ഷാ​ർ​ജ​യി​ൽ പു​തി​യ വി​നോ​ദ​കേ​ന്ദ്രം തു​റ​ന്നു

ഷാ​ർ​ജ: കു​ടും​ബ​മാ​യി വി​നോ​ദ​ത്തി​ന് അ​വ​സ​ര​മൊ​രു​ക്കു​ന്ന​ എ​മി​റേ​റ്റി​ലെ ഏ​റ്റ​വും പു​തി​യ കേ​ന്ദ്രം ‘ശീ​സ്​ റെ​സ്റ്റ്​ ഏ​രി​യ’ തു​റ​ന്നു. സു​പ്രീം കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​യു​മാ​യ ശൈ​ഖ്​ സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ ഖാ​സി​മി​യാ​ണ്​ ഖോ​ർ​ഫ​ക്കാ​ൻ-​ഷാ​ർ​ജ റോ​ഡി​ൽ അ​ൽ റൗ​ഗ്​ ട​ണ​ലി​ന്​ സ​മീ​പ​ത്താ​യി നി​ർ​മി​ച്ച പു​തി​യ കേ​ന്ദ്രം ഉ​ദ്​​ഘാ​ട​നം ചെ​യ്ത​ത്. പ​ല​ച​ര​ക്ക്, കാ​ർ​പ​റ്റ്, പെ​ർ​ഫ്യൂം​സ്​ തു​ട​ങ്ങി വ്യ​ത്യ​സ്ത വ​സ്തു​ക്ക​ൾ വി​ൽ​ക്കു​ന്ന​തി​ന്​ 58 ക​ട​ക​ൾ, റ​സ്റ്റാ​റ​ന്‍റു​ക​ൾ, ക​ഫേ​ക​ൾ എ​ന്നി​വ ഇ​വി​ടെ സ​ജ്ജീ​ക​രി​ക്കും.

വ​ലി​യ സ്ക്രീ​ൻ സ​ജ്ജീ​ക​രി​ച്ച 80പേ​രെ ഉ​ൾ​ക്കൊ​ള്ളു​ന്ന ഔ​ട്ട്ഡോ​ർ തി​യ​റ്റ​ർ, 600 സ്ക്വ​യ​ർ മീ​റ്റ​ർ വി​സ്തീ​ർ​ണ​മു​ള്ള കു​ട്ടി​ക​ളു​ടെ ക​ളി​സ്ഥ​ലം എ​ന്നി​വ​യും ഇ​വി​ടെ​യു​ണ്ട്. വി​നോ​ദ സ​ഞ്ചാ​രി​ക​ൾ​ക്കെ​ന്ന പോ​ലെ പ്ര​ദേ​ശ​വാ​സി​ക​ളെ കൂ​ടി ല​ക്ഷ്യം​വെ​ച്ചാ​ണ്​ പ​ദ്ധ​തി ഒ​രു​ക്കി​യി​ട്ടു​ള്ള​ത്. ശീ​സ്, അ​ൽ ന​ഹ്​​വ പ്ര​ദേ​ശ​ത്തെ ഇ​മാ​റാ​ത്തി പൗ​ര​ന്മാ​ർ​ക്കാ​ണ്​ ക​ട​ക​ളു​ടെ ന​ട​ത്തി​പ്പ്​ അ​വ​കാ​ശം ന​ൽ​കി​യി​ട്ടു​ള്ള​ത്. ഉ​ദ്​​ഘാ​ട​ന ച​ട​ങ്ങി​ൽ ക​ട​ക​ളു​ടെ ഉ​ട​മ​സ്ഥാ​വ​കാ​ശം വി​ജ​യാ​ശം​സ​ക​ൾ നേ​ർ​ന്നു​കൊ​ണ്ട്​ ശൈ​ഖ്​ സു​ൽ​ത്താ​ൻ ഇ​വ​ർ​ക്ക്​ കൈ​മാ​റി.

യു.​എ.​ഇ​യി​ലെ കു​ടും​ബ​ങ്ങ​ൾ​ക്ക്​ മാ​ന്യ​മാ​യ ജീ​വി​ത​സൗ​ക​ര്യം ഒ​രു​ക്കു​ന്ന​തി​നും സാ​മ്പ​ത്തി​ക​മാ​യി പി​ന്നാ​ക്കം നി​ൽ​ക്കു​ന്ന​വ​രു​ടെ ജീ​വി​ത നി​ല​വാ​രം വ​ർ​ധി​പ്പി​ക്കു​ന്ന​തി​നും ല​ക്ഷ്യം​വെ​ച്ചാ​ണ്​ ‘ശീ​സ്​ റെ​സ്റ്റ്​ ഏ​രി​യ’ പ​ദ്ധ​തി വി​ക​സി​പ്പി​ച്ച​തെ​ന്ന്​ ​ശൈ​ഖ്​ സു​ൽ​ത്താ​ൻ പ്ര​സ്താ​വി​ച്ചു. ഈ ​പ​ദ്ധ​തി​യി​ൽ ഉ​ൾ​പ്പെ​ടാ​ത്ത​വ​ർ​ക്കാ​യി ട​ണ​ലി​ന്‍റെ മ​റു​വ​ശ​ത്ത്​ മ​റ്റൊ​രു സ​മാ​ന​പ​ദ്ധ​തി ന​ട​പ്പാ​ക്കു​ന്നു​ണ്ടെ​ന്നും അ​ദ്ദേ​ഹം വ്യ​ക്​​ത​മാ​ക്കി. ഖോ​ർ​ഫ​ക്കാ​നി​ലെ മ​ല​യോ​ര​ങ്ങ​ളി​ലെ വി​നോ​ദ സ്ഥ​ല​ങ്ങ​ളി​ലേ​ക്ക്​ നി​ര​വ​ധി​പേ​ർ സ​ഞ്ച​രി​ക്കു​ന്ന സു​പ്ര​ധാ​ന റോ​ഡി​ന്​ സ​മീ​പ​ത്താ​യാ​ണ്​ പ​ദ്ധ​തി ന​ട​പ്പാ​ക്കി​യി​രി​ക്കു​ന്ന​ത്. പ്ര​ത്യേ​കി​ച്ച്​ ത​ണു​പ്പു​കാ​ല​ത്ത്​ ഇ​വി​ടേ​ക്ക്​ നി​ര​വ​ധി പേ​രാ​ണ്​ എ​ത്തി​ച്ചേ​രാ​റു​ള്ള​ത്. മ​ല​നി​ര​ക​ളു​ടെ അ​ഭി​മു​ഖ​മാ​യു​ള്ള ഈ ​പ്ര​ദേ​ശം ഹ​രി​ത​ഭം​ഗി നി​റ​ഞ്ഞ ഭൂ​പ്ര​കൃ​തി​യാ​ൽ അ​നു​ഗ്ര​ഹീ​ത​മാ​ണെ​ന്ന​തും ഒ​രു സ​വി​ശേ​ഷ​ത​യാ​ണ്.