ, ഈ​സ്​​റ്റേ​ൺ, ആ​ർ.​കെ.​ജി തു​ട​ങ്ങി​യ​വ​രും മേ​ള​യി​ൽ പ​ങ്കാ​ളി​ക​ളാ​കും. ഭ​ക്ഷ്യ രം​ഗ​ത്തെ വി​വി​ധ ക​മ്പ​നി​ക​ളു​ടെ ഏ​റ്റ​വും പു​തി​യ ഉ​ൽ​പ​ന്ന​ങ്ങ​ളു​ടെ ലോ​ഞ്ചി​ങ്ങും പ്ര​ദ​ർ​ശ​ന​ത്തി​ലു​ണ്ടാ​കും. കൂ​ടാ​തെ ലോ​ക​ത്തെ ഏ​റ്റ​വും പ്ര​ശ​സ്ത​രാ​യ ഷെ​ഫു​മാ​രെ നേ​രി​ട്ട്​ അ​റി​യാ​നും അ​വ​രു​ടെ വൈ​വി​ധ്യ​മാ​ർ​ന്ന ഉ​ൽ​പ​ന്ന​ങ്ങ​ൾ പ​രീ​ക്ഷി​ക്കാ​നും അ​വ​സ​ര​മു​ണ്ടാ​കും. അ​ഞ്ചു ദി​വ​സം നീ​ണ്ടു​നി​ൽ​ക്കു​ന്ന മേ​ള 21ന്​ ​സ​മാ​പി​ക്കും.