അബൂദബി വിമാനത്താവളത്തിന്​ പുതിയ ടെര്‍മിനല്‍

അ​ബൂ​ദ​ബി: ഏ​റെ പ്ര​തീ​ക്ഷ​യോ​ടെ കാ​ത്തി​രി​ക്കു​ന്ന അ​ബൂ​ദ​ബി വി​മാ​ന​ത്താ​വ​ള​ത്തി​ന്‍റെ പു​തി​യ ടെ​ര്‍മി​ന​ല്‍ ന​വം​ബ​ര്‍ ആ​ദ്യ​ത്തി​ൽ പ്ര​വ​ര്‍ത്ത​നം തു​ട​ങ്ങു​മെ​ന്ന് അ​ധി​കൃ​ത​ര്‍ പ്ര​ഖ്യാ​പി​ച്ചു. 7,42,000 ച​തു​ര​ശ്ര മീ​റ്റ​റി​ലാ​ണ് മി​ഡ്ഫീ​ല്‍ഡ് ടെ​ര്‍മി​ന​ല്‍ കെ​ട്ടി​ടം എ​ന്ന​റി​യ​പ്പെ​ടു​ന്ന ടെ​ര്‍മി​ന​ല്‍ ‘എ’​യു​ടെ നി​ർ​മാ​ണം പൂ​ർ​ത്തി​യാ​വു​ന്ന​ത്. മ​ണി​ക്കൂ​റി​ല്‍ 11000 യാ​ത്രി​ക​രു​ടെ സ​ഞ്ച​രി​ക്കാ​ൻ സൗ​ക​ര്യ​മൊ​രു​ക്കു​ന്ന ടെ​ര്‍മി​ന​ലി​ല്‍ പ്ര​തി​വ​ര്‍ഷം 45 ദ​ശ​ല​ക്ഷ​ത്തി​ലേ​റെ യാ​ത്രി​ക​രെ ഉ​ള്‍ക്കൊ​ള്ളാ​നു​ള്ള ശേ​ഷി​യു​ണ്ട്. നി​ശ്ചി​ത സ​മ​യ​ങ്ങ​ളി​ലാ​യി​ 79 വി​മാ​ന​ങ്ങ​ളു​ടെ സ​ര്‍വി​സി​ന് ടെ​ര്‍മി​ന​ലി​ല്‍ സൗ​ക​ര്യ​മു​ണ്ടാ​വും. നി​ർ​മാ​ണം പൂ​ർ​ത്തി​യാ​വു​ന്ന​തോ​ടെ ലോ​ക​ത്തി​ലെ ത​ന്നെ ഏ​റ്റ​വും വ​ലി​യ ടെ​ർ​മി​ന​ലു​ക​ളി​ൽ ഒ​ന്നാ​യി ഇ​ത്​ മാ​റും.

പ​ര​സ്പ​രം ബ​ന്ധി​പ്പി​ച്ച ബ​യോ​മെ​ട്രി​ക് സം​വി​ധാ​ന​ങ്ങ​ള്‍ അ​ട​ക്ക​മു​ള്ള സൗ​ക​ര്യ​ങ്ങ​ള്‍ ടെ​ര്‍മി​ന​ലി​ന്​ ക​രു​ത്തു പ​ക​രും. സ്വ​യം സേ​വ​ന കി​യോ​സ്‌​കു​ക​ള്‍, സു​ര​ക്ഷാ ചെ​ക്‌​പോ​യ​ന്‍റു​ക​ള്‍, ബാ​ഗേ​ജ് കൈ​കാ​ര്യ സം​വി​ധാ​നം, യാ​ത്ര ആ​രം​ഭി​ക്കു​ന്ന​തു മു​ത​ല്‍ ബോ​ര്‍ഡി​ങ് ഗേ​റ്റ് വ​രെ​യു​ള്ള ഡി​ജി​റ്റ​ലൈ​സ്ഡ് യാ​ത്ര തു​ട​ങ്ങി ഒ​ട്ടേ​റെ സൗ​ക​ര്യ​ങ്ങ​ളാ​ണ് ടെ​ര്‍മി​ന​ലി​ല്‍ ഏ​ര്‍പ്പെ​ടു​ത്തു​ക. പു​തി​യ ടെ​ർ​മി​ന​ൽ യാ​ഥാ​ർ​ഥ്യ​മാ​കു​ന്ന​തോ​ടെ 55 വ​ർ​ഷ​ത്തെ അ​ബൂ​ദ​ബി​യു​ടെ വ്യോ​മ​യാ​ന ച​രി​ത്ര​ത്തി​ലെ പു​തി​യ അ​ധ്യാ​യ​ത്തി​നാ​ണ്​ തു​ട​ക്ക​മി​ടു​ന്ന​തെ​ന്ന്​ അ​ബൂ​ദ​ബി എ​യ​ര്‍പോ​ര്‍ട്‌​സ് ചെ​യ​ര്‍മാ​ന്‍ ശൈ​ഖ് മു​ഹ​മ്മ​ദ് ബി​ന്‍ ഹ​മ​ദ് ബി​ന്‍ ത​ഹ്നൂ​ന്‍ അ​ല്‍ ന​ഹ്യാ​ന്‍ പ​റ​ഞ്ഞു. എ​മി​റേ​റ്റി​ന്‍റെ സു​സ്ഥി​ര വി​ക​സ​ന​ത്തോ​ടു​ള്ള പ്ര​തി​ബ​ദ്ധ​ത​യാ​ണ് ടെ​ര്‍മി​ന​ല്‍ ‘എ’ ​പ്ര​തി​ഫ​ലി​ക്കു​ന്ന​ത്. ലോ​ക​ത്തി​ലെ ഏ​റ്റ​വും വ​ലു​തും സൗ​ക​ര്യ​മു​ള്ള​തു​മാ​യി​രി​ക്കും ടെ​ര്‍മി​ന​ല്‍ എ. ​എ​മി​റേ​റ്റി​ന്‍റെ വി​നോ​ദ​സ​ഞ്ചാ​ര, വ്യാ​പാ​ര രം​ഗ​ത്തി​ന്‍റെ വ​ള​ര്‍ച്ച​യി​ല്‍ പു​തി​യ നി​ര്‍ണാ​യ​ക പ​ങ്കു​വ​ഹി​ക്കു​മെ​ന്നും അ​ദ്ദേ​ഹം കൂ​ട്ടി​ച്ചേ​ര്‍ത്തു.

അ​ന്താ​രാ​ഷ്ട്ര യാ​ത്രി​ക​ര്‍ക്ക് പ്രീ​മി​യം വി​മാ​ന​ത്താ​വ​ള അ​നു​ഭ​വം പ്ര​ദാ​നം ചെ​യ്യു​ന്ന​തി​നു​ള്ള ത​ങ്ങ​ളു​ടെ സ​മ​ര്‍പ്പ​ണ​ത്തി​ന് അ​ടി​വ​ര​യി​ടു​ന്ന​താ​ണ് ടെ​ര്‍മി​ന​ല്‍ എ ​എ​ന്ന് അ​ബൂ​ദ​ബി എ​യ​ര്‍പോ​ര്‍ട്‌​സ്​ മാ​നേ​ജി​ങ് ഡ​യ​റ​ക്ട​റും താ​ല്‍ക്കാ​ലി​ക സി.​ഇ.​ഒ​യു​മാ​യ എ​ലീ​ന സോ​ര്‍ലി​നി പ​റ​ഞ്ഞു.ടെ​ര്‍മി​ന​ല്‍ എ ​ക്ക് അ​ന്താ​രാ​ഷ്ട്ര രൂ​പ​ക​ൽ​പ​ന പു​ര​സ്‌​കാ​ര​വും ഇ​തി​ന​കം ല​ഭി​ച്ചു​ക​ഴി​ഞ്ഞു. പു​റ​മേ​യു​ള്ള ഗ്ലാ​സു​ക​ള്‍ ടെ​ര്‍മി​ന​ലി​ന്‍റെ ഉ​ള്ളി​ല്‍ പ്ര​കൃ​തി​ദ​ത്ത​വെ​ളി​ച്ചം ല​ഭി​ക്കു​ന്ന​തി​ന് സ​ഹാ​യി​ക്കു​ന്ന​താ​ണ്.

ടെ​ര്‍മി​ന​ല്‍ എ ​യു​ടെ കാ​ര്‍ പാ​ര്‍ക്കി​ങ് മേ​ല്‍ക്കൂ​ര​യി​ലെ സൗ​രോ​ര്‍ജ പാ​ന​ലു​ക​ള്‍ നി​ല​വി​ല്‍ മൂ​ന്ന്​ മെ​ഗാ​വാ​ട്ട് സൗ​രോ​ര്‍ജം ഉ​ൽ​പാ​ദി​പ്പി​ക്കു​ന്നു​ണ്ട്. ഇ​തി​ലൂ​ടെ വ​ര്‍ഷം 5300 ട​ണ്ണോ​ളം കാ​ര്‍ബ​ണ്‍ഡ​യോ​ക്‌​സൈ​ഡ് പു​റ​ന്ത​ള്ള​ല്‍ ഒ​ഴി​വാ​ക്കാ​നാ​വു​ന്നു​ണ്ട്.